Trésmíðameistari og kaupmaður á Sauðárkróki. Giftur Guðrúnu Pálsdóttur frá Teigi í Óslandshlíð, þau eignuðust sjö börn saman. Steindór átti einn son utan hjónabands.

Bóndi í Miklabæ og á Þverá í Blönduhlíð.

Sonur Benedikts Þorsteinssonar b. í Birkihlíð, Kimbastöðum og Gili og s.k.h. Sigurborgar Jóhannesdóttur. Bóndi á Gili í Borgarsveit 1918-1920 og í Birkihlíð 1920-1978. Sat í hreppsnefnd Staðarhrepps 1933-1966, í stjórn Búnaðarfélags Staðarhrepps 1935-1972 (formaður frá 1944), fjallskilastjóri um árabil og formaður fjallskilastjórnar Staðarafréttar og gangnastjóri í Staðarfjöllum í áratugi. Sóknarnefndarfulltrúi Reynistaðarsóknar 1941-1965 og söng í áratugi í kirkjukór Reynistaðarkirkju. Kvæntist Elinóru Lovísu Jónsdóttur frá Sauðárkróki, þau eignuðust einn son.

Faðir: Pétur Guðmundsson, f. 1853. Hjá foreldrum í Álftagerði í Mývatnssveit um 1882-1886 og á Árbakka í sömu sveit frá um 1899 fram yfir 1900 nema í vist í Víðikeri í Bárðardal 1899-1900. Bjó í Voladal á Tjörnesi um 1921-1922, flutti þá til Eyjafjarðar. Bóndi í Hólum í Öxnadal um 1929-1935 og 1936-1942. Klauf á Staðarbyggð 1935-1936., síðar á Hraunshöfða í Öxnadal um 1942-1947. Var á Krossastöðum á Þelamörk 1947-1955. Maki: Guðný Sigurðardóttir frá Merkigili, Saurbæjarhreppi í Eyjafirði.

Steindór Jónas Steindórsson, f. á Möðruvöllum í Hörgárdal 12.08.1902, d. 26.04.1997. Foreldrar: Jónas Steindór Jónasson (1872-1902) verslunarmaður í Þrastarhóli og Kristjón Jónsdóttir (1866- 1956) ráðskona á Möðruvöllum.
Maki: Kristbjörg Dúadóttir (1899-1974) sonur Kristbjargar og kjörsonur Steindórs: Gunnar, fæddur 1923.
Steindór lauk stúdentsprófi frá MR 1925 og nam náttúrufræði við Hafnarháskóla 1925-1930, utan eins árs sem hann var frá námi vegna veikinda. Lauk fyrri hluta meistaraprófs í grasafræði 1930. Stundaði framhaldsnám og rannsóknir við háskólann í Osló 1951. Var heiðursdoktor við HÍ 1981.
Steindór var kennari við MA 1930-1966 og skólameistari 1966-1972. Vann að gróðurrannsóknum á sumrum frá 1930-1976.
Fulltrúi Íslands á þingi norrænna náttúrufræðinga í Helsingfors 1936. Formaður Norræna félagsins á Akureyri 1939–1941 og 1956–1973. Bæjarfulltrúi á Akureyri 1946–1958. Formaður Ræktunarfélags Norðurlands 1952–1971. Ráðunautur Rannsóknastofnunar landbúnaðarins 1955–1967. Dvaldist þrjá mánuði í Bandaríkjunum 1956 í boði Bandaríkjastjórnar og flutti fyrirlestra við háskóla þar. Héraðssáttasemjari 1957–1971. Vann vestan hafs sumarið 1958 að söfnun heimilda að æviskrám Vestur-Íslendinga. Formaður Alþýðuflokksfélags Akureyrar 1962–1964. Sat ráðstefnu í Sviss 1962 á vegum OECD um endurbætur á líffræðikennslu í menntaskólum. Sat á allsherjarþingi Sameinuðu þjóðanna 1965. Í endurskoðunarnefnd menntaskólalaga 1967–1969. Í samstarfsnefnd menntaskólanna 1969–1972. Grasafræðiráðunautur við gróðurkortagerð Rannsóknastofnunar landbúnaðarins á Grænlandi 1977–1981.
Landskjörinn alþingismaður (Ísafjarðar) 1959 (Alþýðuflokkur). Landskjörinn varaþingmaður (Akureyrar) maí 1947. Annar varaforseti neðri deildar 1959.
Höfundur margra fræðirita og ritgerða, einkum um náttúru Íslands og þætti úr sögu lands og þjóðar. Mikilvirkur þýðandi, einkum ferðabóka um Ísland. Sjálfsævisaga í tveim bindum: Sól ég sá, kom út 1982–1983. Ritstjóri: Ferðir (1940–1941). Heima er best (1956–1988). Flóra (1963–1968). Alþýðumaðurinn (1964–1965). Reykjalundur (1966).

Steingrímur Arason, f. 27.01.1898, d. 06.12.1986. Bóndi og póstafgreiðslumaður í Víðimýri, Víðimýrarsókn, Skag. 1930. Kaupmaður á Víðimýri og Sauðárkróki. Síðast búsettur í Reykjavík.

Flutti frá Sauðárkróki til Vestmannaeyja árið 1928. Skólastjóri. Verkstjóri á Brekastíg 6, Vestmannaeyjum 1930. Síðast bús. í Vestmannaeyjum.
Maki: Hallfríður Kristjánsdóttir. Þau eignuðust sjö börn.

Skólastjóri og vegaverkstjóri á Blönduósi. Síðast búsettur í Reykjavík.

Sonur Hjálmars Péturssonar b. á Breið í Tungusveit og k.h. Rósu Björnsdóttur. Vinnumaður og verkamaður víða í Skagafirði. Lést ókvæntur og barnlaus.

Steingrímur Jónsson fæddist á Merkigili þann 29. nóvember 1844. Hann var bóndi á Silfrastöðum í Akrahreppi. Kona hans var Efemía Kristín Árnadóttir (1858-1907), notaði Kristínar nafnið í daglegu tali.

Héraðs- og spítalalæknir á Akureyri, var þar 1930, síðar í Tönder á Jótlandi og Nexsö á Borgundarhólmi.

Foreldrar: Jónas Jónsson f. 1843 og Guðrún Margrét Jóhannesdóttir, f. 1846. Var í Gloppu, Bakkasókn í Eyjafirði 1901. Dó ungur úr berklum.

