5 ljósmyndir sem koma úr búi Jóns Friðriks Jónssonar.

Tilgáta: Hið skagfirska kvenfélag á tímabilinu 1940-1950.

Um er að ræða pappírsgögn sem voru í vörslu Héraðsbókasafns Skagfirðinga og var afhent af Þórdísi Friðbjörnsdóttur þáverandi forstöðumanns bókasafnsins.

Bréfa og ljósmyndasafn úr eigu Guðjóns Sigurðssonar bakara og Ólínu Ingibjörgu Björnsdóttur konu hans, safnið samanstendur af sendibréfum og erindum m.a til þáverandi sjávarútvegsráðherra Emils Jónssonar (1963). Í safninu eru auk þess 280 pappírskópíur og ljósmyndir, hluti af þeim er úr eigu Björns (Haraldar) Björnssonar, bróður Ólínu. Safn Björns var í litlu tréboxi (gömlu vindlaboxi). Þess má geta að í tréboxinu voru tvær litlar myndamöppur með ljósmyndum af helstu kennileitum Kaupmannahafnar. Ákveðið var að halda söfnunum aðskildum og skrá myndirnar og myndamöppurnar sérstaklega.
Þegar byrjað var að fara yfir myndinar komu í ljós nokkrar myndir sem eru úr eigu Björns Björnssonar sem var tengdasonur Ólínu og Guðjóns, nokkrar af myndunum eru merktar honum og hafa liklega verið birtar í Morgunblaðinu (Björn var lengi fréttaritari blaðsins).

Í safninu eru tvær frumbækur með kvittanir fyrir greidd árgjöld til Alþýðuflokksfélags Sauðárkróks 1941-1944, einnig félagaskrá og yfirlit yfir greidd árgjöld. Gögnin eru vel læsileg og ágætlega varðveitt.

Fylgigögn bókhalds, efnahags- og rekstrarreikningur v/ Alþýðuflokksfélags Sauðárkróks. Einnig eru fylgigögn bókhalds, kvittanir fyrir greiðslum, skilagrein vegna hlutaveltu og listi vegna útistandandi skulda við félagið. Pappírsgögnin hafa varðveist sæmilega, þau eru vel læsileg.

Í safninu eru efnahags- og rekstrarreikningar einnig skýrslur til Alþýðusambands Íslands fyrir tímabilið1943-1946. Skjölin eru vel læsileg og ágætlega varðveitt

Innbundin og handskrifuð sjóðsdagbók Verkamannafélagsins Fram. Í bókina eru færðar dagbókafærslur fyrir félagið fyrir tímabilið 1937-1939, að öðru leyti er bókin lítið notuð. Bókin er vel læsileg og í ágætlegu ásigkomulagið, límborði er á kjölnum.

Innbundin handskrifuð bók með línustrikuðum blaðsíðum. Bókin er merkt Höfuðbók II. Í bókina er skrá yfir greidd árgjöld félagsmanna Verkamannafélagsins Fram tímbilið 1939-1944 aftast í bókinni er félagaskrá. Bókin er í A5 stærð og er vel læsileg og ágætlega varðveitt.

Innbundin og handskrifuð bók í A3 broti skrifað er í örfáar blaðsíður. Í bókinni er blað með upplýsingum með nöfnum nokkurra manna sem skulda (ekki kemur nákvæmlega fram hverjum þeir skulda eða hversu mikið), bréfið er ódagsett og án ártals.
Bókin er vel varðveitt og í góðu ásigkomulagi.

Afrit af reikningi vegna vangreiðslu á félagsgjaldi dagsett 16/2.1936 í safninu eru perónugreinanleg trúnaðargögn.

Í safninu eru fylgiskjöl bókhalds, gjalda og tekjureikningar og efnahags reikningar - fyrir Jafnaðarmannafélag Sauðárkróks fyrir tímabilið 1935-1939. Einnig er einn lítill miði sem á er nafnalisti og reikningsdæmi á bakhliðinni. Skjölin eru ágætlega varðveitt og vel læsileg.

