Ýmsis gögn um lög og reglugerðir prentað efni í góðu ástandi, hér eru einnig undirskriftalistar með rithandarsýnishornum bankastjóra og starfsmanna ( 1982 - 1997) 4 rit og laus blöð með rithandarsýnishorn viskiptamanna ( 1976 ) . Innbundnar sjö skýrslur um bankaeftirlit frá 1978 - 1992 en það vantar inn í ártöl. Hluthafasamkomulag, vinnureglur og samþykktir. Þrju smárit um reglugerð Seðlabanka ( 1962 - 1982. Rit úr Úlfljóti timariti laganema frá 1964.
Litlar viðskiptabækur 11 talsins handskrifaðar og elsta síðan 1923. Stofnskírteini og sýnishorn af tékkheftum sparisjóðsins síðan 1933. Gögnin vel læsileg. Bók með töflum um útreikninga á 3% - 7 % vöxtum. bókin er prentuð í Svíþjóð. Decimal Intresse - Utrakning av J. Lindblom. Gögn Búnaðarfélags Viðvíkurhrepps 1997 - 2013 komu fram í safni Sparisjóðsins og varða þau meðal annars kaup, notkun, varahluta og vinnu á Plóg 3 X 16" er keyptur var frá Ingvari Helgasyni 1997. Harðspjaldabók Lögfræðileg bók um löggjöf landsins. Bók í góðu ásigkomulagi.
Askja 1/2, A. Handskrifuð viðskiptablöð sem eru laus og með hafa verið losuð frá bók. Gögnin eru persónugreinanleg trúnaðargögn og reynt var að láta þau halda sér í uppruna, en sett nokkurn vegin í ártalaröð. Gögnin í þokkalegu standi. Askja 2/2, B- C- D. Gögn um stofnfjáreigendur og ábyrgðarðilla. Gögn um óverðtrygð skuldabréf, persónugreinanleg. Handskrifuð yfirlit yfir sparisjóðsbækur og reikninga 1988 - 1999. Frumrit skuldabréfa persónugreinanleg með innborgunum handskrifuðum á baksíðu skuldabréfa 1992 - 1997. Víxileyðublöð útfyllt og persónugreinanleg, þar sem óskað er eftir að Sparisjóður kaupi víxil 1981 - 2000. Tvær stílabækur um verðtryggða sparireikninga persónugreinanlegir 1998 - 1999. Ein mappa álagningaskrá og stílabók um afsagðir vixlar frá 1946 - 1971. Bókin er handskrifuð og í góðu ásigkomulegi en persónugreinanleg.
Safn sem áður var skráð C1 inniheldur vélrituð og handskrifuð pappírsgögn með ársreikningum Félagsheimilisins Bifrastar og Vkf Öldunnar, auk og innbundnar bækur sem innihalda félagaskrá og ársreikningum félagsins. Í safninu eru persónugreinanleg trúnaðarmál. Safn sem áður var C2 inniheldur árs- og efnahagsreiknnga Vkf Öldunnar og hreyfingalista frá 1989-1993. Í safninu er einnig lífeyrissjóðsyfirlit einstaklings sem var í Vkf Öldunni og er um að ræða trúnaðarmál.
Í safninu eru tvær innrammaðar ljósmyndir, bekkjarmynd Sigurbjargar (Boggu) úr Ungmennaskóla Sauðárkróks og hópmynd nemenda í bekkjarferðalagi sumarið 1932.
Skjölin voru upprúlluð þegar farið var að vinna við að flokka og greina safnið. Í safninu voru nokkur eintök af sama eintakinu, það var grisjað og eitt eintak af hvoru var haldið eftir og reynt að laga til og sett í örk.
Safn sem Jón Bjarnason fyrrverandi skólastjóri Bændaskólans á Hólum afhenti 2015. Safnið samanstendur af skjölum er tengjast Skógræktarfélagi Skagfirðinga og fundagerðabækur sem tengjast félagslífi nemenda Bændaskólans á Hólum. Þetta eru fundagerðabækur frá Hestamannafélaginu Hrein, málfundafélagi Hólasveina, málfundafélagi Hólaskóla, Íþróttafélagi Hólaskóla og ein bók sem kallast Ástundunarbók. Í safninu var einnig skýrsla frá 1977 um ástand skólabyggingarinnar og dagskrá Hólahátíðar frá árinu 1997. Í fundagerðabók hestamannafélagsins Hreins voru tvö umslög, í þeim voru skýrslur og fundarboð frá Landsambandi Hestamannafélaga og bréf frá námsmeyjum í húsmæðraskólanum á Varmalandi í Borgarfirði. Umslögin voru grisjuð úr safninu og erindin sett í arkir. Að öðru leyti var safnið látið haldast óbreytt.
Safn með 13 sendibréfum, 7 jólakortum, 4 nafnspjöldum og einu skeyti sem Stefán Guðmundssyni (Íslandi) frændi Stefönu sendi henni á tímabilinu 1930-1965.
Dagbækur Maríu Björnsdóttur Hansen frá árunum 1965-1988. Dagbækurnar eru fæstar skrifaðar dag frá degi heldur er oft einungis samantekt yfir vikur og mánuði og ná sjaldnast samfellt frá janúar-desember ár hvert. Einnig eru tvær minningabækur frá skólaárum Maríu og Kristjáns á Laugarvatni 1936-1939.