Steingrímur Skagafjörð Felixson f. á Halldórsstöðum í Seyluhreppi 02.03.1932, d. °7.11.2007. Foreldrar: Felix Jósafatsson og Efemía Gísladóttir. Steingrímur stundaði nám í Bændaskólanum á Hólum. Einnig lauk hann vélskólaprófi í Vestmannaeyjum árið 1950. Hann starfaði á Akureyri en flutti síðar í Sunnuhlíð. Hann vann einnig á vinnuvélum og við ylrækt í Varmahlíð. Árið 1968 fluttist fjölskyldan til Reykjavíkur. Þar starfaði Steingrímur sem verktaki og síðar verkstjóri. Síðustu starfsárin vann hann hjá Búnaðarbankanum í Reykjavík. Steingrímur söng með Karlakórnum Heimi og síðar Karlakór Reykjavíkur og var einn af stofnendum Skagfirsku söngsveitarinnar.
Maki: Dana Arnar Sigurvinsdóttir (1933-). Þau eignuðust sex börn.

Steingrímur fæddist á Dalvík 13. október 1913, sonur hjónanna Maríu Eðvaldsdóttur húsfreyju og Þorsteins Jónssonar verkamanns. Steingrímur missti móður sína ungur og var tekinn í fóstur af móðursystur sinni Petrínu Þórunni Jónsdóttur og manni hennar Sigurði Þorgilssyni. Eftir hefðbundna skólagöngu á Dalvík var Steingrímur við nám að Héraðsskólanum á Laugum í Suður-Þingeyjarsýslu. Árið 1930 hélt hann til Kaupmannahafnar og lauk þar prófi í húsamálun ári síðar. Seinna nam hann þar ytra leiktjaldamálun og leiklist við Konunglega leikhúsið í Kaupmannahöfn. Steingrímur var ráðinn kennari við Dalvíkurskóla og sinnti hann því starfi um þriggja áratuga skeið. Hann var mikill náttúruunnandi og mjög listfengur. Eftir hann liggur mikið safn málverka og uppstoppaðra dýra. Steingrímur sinnti ýmsum trúnaðarstörfum fyrir samfélag sitt, átti m.a. sæti í ýmsum nefndum og ráðum. Steingrímur kvæntist Steinunni Sveinbjörnsdóttur og eignuðust þau þrjú börn.

Foreldrar: Ástvaldur Óskar Tómasson (1918-2007) og Svanfríður Steinsdóttir (1926-). Ólst upp á Sauðárkróki. Starfaði rúm 40 ár hjá Sveitarfélaginu Skagafirði.

Foreldrar: Jón Jónsson b. á Brúnastöðum og Sigríður Pétursdóttir. Steinn ólst upp hjá foreldrum sínum á Brúnastöðum þar til hann hóf sjálfur búskap árið 1918 á Hring, þá með foreldra sína í húsmennsku. Vegna Skeiðfossvirkjunar, sem tekin var í notkun árið 1945, misstu bændur í vestanverðri Stíflu mikið land undir vatn. Hringur varð óbyggilegur og keypti þá Steinn jörðina Nefsstaði handan Stífluvatnsins og fluttist þangað sama ár. Þarna bjó Steinn til ársins 1960, að hann brá búi og fluttist til Siglufjarðar. Full 40 ár söng hann við messur, bæði í Barðs- og Knapsstaðasókn og annan eins tíma starfaði hann í ungmennafélaginu Von, oft formaður. Oddviti hreppsins var hann 1943-1946. Hann var góður leikari, upplesari og ræðumaður og um tíma kenndi hann íþróttir við Barnaskóla Holtshrepps.
Maki 1: Elínbjörg Hjálmarsdóttir frá Stóra-Holti í Fljótum, þau eignuðust fimm börn saman. Einnig ólu þau upp hálfbróður Elínbjargar. Þau slitu samvistir.
Maki 2: Steinunn Antonsdóttir frá Deplum, þau eignuðust fimm börn saman.

Foreldrar: Kári Steinsson frá Neðra-Ási í Hjaltadal og Dagmar Valgerður Kristjánsdóttir frá Róðhóli í Sléttuhlíð. Steinn er fæddur og uppalinn á Sauðárkróki. Kvæntur Kristínu Arnardóttur, þau eiga þrjá syni saman, fyrir átti Steinn tvö börn. Búsettur í Kópavogi.

Sonur Sveins Jónatanssonar og Guðbjargar Jónsdóttur á Hrauni á Skaga. Var við nám hjá sr. Birni Blöndal í Hvammi í Laxárdal veturinn 1904-1905. Kvæntist árið 1914 Guðrúnu Kristmundsdóttur frá Selá á Skaga, það sama ár hófu þau búskap á Hrauni á Skaga þar sem þau bjuggu til 1957. Meðfram búskapnum stundaði Steinn sjómennsku og reri flestar haustvertíðir frá Hrauni eða Kelduvík fram um 1930, jafnframt var Steinn síðasti hákarlaformaður á Skaga. Einnig kom Steinn upp töluverðu æðarvarpi, hlóð upp hreiðurskýli og setti upp skrautleg flögg á vorin til þess að laða fuglinn að, æðarvarpið á Hrauni er enn þann dag í dag með þeim arðsömustu í Skagafirði. Steinn var fyrst kosinn í hreppsnefnd Skefilstaðahrepps 1916 og átti þar sæti óslitið til ársins 1954, var oddviti hreppsnefndar 1928-1954 og hreppstjóri 1934-1946. Árið 1915 varð hann vitavörður Skagatáarvitans og veðurathugunarmaður fyrir Veðurstofu Íslands 1943, báðum þessum störfum gegndi hann á meðan hans naut við. Steinn og Guðrún eignuðust 11 börn.

Steinn Marinó Snorrason, f. 13.05.1891. Ekki er vitað hvenær Steinar lést, en hann mun hafa verið ungur. Foreldrar: Snorri Bessason, f. 1862 og Anna Björnsdóttir, f. 1867, þá búsett í Stóragerði í Óslandshlíð. Maki: Steinunn Ísaksdóttir, f. 02.12.1890, d. 17.12.1962. Steinunn er skráð á Lambanes-Reykjum 1901 en var hjúkrunarkona á Siglufirði um 1930. Þau eignuðust eina dóttur.