Í safninu eru rekstrar- og efnahagsreikningar fyrir Alþýðuflokksfélag Sauðárkróks, einnig eru þrjár kvittanir frá Alþýðusambandi Ísl. vegna greiðslna frá Alþýðuflokksfélagi Sauðárkróks. Safnið inniheldur fundarboð hjá A.S.Í, fylgigögn bókhalds, póstkvittanir, staðfestingu á greiðslu til A.S.Í, umslagi með frímerkjum og afklippur af umslagi og fylgibréfi fyrir póstsendingu.

Efnahags-og rekstrarreikningar fyrir árið 1936 handskrifað á línustrikuð blöð. Blöðin hafa rifnað og krumpast neðst. Reikningur Alþýðuflokksfélags Sauðárkróks og skýrslur til ASÍ fyrir tímabilið 1936-1938 eru forprentaðar í A3 broti. Öll gögnin hafa varðveist ágætlega.

Í safninu eru rekstrar- og efnahagsreikningar einnig frumbók með kvittunum fyrir greidd árgjöld skráð á Alþýðuflokksfélag Sauðárkróks og einn miði þar sem óskað er eftir upptöku í Jafnaðarmannafélag Sauðárkróks, dagsett og undirritað, gögnin eru frá tímabilinu 1939-1941. Ein útfyllt kvittun er eftir í frumbókinni. Safnið er allt vel varðveitt og læsilegt.

Aðalreikningar Jafnaðarmannafélag Sauðárkróks fyrir árið 1938. Um er að ræða tvö blöð, annars vegar efnahagsreikningur og gjalda- og tekjureikning félagsins. Blöðin eru vel læsileg og hafa varðveist ágætlega.

Í bókina eru skráðar fundagjörðir úthlutunarnefndar Verkamannafélagsins Fram 1991-1996. Bókin er innbundin og með línustrikuðum blaðsíðum, í hana eru PERSÓNUGREINANLEG TRÚNAÐARGÖGN er tengjast meðal annars bótum frá sameiginlegri úthlutunarnefnd verkalýðsfélaga á Sauðárkróki.
Bókin er vel læsileg og ágætlega varðveitt.

Fundagjörðir hjálparsjóðs og sjúkrasjóðs Verkamannafélagsins Fram 1985-1997, innbundin bók í A4 stærð með handskrifuðum færslum og línustrikuðum blaðsíðum í henni eru persónugreinanleg trúnaðargögn. Bókin er vel læsileg og í góðu ásigkomulagi, ekki er færðar fundagerðir nema í hluta bókarinnar og er hún að mestu heil og ónýtt.

Í bókina eru skráðar fundagjörðir úthlutunarnefndar Verkamannafélagsins Fram 1978-1991. Bókin er þykk, innbundin og með línustrikuðum blaðsíðum, í hana eru PERSÓNUGREINANLEG TRÚNAÐARGÖGN er tengjast meðal annars bótum frá sameiginlegri úthlutunarnefnd verkalýðsfélaga á Sauðárkróki.
Bókin er vel læsileg og ágætlega varðveitt.

Fundagerðabók Verkamannafélagsins Fram 1950, sem inniheldur fundagerðir atvinnumálanefndar. þetta er þunn stílabók, handskrifuð með línustrikuðum blaðsíðum. Í bókinni er fyrstu tvær fundagerðir atvinnumálanefndar V.M.F. Fram auk þess sem skrifað er svar frá stjórn V.M.F. Fram vegna fyrirspurnar frá nefndinni um verksvið nefndarinnar innan félagsins. Fremst er handskrifað "Komin frá Jóni Magnússyni, Skr.1987". Bókin er vel læsileg og ágætlega varðveitt.

Í bókina eru skráðar fundagjörðir úthlutunarnefndar Verkamannafélagsins Fram 1996-1997. Bókin er innbundin og með línustrikuðum blaðsíðum, í hana eru PERSÓNUGREINANLEG TRÚNAÐARGÖGN er tengjast meðal annars bótum frá sameiginlegri úthlutunarnefnd verkalýðsfélaga á Sauðárkróki.
Bókin er vel læsileg og ágætlega varðveitt.

