Person

Sigurður Árni Björnsson (1884-1964)

• Sigurður Björnsson

22. maí 1884 - 1. maí 1964

Sigurður Árni Björnsson, f. 22.05.1884 á Heiði í Gönguskörðum, d. 01.05.1964 í Reykjavík. Foreldrar: Björn Jónsson bóndi og hreppstjóri á Veðramóti og Þorbjörg Stefánsdóttir. Sigurður ólst upp á heimili foreldra sinna. Lauk búfræðiprófi frá Bændaskólanum á Hólum vorið 1904. Hóf þá störf hjá Ræktunarfélagi Norðurlands og vann sem verkstjóri við uppbyggingu Gróðrastöðvarinnar á Akureyri það sumar. Tók síðan ásamt bræðrum sínum við búrekstri á Veðramóti. Eftir giftingu árið 1912 tók Sigurður við 2/3 hlutum Veðramóts af föður sínum og tveimur árum síðar allri jörðinni. Sigurður tók allt frá æskuárum ötulan þátt í menningar- og félagslífi sveitar sinnar og héraðs. Hann var einn af stofnendum UMF Tindastóls 1907 og fyrsti formaður þess.Hann var um árabil í fremstu röð skagfirskra íþróttamanna. Sigurður var oddviti Skarðshrepps frá 1922, hreppstjóri og sýslunefndarmaður frá 1924, jafnframt formaður Búnaðarfélags og skólanefndar, allt þar til hann fluttist til Reykjavíkur. Þá var hann eftirlitsmaður með útflutningi hrossa frá Sauðárkróki. Hann sat í stjórnum Kaupfélags Skagfirðinga, Sláturfélags Skagfirðinga og Verslunarfélags Skagfirðinga. Hann stjórnaði málfundum í sýslufundarviku og var sjálfur mikill ræðumaður.
Maki: Sigurbjörg Guðmundsdóttir (1884-1973) frá Holti í Svínadal í A-Húnavatnssýlu. Þau eignuðust fimm börn. Árið 1934 seldu þau hjónin búið, fluttust til Reykjavíkur og keyptu sér hús við Fjólugötu. Þá höfðu þau nýlega eignast jörðina Kimbastaði í Borgarsveit í viðskiptum en seldu hana líka. Eftir ársdvöl í Reykjavík var Sigurður ráðinn í starf framfærslufulltrúa hjá Reykjavíkurbæ og gengdi því starfi til 1960, er hann tók við starfi yfirframfærslufulltrúa. Einnig gegndi hann ýmsum trúnaðarstörfum og átti m.a. sæti í Sáttanefnd Reykjavíkur um nokkrra ára skeið. Hann var sæmdur Riddarakrossi Fálkaorðunnar árið 1944.

Björn Jónsson (1848-1924) (14.06.1848-23.01.1924)

Þorbjörg Stefánsdóttir (1855-1903) (28. sept. 1855 - 18. maí 1903)

Björg Björnsdóttir (1889-1977) (07.07.1889-24.01.1977)

Stefán Þorsteinn Björnsson (1880-1914) (03.09.1880-05.11.1914)

Þorbjörn Björnsson (1886-1970) (12.01.1886-14.05.1970)

Haraldur Heiðbjartur Björnsson (1891-1967) (27.07.1891-09.12.1967)

Guðmundur Björnsson (1894-1956) (20.07.1894-08.04.1956)

Guðrún Björnsdóttir (1887-1976) (14. jan. 1887 - 27. sept. 1976)

Heiðbjört Björnsdóttir (1893-1988) (06.01.1893-24.05.1988)

Jón Þ. Björnsson (1882-1963) (15. ágúst 1882 - 21. ágúst 1964)

Ungmennafélagið Tindastóll (1907- ) (1907-)

S01549

Héraðsskjalasafn Skagfirðinga (1947-)**

IS-HSk

Final

Partial

Frumskráning í Atóm 03.03.2020 KSE.

• Icelandic

Skagfirskar æviskrár 1910-1950 IV, bls. 238-246.