,,Steinn var fæddur 24. apríl 1872 að Fagurhóli í Austur-Landeyjum. Þar ólst hann upp við verkamannavinnu fyrir fátækan föður sinn. Lauk kennaraprófi vorið 1893 frá Flensborgarskólanum í Hafnarfirði. Það var árið 1903 að Steinn flutti til Vestmannaeyja. Hóf hann störf sem farkennari og fólst það í að kenna 7-14 ára börnum sem ekki fengu vist í skólanum sökum rúmleysis. Árið eftir, 1904, var hann svo ráðinn sem skólastjóri Barnaskóla Vestmannaeyja og hélt því starfi til 1914. Hann var formaður Ungmennafélags Vestmannaeyja. Þá var Steinn hvatamaður að byggingu sundskála á Eiðinu árið 1913. Eiginkona Steins hét Agatha Þórðardóttir. Síðast búsett í Reykjavík."

Sonur Stefáns Ásgrímssonar og Helgu Jónsdóttur í Efra-Ási. Var í námi á Möðruvöllum 1900 og lauk búfræðiprófi frá Hólum 1905. Næstu árin var hann við kennslu á vetrum í austanverðum Skagafirði. En á sumrin ýmist í kaupavinnu ellegar heima í Efra Ási. Hóf búskap í Neðra-Ási 1911-1913, bjó að Stóra-Holti í Fljótum 1913-1915 og flutti svo aftur að Neðra-Ási og var bóndi þar til 1942, fluttist til Sauðárkróks 1952. Mörg haust sá hann um bólusetningu lamba gegn bráðapest í Hólahreppi og víðar. Eftir að Steinn hóf búskap, hætti hann að mestu kennslu. Þó tók hann löngum börn er á einhvern hátt áttu í örðugleikum með námið og leiðbeindi þeim, þótti hann laginn kennari á þeim vettvangi. Félagsmálastörfum gegndi Steinn talsvert, var í hreppsnefnd í 12 ár, þar af oddviti í 6 ár. Þá var hann í sóknarnefnd, skattanefnd og fjallskilastjóri til fjölda ára. Kvæntist Soffíu Jónsdóttur frá Neðra-Ási, þau eignuðust sjö börn.

Ættaður frá Tjörnesi S- Þingeyjarsýslu. Stúdent frá MA og BA - próf í sagnfræði frá HÍ.

Aðalheiður Árnadóttir, f. 27.09.1929, d. 23.12.2004. Foreldrar: Árni Rögnvaldsson (1891-1968) og kona hans Margrét Jónasdóttir (1883-1972). Verkakona á Sauðárkróki og formaður Verkakvennafélagsins Öldunnar.
Maki: Magnús Jónssón Sjómaður á Sauðárkróki (1922-1998).

Steinunn Hafstað fæddist í Vík í Staðarhreppi í Skagafirði 19. janúar 1919. Foreldrar hennar voru Árni Hafstað og Ingibjörg Sigurðardóttir í Vík. Steinunn giftist 23. des. 1955 Jóni Guðmundssyni yfirlögregluþjóni, þau eignuðust einn son. Guðmundur lést 1962. ,,Steinunn vann ýmis störf, má þar telja Hótel Björninn í Hafnarfirði, hjá Guðrúnu Eiríksdóttur, á sjúkrahúsi í Glasgow, Vivex veitingahús Kaupmannahöfn, símamær á Landsímanum, ráðskona hjá Kaupfélaginu Þór á Hellu og hjá Ásólfi bónda á Ásólfsstöðum þar sem var vinsæll sumardvalarstaður. Eftir það varð ekki aftur snúið frá veitingarekstrinum og nam hún hótelfræði í Lewis Hotel Training School í Washington á árunum 1945 til 1947. Eftir að hún kom heim frá námi varð hún hótelstjóri á ýmsum stöðum, fyrst á Hótel KEA á Akureyri, Stúdentagarðinum í Reykjavík, Varmalandi í Borgarfirði, Hótel Borgarnesi, Kvennaskólanum Blönduósi, Hólum í Hjaltadal, Hótel Selfossi, og síðast á Hótel Þóristúni en þar rak hún sitt eigið hótel um árabil. Eftir þetta flutti hún að nýju í Arnarhraun 40 í Hafnarfirði."

Foreldrar: Árni Þorleifsson hreppstjóri á Ysta-Mói og k.h. Valgerður Þorvaldsdóttir. Kvæntist Jóni Jónssyni b. og hreppstjóra á Hafsteinsstöðum, þau eignuðust sex börn.

Steinunn Arnbjörg Eiríksdóttir fæddist 5. desember 1947. Foreldrar hennar: Eiríkur Ásmundsson og Hulda Ingibjörg Magnúsdóttir.

Var á Kálfatjörn, Kálfatjarnarsókn, Gull. 1890. Var á Kálfatjörn, Kálfatjarnarsókn, Gull. 1901. Fjarv. í Rvík við nám.
Foreldrar: Ingibjörg Valgerður Sigurðardóttir og Árni.

Steinunn Guðrún Eiríksdóttir, f. í Fremri-Svartárdal í Lýtingsstaðahreppi. Foreldrar: Eiríkur Sigurðsson b. á Írafelli í Svartárdal og k.h. Helga Björnsdóttir. Maki: Stefán Stefánsson, járnsmíðameistari á Akureyri, f. í Litlu- Hlíð í Lýtingsstaðahreppi í Skagafirði. Þau eignuðust tvö börn og bjuggu á Akureyri.

Foreldrar: Hallur Jóhannsson b. í Garði í Hegranesi og 1.k.h. Ingibjörg Engilráð Jóhannesdóttir. Steinunn aflaði sér menntunar í hannyrðum og saumum. Hún var vel hagmælt. Kvæntist Páli Pálssyni b. og skósmiði frá Syðri-Brekkum, þau bjuggu lengst af að Garði í Hegranesi, þau eignuðust einn son.

Foreldrar: Jón Hallsson b. á Þrastarstöðum og víðar og 2.k.h. Sigurbjörg Indriðadóttir. Kvæntist Rögnvaldi Jónssyni, þau bjuggu fyrstu hjúskaparár sín að Þrastarstöðum og á Geirmundarhóli í Fellshreppi en lengst af á Miðhúsum í Óslandshlíð eða 1889-1914. Brugðu þá búi og voru í þrjú ár í húsmennsku. Árið 1917 reistu þau nýbýlið Hlíðarenda úr landi Miklabæjar í Óslandshlíð, Rögnvaldur lést árið 1926 en Steinunn bjó áfram á Hlíðarenda í nokkur ár þar til hún flutti til Siglufjarðar og var síðast búsett þar. Steinunn og Rögnvaldur eignuðust fimm börn, fjögur þeirra komust á legg.