Fundagerðabók hjálparsjóðs Verkamannafélagsins Fram 1954-1961, bókin er innbundin og með línustrikuðum blaðsíðum.
Í bókina eru sjö fundagerðir skráðar, í þeim eru persónugreinanleg trúnaðargögn og í þeirri síðustu sem er dagsett 17. 12.1961 kemur fram að þetta sé síðasta úthlutun úr sjóðnum í núverandi formi, nýtt kerfi tæki við um áramót sem hefur mikið hærri tekjustofn en núverandi kerfi.

Fundagerðabók stjórnar sjúkrasjóðs Verkamannafélagsins Fram 1962-1985, innbundin handskrifuð bók með línustrikuðum blaðsíðum. Bókin er í A4 stærð og í henni eru persónugreinanleg trúnaðarupplýsingar er varða félagsmenn sem sóttu um hjá sjúkrasjóðnum. Bókin er vel læsileg og ágætlega varðveitt. Aftast í bókinni eru tvö blöð með töllegum upplýsingum frá sjúkrasjóðnum 1973 og 1977.

Fundagjörðir samninganefndar Verkamannafélagsins Fram 1996-1997. Í bókinni er fyrsta fundagerð samninganefndarinnar sem haldin var 12.11.1996 auk tveggja annara funda sem nefndin hélt árið 1997 - ekkert annað er skráð í bókina. Bókin er í A4 stærð og er heilleg og vel læsileg.

Fundgerðabók kjörstjórnar Verkamannafélagsins Fram 1966-1972. Bókin er innbundin með línustrikuðum blaðsíðum, níu fundagerðir eru skráðar í bókina. Bókin er ágætlega varðveitt og vel læsileg.
Í bókinni var umslag sem á stendur "Framboðslistar: til fulltrúakjörs á 32. þing A.S.Í 1972". Með umslaginu eru þrjú blöð, tvö í A4 stærð og eitt í A5, sem er línustrikað. A4 blöðin eru vélrituð og handskrifuð með nöfnum fulltrúa fyrir fulltrúakjör fyrir þing A.S.Í árið 1972 fyrir lista A og B. Á blöðunum eru líka nöfn meðmælenda fulltrúanna. Á A5 blaðinu er handskrifuð yfirlýsing þar sem undirritaður, Egill Helgason segist hafa tekið á móti framboðslistum fyrir áðurnefndu fulltúakjöri. Egill skrifar undir yfirlýsinguna sem er dagsett 4. okt.1972. Blöðin eru viðkvæm til meðhöndlunar.

Tvær reglugerðir fyrir ekknasjóðs Verkamannafélagsins Fram. Um er að ræða pappírsgögn línu- og rúðustrikuð blaðsíður sem á eru handskrifaðar þessar reglugerðir, eldri reglugerðin er dagsett 23. jan. 1922, hin (og líklega gerð mun seinna) er ódagsett og án ártals.
Gögnin hafa varðveist ágætlega og eru vel læsileg.

Fundagjörðir kjörstjórnar Verkamannafélagsins Fram 1997-1998, bókin er harðspjalda með línustrikuðum blaðsíðum. Í bókinni eru færðar fimm fundagerðir, sú fyrsta er dagsett 23/3 en ekkert ártal er skráð. Bókin er vel læsileg og ágætlega varðveitt.

Fundagerðabók Verkamannafélagsins Fram vegna Strandar sf. (sem er Sæmundargata 7b) sem Verkamannafélagið Fram átti. Þar rak félagið veislu- og fundarsal sem það leigði út.
Í bókina eru skráðar þrjár fundagerðir auk þess sem ein fundagerð, dagsett 25. okt. (án ártals) er á lausu línustrikuðu blaði. Einnig voru í bókinni vélrituð blöð með dagskrá stjórnafundar, hugmynd að gjaldskrá og drög að starfslýsingu umsjónarmanns með sal. Bókin er vel læsileg og í góðu ásigkomulagi.