Foreldrar: Ingimar Jónsson, bóndi á Flugumýri og kona hans Sigrún Jónsdóttir húsfreyja. Fædd og uppalinn á Flugumýri. Gagnfræðingur og verkakona í Reykjavík.
Maki 1: Þórður Sigurðsson vélamaður. Þau skildu.
Maki 2: Gunnlaugur Már Olsen tónlistarkennari. Þau skildu.
Maki 3: Jónatan Eiríksson bifvélavirki.

Dóttir Ingimundar Bjarnasonar járnsmiðs á Sauðárkróki og k.h. Sveinsínu Bergsdóttur. Starfaði sem forstöðumaður félags- og þjónustumiðstöðvar aldraðra í Reykjavík. Kvæntist Jóni Guðmundssyni rafvirkjameistara frá Eiríksstöðum í Svartárdal, búsett í Kópavogi.

Steinunn Karólína Ingimundardóttir fæddist í Grenivík 29. mars 1925.
Hún var á Akureyri 1930. Hússtjórnarkennari á Laugalandi, skólastjóri Húsmæðraskólans á Varmalandi í Borgarfirði og starfaði síðar hjá Leiðbeiningastöð heimilanna í Reykjavík. Ráðunautur hjá Kvenfélagasambandi Íslands.
Steinunn lést 7. júní 2011.

Dóttir Maríu Jóhannesdóttur og Runólfs Jónssonar á Dýrfinnustöðum. Búsett í Hveragerði.

Fædd í Stóru-Gröf á Langholti, dóttir Sigurjóns Markússonar og Guðrúnar Magnúsdóttur. Steinunn ólst upp í Eyhildarholti með föður sínum en móðir hennar lést þegar hún var 5 ára gömul. Steinunn kvæntist Jónasi Gunnarssyni frá Keflavík í Hegranesi, þau bjuggu lengst af í Hátúni og eignuðust tíu börn.

Steinunn fæddist á Sólgörðum á Dalvík, dóttir hjónanna Ingibjargar Antonsdóttur og Sveinbjörns Tryggva Jóhannssonar útgerðarmanns. Steinunn giftist Steingrími Þorsteinssyni kennara á Dalvík, þau eignuðust þrjú börn. Steinunn stundaði nám við gagnfræðadeild Menntaskólans á Akureyri og síðan nám við Húsmæðraskólann Ósk á Ísafirði, 1940-1941. Steinunn vann um hríð skrifstofustörf hjá Kaupfélagi Svarfdæla á Dalvík, en síðar hjá Héraðsskjalasafni Svarfdæla. Hún var mjög virk í starfsemi Slysavarnarfélagsins á Dalvík.

Foreldrar: Sveinn Ólafsson og Þórunn Tómasdóttir. Steinunn ólst upp hjá foreldrum sínum á Syðra Mallandi við venjuleg sveitastöf og fiskvinnslu. Áður en hún giftist var hún vinnukona á Skaga, m.a. í Ketu og Höfnum. Kvæntist Ásmundi Árnasyni og bjuggu þau á Ytra-Mallandi og í Ásbúðum. Þau tóku að sér mörg börn í fóstur um skemmri og lengri tíma.
Árið 1965 flutti Steinunn með dóttur sinni til Kópavogs og var síðast búsett á höfuðborgarsvæðinu. Steinunn og Ásmundur eignuðust fimm börn, Ásmundur átti einnig dóttur með Sigurlaugu Skúladóttur.

Dóttir Christian Hansen og Bjargar Jóhannesdóttur. Kvæntist Sigurði Jónssyni b. á Fjalli í Sæmundarhlíð, og hreppstjóra í Höfðakaupstað. Þau eignuðust enginn börn en ólu upp fósturdóttur. Fyrir átti Steinunn tvo syni með Friðriki Jónssyni og einn son með Brynjólfi Danivalssyni.

Foreldrar: Guðmundur Stefánsson b. á Kirkjuhóli hjá Víðimýri og k.h. Guðbjörg Hannesdóttir. ,,Stefán fæddist þann 3. október árið 1853 á Kirkjuhóli í Skagafirði og var skírður Stefán Guðmundur Guðmundsson. Til fimmtán ára aldurs bjó Stefán í Skagafirði, en fluttist þá í Þingeyjarsýslu og starfaði þar sem vinnumaður. Hann bjó þar allt til þess er hann fluttist til Vesturheims með foreldrum sínum og systur árið 1873, þá að verða tvítugur. Í fimm ár bjó hann í Wisconsinfylki í Bandaríkjunum og kvæntist sama ár og hann flutti þaðan náfrænku sinni, Helgu Sigríði Jónsdóttur. Þau áttu saman átta börn, en sex þeirra komust upp. Næst bjó Stefán að Görðum í Norður-Dakóta, í tíu ár. Árið 1889 fluttist hann síðan til Albertafylkis í Kanada og bjó þar til dauðadags. Fyrstu ár Stefáns í Vesturheimi vann hann t.d. við járnbrautalagningu og skógarhögg en hætti því upp úr fertugu og einbeitti sér að búskapnum. Hann afrekaði það sem bóndi að nema land þrisvar og virðist hafa farist það vel úr hendi. Í Wisconsin kallaði Stefán sig Stefán Guðmundsson en í Dakóta var hann skrifaður Stefansson. Þetta leiddi til þess að bréf hans rugluðust við bréf annarra Stefanssona svo Stefán tók upp nafnið Stephan G. Stephansson sem hann varð þekktur undir. Fyrsta ljóðakver Stefáns var Úti á víðavangi sem kom út árið 1894. Ljóðabækur hans urðu fjölmargar, flestar gefnar út í Reykjavík. Eitthvað af lausamáli eftir hann birtist líka í íslensku blöðunum fyrir vestan. Meginverk hans verður að teljast Andvökur I-VI sem út kom á árunum 1909-1938. Andvökur draga nafn sitt af því að Klettafjallaskáldið, eins og Stefán er oft nefndur, átti erfitt með svefn í Vesturheimi og flest ljóð hans því samin á nóttunni."