Tvö lausblaða blöð (líklega klippt úr fundagerðabók, sbr. númerum efst á blöðunum) línustrikuð sem á eru handskrifaðar fundagjörðir kjörnefndar Verkamannafélagsins Fram. Annað blaðið er dagsett 4/3,1996, hið síðara er dagsett 8/3 en ekkert ártal er á því. Blöðin eru vel læsileg og ágætlega varðveitt.

Tvær bækur og pappírsgögn eru í þessu safni, allt vel læsilegt og í góðu ásigkomulagi.

Fundagerðabók Verkamannafélagsins Fram 1993-1998, sem inniheldur fundagerðir stjórnar. Innbundin handskrifuð með línustrikuðum blaðsíðum. Bókin er vel læsileg og ágætlega varðveitt.

Fundagerðabók stjórnar og trúnaðarmannaráðs Verkamannafélagsins Fram 1979-1984. Innbundin handskrifuð bók í A4 stærð með línustrikuðum blaðsíðum. Bókin er vel læsileg og hefur varðveist mjög vel.

Fundagerðabók stjórnar og trúnaðarmannaráðs Verkamannafélagsins Fram 1984-1989. Innbundin handskrifuð bók með línustrikuðum blaðsíðum. Bókin er vel læsileg og í góðu ásigkomulagi. Í einni opnu í bókinni (bls. 122-123) eru tvö vélrituð blöð með ályktun stjórnar og trúnaðarmannaráðs V.M.F. Fram. Blöðin eru límd á blaðsíðurnar og er þetta mjög snyrtilega frágengið.

Innbundin handskrifuð bók með línustrikuðum blaðsíðum í bókinni eru skráð lög Verkamannafélagsins Fram. Fyrstu lög félagsins voru skráð 7. febrúar 1933 og til ársins 1938 auk undirskriftum félagsmanna og skráðar eru sex lagabreytingar. Bókin er í A3 stærð er vel læsileg og ágætlega varðveitt.

Fundagerðabók stjórnar og trúnaðarmannaráðs Verkamannafélagsins Fram tímabilið 1989-1993. Innbundin handskrifuð bók í A4 stærð með línustrikuðum blaðsíðum. Bókin er vel læsileg og hefur varðveist ágætlega.

Fundagjörðir Verkamannafélagsins Fram 1997-1999, í safninu eru úptrentuð og ljósrituð pappírsgögn með fundagerðum stjórnar V.M.F. Fram, stjórn sjúkarsjóðs Vlf. Fram og sameiginlegs fundar Verkamannafél. Fram og Verkakvennafélags Öldunnar.
Safnið inniheldur fundarboð og dagskrá funda, einnig gögn sem tengjast dagskrárefnis fundanna, öll hefti voru hreinsuð úr safninu. Skjölum var raðað eftir dagsetningu funda og ártali - að öðru leyti var það látið haldast óbreytt. Öll gögn eru í góðu ásigkomulagi og vel læsilegt. Í fundagerð 24.9.1998 er t.d. rætt um samstarf V.M.F. Fram og Vkf. Ölduna um ýmis samstarfsverkefni félaganna, þar að auki er rætt um sameiningu þeirra. Í fundargerð stjórnar Vlf. Fram dags.18.10.1999 kemur meðal annars fram formlegar samþykktir félaganna tveggja um sameiningu.

Þunn stílabók með línustrikuðum blaðsíðum sem inniheldur lista yfir félagsmenn Verkamannafélagsins Fram 1928-1929 og mætingu þeirra á fundi félagsins. Hefti sem binda bókina voru orðin mjög ryðguð og farin að molna og skemma blaðsíðurnar í miðjubrotinu. Heftin voru fjarlægð (molnuðu reyndar í sundur við viðkomu), bókin er vel læsileg og að öðru leyti hefur varðveist ágætlega.

Fundagerðabók Verkamannafélagsins Fram 1971-1979 inniheldur fundagerðir stjórn og trúnaðarráði félagsins. Bókin er Innbundin handskrifuð með línustrikuðum blaðsíðum. Bókin er vel læsileg, bindingin er aðeins farin að losna að öðru leyti hefur hún varðveist ágætlega.