Minnisvarði um Stephan G. Stephansson var reistur á Arnarstapa í Skagafirði árið 1953, í tilefni af aldarafmælis skáldsins. Árið 1945 reifaði Eyþór Stefánsson tónskáld hugmyndina um byggingu minnisvarðans á skemmtun í Litla-Garði í Hegranesi. Í kjölfarið var stofnuð nefnd sem vann að því að þessi hugmynd yrði að veruleika. Nefndarmenn voru Guðjón Ingimundarson, formaður UMSS, Óskar Magnússon, bóndi í Brekku og Eyþór Stefánsson. Ríkarður Jónsson myndhöggvari var fengin til að gera hugmyndir um minnisvarðan og hannaði hann og gerði lágmyndir á varðann. Staðsetning var ákveðin á Arnastapa, skammt frá fæðingarstað skáldsins og í alfaraleið. Hróbjartur Jónasson múrarameistari á Hamri hafði yfirumsjón með byggingu varðans og hófust framkvæmdir 23. júní 1953. Þann 19. júlí 1953 var minnisvarðinn afhjúpaður að viðstöddu miklu fjölmenni í góðu veðri.

Háskóli Íslands stofnaði handritaútgáfunefnd 1955, en árið 1962 tók Handritastofnun Íslands við hlutverki hennar. Fyrsta skóflustunga að Árnagarði var tekin 1967 og flutti Handritastofnun þangað í árslok 1969, en árið 1972 tók Stofnun Árna Magnússonar við hlutverki hennar. Árið 2006 var Stofnun Árna Magnússonar lögð niður í þeirri mynd sem hún hafði verið frá 1972, en rann þá, ásamt fjórum öðrum stofnunum í íslenskum fræðum, saman í nýja stofnun, þ.e. Stofnun Árna Magnússonar í íslenskum fræðum. Íslenskar málstöðvar, Orðabók Háskóla Íslands, Stofnun Árna Magnússonar á Íslandi, Stofnun Sigurðar Nordals og Örnefnastofnun Íslands.

Foreldrar: Stefán Einarsson og k.h. Lilja Kristín Jónsdóttir, þau bjuggu í Þröm á Langholti, í Geldingaholti, á Stóra-Vatnsskarði, í Hátúni, í Vík, á Grófargili, á Litlu-Seylu (nú Brautarholt) og loks í Vatnshlíð. Verkakona í Reykjavík. Ógift og barnlaus.

Dóttir Sigurðar Guðmundssonar (Sigga bæjar) og Jónínu Magnúsdóttur. Ólst upp með foreldrum sínum, en þau voru hér og þar í vinnumennsku eða húsmennsku í Sléttuhlíð og á Höfðaströnd. Með þeim fluttist Sumarrós til Sauðárkróks og giftist manni sínum Eggerti Kristjánsyni. Þau fluttu til Reykjavíkur árið 1916, þau eignuðust þrjú börn.

Bifreiðastjóri. Síðast búsettur í Reykjavík.

Dóttir Benedikts Hannessonar og Sigrúnar Daníelsdóttur, þau fluttu til Vesturheims árið 1900, Svanbjörg fæddist þar vestra. Síðast búsett í Chicago.

Foreldrar: Guðjón Ingimundarson og Ingibjörg Kristjánsdóttir. Svanborg starfaði lengi á sjúkrahúsinu á Sauðárkróki. Maður hennar er Sigurjón Gestsson, þau eiga tvö börn. Búsett á Sauðárkróki.

Svanhildur Bjarnadóttir fæddist í Reykjavík 8. febrúar 1937. Foreldrar hennar eru hjónin Bjarni Pálsson vélstjóri og Ásta Jónasdóttir. Árið 1956 giftist Svanhildur Þórarni Guðmundssyni, þau eignuðust þrjú börn. Þau skildu. Árið 1963 giftist Svanhildur Sigurði A. Magnússyni, þau eignuðust tvö börn. Þau skildu. Sambýlismaður Svanhildar hin síðari ár var Bæringur Guðvarðsson. ,,Svanhildur lauk gagnfræðaprófi 1953 og stundaði nám í hraðritun í Bretlandi um eins árs skeið. Hún vann hjá Skipaútgerð ríkisins frá 1961 til 1964. Árið 1974 réð hún sig á skrifstofu Flugleiða og starfaði þar uns hún fór utan með manni sínum vorið 1978. Heimkomin haustið 1980 var hún um skeið auglýsingastjóri Þjóðviljans, starfaði því næst hjá Hafskipum og síðan ferðaskrifstofunni Faranda en hvarf aftur til Flugleiða árið 1990 og starfaði þar fram á haust 2001."

Svanhildur var fædd í Holtsseli í Grundarsókn í Eyjafjarðarsveit þann 8. september 1911.
Hún var húsfreyja í Holtsseli.
Maður hennar var Egill Halldórsson (1914-1985).
Hún lést á Kristnesi í Eyjafirði 23. nóvember 2002.

Frá Sauðanesi á Upsaströnd. Var mjög vel að sér í hannyrðum og kenndi mörgum konum að koma sér upp íslenska skautbúningnum. Kvæntist Daníel Ólafssyni (1837-1894) söðlasmiði, þau bjuggu m.a. á Hofsósi, í Viðvík, í Efra-Ási, í Reykjavík, á Oddeyri við Eyjafjörð, í Hofstaðaseli og á Framnesi. Svanhildur og Daníel eignuðust fjögur börn sem upp komust.

Svanhildur Steinsdóttir fæddist í Neðra-Ási í Hjaltadal 17. okt. 1918. Foreldrar hennar voru hjónin Steinn Stefánsson og Soffía Jónsdóttir. Svanhildur giftist árið 1948 Garðari Björnssyni frá Viðvík og bjuggu þá í Neðra-Ási, þau eignuðust sjö börn og áttu einn fósturson. Svanhildur var kennari í Hólahreppi frá 1940 fram til 1989 með litlum hléum, og lengst af skólastjóri við Grunnskóla Hólahrepps.

Foreldrar: Bjarni Björnsson bóndi í Hlíð við Reykjavík og kona hans Júlíana Guðmundsdóttir. Svanlaug missti föður sinn á áttunda ári og brá móðir hennar þá búi. Maki: Ísleifur Jónsson. Þau hófu búskap hjá foreldrum hans, Lovísu Ísleifsdóttur og Jóni Eyvindarsyni, á Stýrimannastíg 9 í Reykjavík en bjuggu lengst af á Túngötu 41. Svanlaug var virk í ýmsu félagsstarfi kvenna og var heiðursfélagi í Thorvaldsen félaginu.