Fundagerðabók Verkamannafélagsins Fram 1987-1997 inniheldur fundagerðir aðalfunda félagsins. Bókin er í A3 stærð og er innbundin með línustrikuðum blaðsíðum, aðeins er skráð í bókina að litlum hluta að. Bókin er vel læsileg og hefur varðveist mjög vel.

Fundagerðabók Verkamannafélagsins Fram 1969-1986, bókin inniheldur fundagerðir aðalfunda félagsins. Innbundin handskrifuð bók með línustrikuðum blaðsíðum, nokkur vélrituð blöð sem eru heftuð og / eða límd með límbandi á blaðsíður í bókinni. Um er að ræða ályktanir frá aðalfundum félagsins. Þess ber að geta að flestar fundagerðirnar eru ritaðar af Agli Helgasyni og Jóni Karlssyni fyrrum formanni félagsins. Í bókinni eru einnig nokkrar vísur eftir Egil.

Fundgerðabók aðalfunda Verkamannafélagsins Fram 1933-1935. Innbundin handskrifuð bók með línustrikuðum blaðsíðum. Nokkrar blaðsíður eru auðar og virðist sem að það hafi farist hjá að skrá nokkrar fundagerðir í bókina. Bókin er vel læsileg og ágætlega varðveitt.

Fundagerðabók stjórnar Verkamannafélagsins Fram 1935-1942. Innbundin handskrifuð bók með línustrikuðum blaðsíðum í A5 stærð.
Bókin er ágætlega varðveitt og vel læsileg.

Fundgerðabók Verkamannafélagsins Fram 1942-1953 og inniheldur fundagerðir stjórnar. Innbundin handskrifuð bók með línustrikuðum blaðsíðum. Bókin er vel læsileg og ágætlega varðveitt, bindingin er aðeins farin að losna frá. Límborði er á kili bókarinnar.

Fundgerðabók Verkamannafélagsins Fram 1951-1969 inniheldur fundagerðir félagsfunda. Bókin er grænyrjótt í A4 stærð og er innbundin handskrifuð og með línustrikuðum blaðsíðum. Bókin er ágælega varðveitt og vel læsileg.

Fundagerðabók Verkamannafélagsins Fram 1961-1967 sem inniheldur fundagerðir stjórnar og trúnaðarmannaráðs. Innbundin handskrifuð bók með línustrikuðum blaðsíðum og er græn á lit. Í bókinni eru fundagerðir þar sem V.M.F. Fram og Verkakvennafélagagið Aldan funda um fyrirhuguð verkföll hjá verkafólki á Sauðárkróki. Á aftasta saurblaði bókarinnar eru tvær vísur og undir þeim eru stafirnir E.H. Á þessum tima var Egill Helgason fundaritari og eru vísurnar líklega eftir hann.

Fundgerðabók aðalfunda Verkamannafélagsins Fram 1936-1951. Innbundin handskrifuð bók með línustrikuðum blaðsíðum, bókin er í A3 stærð. Bókin er í ágætu ásigkomulagi og vel læsileg. Nokkrar blaðsíður hafa losnað, eða eru lausar. Á einhverjum tímapunkti hefur verið reynt að gera við og festa blöðin. Límborði er á kili bókarinnar.

Fundagerðabók Verkamannafélagsins Fram 1968-1971 sem inniheldur fundagerðir stjórnar og trúnaðarmannaráðs. Innbundin handskrifuð bók með línustrikuðum blaðsíðum. Í bókinni er vélritað blað sem var heft við blaðsíðu þar sem fundagerð dags 1. maí 1971 er rituð. Blað þetta er ályktun stjórnar og trúnaðarráðs V.M.F. Fram,og Verkakvennafélagsins Öldunnar til Útgerðafélags Skagfirðinga. Heftin voru fjarlægð.

Innbundin handskrifuð bók með línustrikuðum blaðsíðum. Í bókinni eru færðar inn þrjár fundagerðir fyrir árið 1931, einnig er handskrifað uppkast á leikriti - ekki kemur fram hver höfundurinn. Kápa bókarinnar er svart og á því stendur með gylltum stöfum "Excercise Book", kjölurinn og hornin eru rauð. Bókin er vel læsileg og hefur varðveist ágætlega.