Foreldrar: Jón Jónsson smáskammtalæknir og Jósefína Heiðberg, lengst af búandi á Heiði í Gönguskörðum. Kennari, síðast búsett á Akureyri. Kvæntist Jóni Sigurðssyni sem einnig var kennari á Akureyri.

Fæddist á Siglufirði. Foreldrar hans voru Dagrún Bjarnadóttir Hagen og Jóhann Guðjónsson. Starfsmaður Pósts og síma á Sauðárkróki. Kvæntist Aðalbjörgu Vagnsdóttur, þau skildu, þau eignuðust tvö börn saman, fyrir átti Svanur eina dóttur.

Svanur Fannberg Jóhannsson, f. 17.07.1937, d. 11.05.2001. Foreldrar: Dagrún Bjarnadóttir Hagen (1917-) og Jóhann Guðjónsson (1917-1984).
Maki: Aðalbjörg Vagnsdóttir. Þau skyldu. Þau eignuðust tvö börn. Fyrir átti Svanur eina dóttur með Öldu Kristjánsdóttur.
Svanur vann lengst af sem starfsmaður Pósts og síma á Sauðárkróki. Síðustu árin bjó hann í Kópavogi.

Svava Antonsdóttir fæddist í Stóragerði í Óslandshlíð, Skagafirði 4. janúar 1926. Foreldrar hennar voru Anton Gunnlaugsson og Sigurjóna Bjarnadóttir. Hún ólst upp að mestu á Reykjum í Hjaltadal og voru fósturforeldrar hennar Ástvaldur Jóhannesson og Guðleif Soffía Halldórsdóttir. Svava giftist 1948 Hallgrími Péturssyni frá Hofi í Hjaltadal. Þau hófu búskap á Kjarvalsstöðum í Hjaltadal 1947 og bjuggu þar samfleytt til dánardags Hallgríms. Þau eignuðust þrjú börn, tvö þeirra komust upp.

Dóttir Hjalta Jósafats Guðmundssonar smiðs á Sauðárkróki og k.h. Kristínar Bjargar Svavarsdóttir. Kvæntist Jónasi Björnssyni hljóðfæraleikara, þau eignuðust þrjú börn saman, fyrir átti Svava dóttur.

Foreldrar: Svavar Ellertsson frá Holtsmúla og Helga Sigríður Sigurðardóttir frá Eyrarbæ á Sauðárkróki.

Svavar Einar Einarsson fæddist í Syðri-Hofdölum í Skagafirði 29. júlí 1920. Foreldrar hans voru Valgerður Jósafatsdóttir og Einar Guðmundsson b. í Ási í Hegranesi. ,,Svavar ólst upp í Ási í Hegranesi við öll almenn sveitastörf. Hann fór snemma að heiman og var bifreiðarstjóri á mjólkurbílum og langferðabifreiðum hjá Siglufjarðarleið og Norðurleið um margra ára skeið. Eftir það starfaði hann hjá Mjólkursamlagi Skagfirðinga í 25 ár. Svavar var einn af stofnendum Kiwanisklúbbsins Drangeyjar á Sauðárkróki og starfaði með honum meðan heilsa leyfði. Einnig var hann virkur í félagsstarfi eldri borgara." Svavar kvæntist 2. maí 1948 Margréti Selmu Magnúsdóttur frá Héraðsdal, þau stofnuðu heimili á Sauðárkróki þar sem þau bjuggu alla tíð síðan, þau eignuðust fjögur börn.

Foreldrar: Ellert Símon Jóhannsson frá Saurbæ á Neðribyggð og k.h. Ingibjörg Sveinsdóttir frá Hóli í Sæmundarhlíð, þau bjuggu lengst af í Holtsmúla og ólst Jón þar upp. Bóndi og hagyrðingur í Steinholti 1936-1937, á Þröm 1937-1938, í Ármúla 1938-1954 og á Bakka í Viðvíkursveit 1954-1957 en eftir það á Sauðárkróki. Maki: Helga Sigríður Sigurðardóttir frá Sauðárkróki, þau eignuðust níu börn.

"Fæddur á Guðnabakka í Stafholtstungum 26. júní 1944, dáinn 18. janúar 2021. Foreldrar: Gestur Zóphónías Sveinsson (fæddur 3. október 1920, dáinn 29. desember 1980) bóndi á Grund á Fellsströnd, síðast verkamaður í Hafnarfirði og kona hans Guðrún Valdimarsdóttir (fædd 28. mars 1924, dáin 16. desember 2016) verkakona í Hafnarfirði. Maki 1 (20. júní 1964): Jónína Benediktsdóttir (fædd 5. október 1943, dáin 29. maí 2005) ritari. Þau skildu. Foreldrar: Benedikt Kristinn Franklínsson og kona hans Regína Guðmundsdóttir. Maki 2 (29. maí 1993): Guðrún Ágústsdóttir (fædd 1. janúar 1947) borgarfulltrúi. Foreldrar: Ágúst Bjarnason og kona hans Ragnheiður Eide Bjarnason. Börn Svavars og Jónínu: Svandís (1964), Benedikt (1968), Gestur (1972).
Stúdentspróf MR 1964. Innritaðist í lögfræði við Háskóla Íslands 1964, nám í Berlín 1967–1968.
Vann með námi ýmis önnur störf, m.a. við Þjóðviljann, í verkamannavinnu, hjá Samtökum hernámsandstæðinga og hjá Alþýðubandalaginu. Fastur starfsmaður við Þjóðviljann frá 1968, ritstjórnarfulltrúi fyrst, en síðan ritstjóri hans 1971–1978. Skipaður 1. september 1978 viðskiptaráðherra, lausn 12. október 1979, en gegndi störfum til 15. október. Skipaður 8. febrúar 1980 félags-, heilbrigðis- og tryggingamálaráðherra, lausn 28. apríl 1983, en gegndi störfum til 26. maí. Skipaður 28. september 1988 menntamálaráðherra, lausn 23. apríl 1991, en gegndi störfum til 30. apríl. Aðalræðismaður í Winnipeg 1999–2001. Framkvæmdastjóri þúsund ára hátíðahaldanna í Kanada 2000. Sendiherra Íslands í Svíþjóð 2001–2006. Sendiherra Íslands í Danmörku 2006–2010. Sendiherra Íslands gagnvart Afríkusambandinu 2008.
Í miðstjórn og framkvæmdastjórn Alþýðubandalagsins nær samfellt 1968–1999. Formaður Útgáfufélags Þjóðviljans 1976–1983. Formaður ráðherranefndar EFTA 1979. Formaður Alþýðubandalagsins 1980–1987. Fulltrúi Íslands á fundi þingmannasamtaka EFTA 1985. Í öryggismálanefnd sjómanna 1986. Sat þing Alþjóðaþingmannasambandsins 1985 og 1992–1993. Í stjórnarnefnd Ríkisspítalanna 1987–1988 og 1992–1994. Formaður norrænna mennta- og menningaráðherra 1990–1991, formaður Norræna menningarsjóðsins 1995–1996. Í þingmannanefnd EFTA/EES 1995. Yfirskoðunarmaður ríkisreikninga 1992–1995. Í stjórn Landsvirkjunar 1995–1997.
Alþingismaður Reykvíkinga 1978–1999 (Alþýðubandalagið, Samfylkingin).
Viðskiptaráðherra 1978–1979, félags-, heilbrigðis- og tryggingamálaráðherra 1980–1983, menntamálaráðherra 1988–1991.
Formaður þingflokks Alþýðubandalagsins og óháðra 1995–1999.
Hefur ritað fjölda greina um stjórnmál í blöð og tímarit. Út kom eftir hann 1995 bókin Sjónarrönd, jafnaðarstefnan - viðhorf. Sjálfsævisagan Hreint út sagt kom út 2012.
Ritstjóri: Nýja stúdentablaðið (1964). Þjóðviljinn (1971–1978). Var í ritstjórn tímaritsins Réttar á annan áratug. Ritstjóri tímaritsins Breiðfirðings frá 2015."