Fundgerðabók stjórnar Verkamannafélagsins Fram 1923-1928. Harðspjaldabók með línustrikuðum blaðsíðum, heftin sem héldu spjaldinu og blaðsíðunum saman voru fjarlægð þar sem þau voru orðin mjög ryðguð. Í bókinni eru fundagerðir, lög félagsins, félagaskrá og reikninga félagsins fyrir árið 1926, 1927 og 1928. Einnig er nafnalisti með nöfnum þeirra sem gáfu vinnu sína við byggingu hús V.M.F. Fram og stofnsamningur fyrir hlutabréf í húsinu.

Fundgerðabók félagsfunda Verkamannafélagsins Fram 1926-1931, bókin er innbundin með línustrikuðum blaðsíðum í A3 stærð. Í bókinni eru fundagerðir, breytingatillögur á lögum félagsins og samþykktir um lagabreytingar. Einnig er félagaskrá og ákvarðanir um kauptaxta launa 1929.
Bókin er vel læsileg, fyrsta blaðsíðan virðist hafa verið rifin eða skorin úr bókinni að öðru leyti hefur bókin varðveist ágætlega.
Bókin er brúnyrjótt að lit

Innbundin og handskrifuð bók, rauð á litinn. Í bókina eru handskrifaðar dagbókarfærslur Sigurðar frá 17.6.1952 - 14.5.1960. Í bókinni er blað með punktum frá bæjarstjórnarfundi 23.3.1954 og umslag sem stílað er á Ingibjörgu Eiríksdóttur og er með sænskum póststimpli og frímerki. Ekki er vitað hver afhendir.

1 svarthvít ljósmynd af Ástínu Þorbjörgu Jóhanndsóttur, á baklhlið myndarinnar stendur "Þorbjörg kona Jóns Gísla".

Safn sem innihélt 16 innbundnar söng- og siðbækur og hefti sem gefin voru út af I.O.G.T. (Stórstúku Íslands). Safnið var í kassa nr. 71 sem var merktur "skólaminjasafn" og fannst í kjallara Héraðsskjalasafnsins. Á meðal bókanna var ljósritað skjal með upplýsingum um innihaldið (í kassa 71).

Innbundnar handskrifaðar og vel læsilegar bækur. Bækurnar hafa varðveist ágætlega, bindingar og blöð eru að mestu heilleg. Elsta fundargerðarbókin (frá 1903-1912) hefur varðveist illa.

Safn sem inniheldur nokkrar afhendingar sem allar tengjast starfsemi Félagsheimilisins Bifrastar og Sauðárkróksbíós h/f, allt frá stofnun þeirra 1925 til 1998. Ekki er vitað nákvæmlega hverjir afhenda skjölin en vitað er að Sigurbjörn Björnsson afhenti tvær öskjur sem í voru fylgiskjöl bókhalds 1992-1996, 21.09.1998. Ein afhendingin, skjöl frá árinu 1966-1969 voru frá U.M.F.T. samkvæmt miða sem fannst meðal skjalanna.

Afhendingarnar voru óskráðar. Byrjað var að gróf flokka öll skjölin, búið var að gróf flokka fylgigögn bókhalds - sérstaklega nýjustu skjölin þar sem þau höfðu verið í möppum og þau látin halda sér að mestu.
Meiri tími fór í að flokka önnur skjöl, þeirra á meðal voru kjörbréf, fundargerðir, skýrslur um rekstur bíósins og félagsheimilisins, samningar um veitingarekstur, gjaldskrár, fundarboð, einnig bréf og formleg erindi. Í safninu eru áhugaverðar heimildir um sögu Bifrastar, umræður um stækkun og breytingum á félagsheimilinu, einnig skjöl og teikningar því til staðfestingar. Skjölin voru aðgreind og þeim raðað eftir ártölum inn í arkirnar.
Safnið er allt ágætlega varðveitt og vel læsilegt. Í safninu eru margar pappírsgerðir og þykktir. Skjölin voru í misgóðu ástandi, pappírinn að mestu gulnaður og snjáður, jafnvel rifnaður. Hefti og bréfaklemmur voru hreinsaðar úr elstu skjölunum.

Talsvert miklu af skjölum var grisjað úr safninu - sérstaklega ef það voru fleiri en eitt eintak til - reynt var að halda betra eintakinu eftir. Mest af því sem var grisjað úr voru vélritaðar fundargerðir og skýrslur sem voru til í 2-3 eintökum. Það sama á við um efnahagsreikninga, gjaldskrár, óútfyllt hlutabréf í Sauðárkróksbíó h/f. Haldið var eftir árituðum hlutabréfum auk óútfylltra eintaka af hvorri upphæð 500.- og 1000 kr.
Hlutabréf í Félagsheimilinu Bifröst frá 1954 sem voru í eigu Iðnaðamannafélags Sauðárkróks voru afhent af Ingimari Jóhannssyni 29.05.2024. Bréfin voru í hans vörslu eftir að þau voru fjarlægð úr bankahólfi sem Iðnaðarmannafélag Sauðárkróks hafði til afnota hjá Arion Banka - áður Búnaðarbanka Íslands. Bréfunum var bætt við í skjalasafnið frá Bifröst.

Á meðal bókhaldsgagna fannst áhugavert skjal, það er leigusamningur sem gerður var við breska setuliðið á Félagsheimilinu Bifröst sem kom til Sauðárkróks og dvaldi hér í um tvö ár, frá 1940 til 1942. Skjal þetta er undirritað af Eysteini Bjarnasyni framkvæmdastjóra og foringja bresku hermannanna.
Byrjað var að á að flokka bókhaldsgögnin, það kom fljótt í ljós að það yrði lang auðveldast að fara í gegnum þau skjöl. Á meðal bókhaldsgagnanna eru ársreikningar, hlutabréf í Bifröst og Sauðárkróksbíói, afrit kvittana, tékkhefti, færslubækur og skilagreinar. Einnig eru bækur með færslum fyrir happadrættimiðasölu, yfirlit yfir bíósýningar og tekjur vegna þeirra og bók með yfirliti yfir lánadrottna. Hefti í fylgiskjalasafninu voru látin haldast þar sem safnið var mjög umfangsmikið og mikið af skjölunum heftuð saman en bréfaklemmur voru fjarlægðar.
Í fylgigögnum bókhalds er mikið safn af launaseðlum og skilagreinum launa auk greiðslukortakvittana viðskiptavina félagsheimilisins. Allt þetta eru persónugreinanleg gögn og þess vegna TRÚNAÐARGÖGN.

Úr safninu var grisjað ein ljósmynd af togara - líklega norskum, sem fylgdi safninu. Tilgáta er að hann hafi verið keyptur af útgerðarfyrirtækjum á Sauðárkróki en ekkert sem bendir til þess að svo sé.
Saman við eina afhendinguna voru skjöl sem ekki var greinilegt hvernig tengdust Bifrastarafhendingunum. Með þeim var miði sem á var skrifað "Þröstur Erlingsson afhendir, 10.12.1999". Í safninu var jarbótarskýrsla fyrir Staðarhrepp, almanök frá árinu 1946-1950 og 1 kvittun frá Mjólkursamlagi KS stíluð á Þorstein Jóhannsson Stóru-Gröf, einnig var önnur kvittun sem hann skrifar undir fyrir hönd Sjúkrasamlag Staðarhrepps. Þessi skjöl voru grisjuð úr safninu og skráð sérstaklega.

Safn sem Jóhanna Lárentsínusdóttir afhenti safninu og voru í eigu Erlendar Hansen, í safninu voru pappírsgögn og 19 videóspólur. Á videospólunum er efni sem Erlendur tók upp á hinum ýmsu ferðalögum, viðburðum og hátíðum tengdum Skagafirði skagfirðingum á tímabilinu 1997-1999.
Í safninu eru líka málgögn stjórnmálaflokkanna á Sauðárkróki vegna sveitastjórnarkosninga sem voru 1994. Auk þeirra eru kynningarbæklingar frá Alþýðuflokknum vegna alþingiskosninga og eru þau gögn mun eldri og án ártals. Í safninu er einnig sérrit um aðalskipulag Sauðárkróks - sérprentun úr sveitarstjórnarmálum 4. tbl. 1970.
Ákveðið var að grisja úr safninu 3 VHS spólur sem innihalda upptökur úr sjónvarpsþáttum á RÚV og Stöð 2. Erlendur skráði á spólurnar hvert innihald þeirra er og númeraði þær.