Foreldrar: Stefán Gunnar Haraldsson (1930-2014) og Marta Fanney Svavarsdóttir (1931-2013) í Víðidal. Maki: Ragnheiður G. Kolbeins, f. 1957. Þau eiga sex börn. Bóndi í Brautarholti.

Svavar fæddist á Hamri í Fljótum 30. ágúst 1920. Foreldrar hans voru Gunnhildur Kristjánsdóttir húsmóðir og Helgi Kristinsson smiður á Siglufirði. Svavar kvæntist 30. ágúst 1945 Gunnhildi Magnúsdóttur, þau eignuðust tvær dætur. ,,Svavar gekk í Gagnfræðaskóla Siglufjarðar, síðan í Verslunarskóla Íslands og útskrifaðist þaðan 1939. Hann vann lengst af við skrifstofustörf hjá Kaupfélagi Skagfirðinga. Svavar var einn af stofnendum Lionsklúbbs Sauðárkróks."

Svavar ólst upp hjá móður sinni og móðurforeldum í Stefánsbæ á Sauðárkróki. Hann gekk í barnaskóla Sauðárkróks, sem var hans eina skólaganga. Sem unglingur gekk hann til hverskonar starfa eins og þá var títt og varð gjaldgengur til margskonar verka, skarpur og fljótur að tileinka sér hin ýmsu störf og innti þau vel af hendi. Undir tvítugsaldur fór Svavar að kenna liðagigtar sem lagðist allþungt á hann, sérstaklega fætur og hendur. Hann gat því ekki stundað líkmlega erfiðisvinnu og varð að snúa sér að öðrum og líkamlega léttari störfum. Hann vann um tíma við afgreiðslu í brauðbúð í Sauðárkróksbakaríi síðan á skrifstofu KS og loks sem gjaldkeri hjá Sauðárkrókskaupstað. Svavari var góður söngmaður, hafði fagra tenórrödd og söng lengi með Kirkjukór Sauðárkróks, karlakórnum Ásbirningum og Karlakór Sauðárkróks. Í öllum þessum kórum söng hann oft einsöng. Eins söng hann einsöng með kór Fíladelfíusafnaðarins á Sauðárkróki, í Reykjavík og víðar um land. Má segja að hann hafi sungið á þeirra vegum til æviloka. Hörpustrengir, hljómplötuútgáfa á vegum Fíladelfíu í Reykjavík, gaf út tvær plötur með söng hans. Hann spilaði á hljóðfæri sem hann kallaði sítar. Hann lék á trompet með lúðrasveit Sauðárkróks sem Eyþór móðurbróðir hans stjórnaði. Svavar var góður leikari og lék mörg hlutverk hjá Leikfélagi Sauðárkróks. Hann var góð eftirherma og eftirsóttur sem slíkur við hin ýmsu tækifæri út um allt hérað. Þegar hvítasunnusöfnuðurinn tók til starfa á Sauðárkróki gekk Svavar til liðs við hann, var hann virkur og góður liðsmaður, ekki hvað síst er kom að söng og hljóðfæraleik. Söfnuðurinn var m.a. ástæða þess að hann fluttist til Reykjavíkur vorið 1974. Hugðist hann vinna fyrir söfnuðinn og syngja með kór Fíladelfíu.

Fædd og uppalin í Þingeyjarsýslu. Kvæntist Jóni Guðmundi Gunnlaugssyni frá Víðinesi, þau bjuggu á Hofi í Hjaltadal og eignuðust þrjú börn.

Foreldrar: Sveinn Guðmundsson b. í Bjarnastaðahlíð og k.h. Þorbjörg Ólafsdóttir. Kvæntist ekki. Bjó lengi hjá sr. Hálfdáni Guðjónssyni vígslubiskupi og k.h. Herdísi Pétursdóttur.

Foreldrar: Gottskálk Albert Björnsson frá Kolgröf og k.h. Hólmfríður Margrét Guðjónsdóttir (alin upp í Sölvanesi), lengst af búsett í Neðstabæ í Húnavatnssýslu. Lést aðeins 23 ára ógiftur og barnlaus.