Safn sem inniheldur ýmisleg smáprent, sem dæmi; auglýsingabæklingar, einblöðungar, dagskrár, yfirlit yfir viðburði og kynningarefni er tengjast viðburðum og söfnum í Skagafirði.
Úr safninu var grisjaðir kynningarbæklingar og mánaðaritið "Heima er bezt" 10, 1985, auglýsinga- og dagskráritið Sjónhornið og kynningarefni þar sem voru tvö eintök. Einnig var fjarlægt allt efni sem tengdist Skagafirði ekki beint. Í sumum tilvikum voru bæklingar og rit merkt skjalamyndara ásamt dagsetningu og ártali. Hefti voru fjarlægð úr einstökum ritum að undanskyldum þykkri ritum sem var leyft að halda sér óbreyttu.
Safnið er vel varðveitt.

Í safninu eru svart hvítar litmyndir - fjölskyldumyndir og myndir teknar á Sauðárkróki og nokkrum öðrum kennileitum í Skagafirði. Tvær skólamyndir frá Húsmæðrakólanum á Löngumýri. Tvær myndir voru innrammaðar, önnur þeirra er máluð ljósmynd af Suðurgötu 18 og lítil mynd af Rósu og foreldrum hennar. Rammar og umslög utan um myndirnar var grisjað úr safninu. Í safninu eru einnig nokkrar handskrifaðar blaðsíður með lista yfir jólagjafir og jólakortasendingar. Í öskjunni er bréf frá Ingibjörgu, dóttur Rósu um afhendinguna til Héraðsskjalasafnsins.

Ljósmyndir af íþróttaviðburðum og iðkendum UMSS.

Ljósmyndasafn úr eigu Sigurlaugar Jónsdóttur og Gunnars Helgasonar. Í safninu eru 20 litmyndir, í því eru auk þess þrjár filmur og 9 svart hvítar ljósmyndir. Flestar ljósmyndirnar eru teknar í 75 ára afmæli Jóns Nikodemussonar þann 7. apríl 1980. Einnig eru nokkrar myndir sem teknar eru á Tyrfingsstöðum og Gilsbakka á Kjálka. Allar litmyndirnar eru merktar á bakhliðinni en minna er um það með pappírskópíurnar.

Safn úr eigu Árna Blöndals og Maríu Gísladóttur konu hans. Einkaskjalasafnið var forflokkað af skjalamyndara áður en það var afhent, í því safni er talsvert af persónulegum gögnum, sendibréf, jólakort, DVD diskar auk ljósmynda frá fjölskyldum þeirra bæði á Íslandi og erlendis. Í safninu eru einnig skjöl sem tengjast félögum sem Árni starfaði og kom að í gegnum tíðina. Safnið var að miklu leyti flokkað og voru skjölin geymd í plastvösum sem voru í plastmöppu. Safnið var yfirfarið og sumt flokkað á ný og því skipt í tvennt, það sem tengist byggingu Sauðármýrar 3 á Sauðárkróki og einkaskjöl. Allt plast var grisjað úr safninu, einnig ljósrit af fundargerðum úr fundargerðabókinni, afrit af ljósmyndum sem teknar voru á stjórnarfundum húsfélagsins að Sauðármýri 3.
Hefti voru fjarlægð. Ljósmyndirnar voru settar í sýrufría plastvasa fyrir betri varðveislu, öll pappírsgögn voru sett í arkir. Safnið var í tveimur öskjum.

Virðingabók fyrir Sauðárkrók á árunum 1955-1959

Virðingabók fyrir Sauðárkrók á árunum 1949-1955

Virðingabók fyrir Sauðárkrók á árunum 1946-1950

Virðingabók fyrir Sauðárkrók á árunum 1928-1946