Sveinbjörn Sveinsson, f. í Syðra-Vallholti 10.07.1886, d. 15.05.1933 á Bakka í Vallhólmi. Foreldrar: Sveinn Gunnarsson bóndi á Mælifellsá og kona hans Margrét Þórunn Árnadóttir. Hann var sjöundi í aldursröð fimmtán barna þeirra. Bóndi á Mælifellsá á Efribyggð 1909-1914, á Ánastöðum í Svartárdal 1914-1916, á Skíðastöðum í Laxárdal ytri 1916-1920, í Breiðargerði 1921-1927, í Selhaga á Skörðum A-Hún 1929-1930, í Efra-Lýtingsstaðakoti í Tungusveit 1930-1931, í Breiðargerði 1931-1933.
Maki (gift 13.06.1912): Stefanía Ragnhildur Jónsdóttir (09.04.1887-16.11.1944). Þau eignuðust fjögur börn og dó eitt þeirra í frumbernsku. Síðar eignaðist Ragnhildur tvö börn með Birni Björnssyni, síðar bónda í Borgargerði í Norðurárdal.

Sveinn Allan Morthens, f. 10.06.1951.
Bjó í Skagafirði, var framkvæmdastjóri svæðisstjórnar um málefni fatlaðra á Norðurlandi vestra.
Búsettur í Reykjavík.

Sveinn Árnason, f. 07.07.1864 á Ysta-Mói í Flókadal í Fljótum, d. 16.07.1936 í Felli. Foreldrar: Árni Pálsson á Ysta-Mói og kona hans. Sveinn ólst upp hjá foreldrum sínum á Ysta-Mói og naut þar góðrar fræslu. Hann sótti námskeið í stýrimannafræðum og var vel að sér í þeirri grein. Einnig lærði hann smíðar. Árið 1890-1891 bjó hann á Minna-Grindli og var þar heimamaður tengdamóður sinnar en í manntali það ár er hann talinn skipstjóri. Vorið 1891 reisti hann bú í Felli og keypti jörðina skömmu síðar og bjó þar til æviloka. Bærinn brann til kaldra kola nálægt aldamótum en var endurreistur. Janframt landbúnaðinum stundaði hann sjósókn. Hann vann ýmis trúnaðarstörf og var m.a. skipaður hrepppstjóri 1899 en baðst lausnar árið 1935.
Maki 1: Jórunn Steinunn Sæmundsdóttir (12.07.1865-10.12.1903). Þau eignuðust sex börn en aðeins þrjú þeirra komust upp.
Maki 2: Hólmfríður Sigtryggsdóttir (15.04.1881-29.09.1971). Þau eignuðust fjögur börn.

Fæddur á Brúnastöðum í Fljótum. Foreldrar: Sigríður Jóhannesdóttir húsfreyja og Árni Anton Sæmundsson bóndi á Brúnastöðum og síðar bifreiðastjóri á Sauðárkróki.
Sveinn er ókvæntur og barnlaus. Verkamaður á Sauðárkróki.

Foreldrar: Árni Eiríksson og Steinunn Jónsdóttir á Reykjum í Tungusveit og víðar. Bókari á Akureyri. Kvæntist Guðbjörgu Björnsdóttur frá Miklabæ.

Sveinn Arngrímsson, f. á Bjarnargili í Fljótum 19.07.1885, d. 07.03.1963 á Sauðárkróki. Foreldrar: Arngrímur Sveinsson bóndi á Gili í Fljótum og víðar og kona hans Ástgríður Sigurðardóttir.
Sveinn ólst upp hjá foreldrum sínum til fermingar. Fluttist hann þá að Brúnastöðum til hjónanna Jóns Jónssonar og Sigríðar Pétursdóttur, sem síðar urðu tengdaforeldrar hans. Var hann þar að mestu leyti yfir unglingsárin. Þó var hann við smíðanám á Sauðárkróki og Siglufirði. Árið 1910 fór hann að búa á Brúnastöðum og bjó þar næstu 18 árin. Þaðan fluttist hann að Ásgeirsbrekku í Viðvíkursveit og bjó þar 1928-1939. Fór þaðan að Hofstaðaseli 1939-1941. Þá brá hann búi en var í húsmennsku hjá Herjólfi syni sínum til 1947, er þau hjón fluttu til Sauðárkróks og voru þar til æviloka.
Maki: Guðrún Jónsdóttir (02.07.1886-01.03.1968) frá Brúnastöðum í Fljótum. Þau eignuðust níu börn en eitt þeirra dó fárra daga gamalt.

Fæddur í Kaupmannahöfn. Foreldrar: Björn Jónsson (1846-1912) ritstjóri, alþingismaður og ráðherra og kona hans Elísabet Guðný Sveinsdóttir (1839-1922). Sveinn giftist Georgiu Björnsson, fædd Hansen (1884-1957), þau eignuðust 6 börn.
,,Stúdentspróf Lsk. 1900. Lögfræðipróf Hafnarháskóla 1907. Yfirréttarmálaflutningsmaður 1907. Hrl. 1920. Rak málaflutningsskrifstofu í Reykjavík 1907–1920 og 1924–1926. Settur 29. september 1919 málaflutningsmaður við landsyfirréttinn til 31. desember. Skipaður 1920 sendiherra í Danmörku, lausn 1924. Skipaður 1926 að nýju sendiherra í Danmörku, lausn 1941. Ráðunautur ríkisstjórnarinnar í utanríkismálum 1940–1941. Kjörinn af Alþingi ríkisstjóri Íslands 17. júní 1941 til jafnlengdar 1942, endurkjörinn 9. maí 1942 og 17. apríl 1943. Kjörinn af Alþingi fyrsti forseti Íslands að Lögbergi á Þingvöllum 17. júní 1944. Þjóðkjörinn án atkvæðagreiðslu frá 1945 og aftur frá 1949. Sat á Bessastöðum.
Í bæjarstjórn Reykjavíkur 1912–1920, forseti bæjarstjórnar 1918–1920. Einn af stofnendum Eimskipafélags Íslands 1914 og formaður þess 1914–1920 og 1924–1926. Stofnandi Brunabótafélags Íslands og forstjóri þess frá stofnun 1916–1920. Einn af stofnendum Sjóvátryggingarfélags Íslands haustið 1918, formaður þess 1918–1920 og 1924–1926. Einn af stofnendum Rauða kross Íslands 10. desember 1924 og fyrsti formaður hans til 1926. Einn af stofnendum Málflutningsmannafélags Íslands 1911 og formaður þess 1918–1920. Skipaður 1910 í peningamálanefnd. Var á vegum ríkisstjórnarinnar í nefnd til vörukaupa í Bandaríkjunum í júlí–október 1914. Kosinn í velferðarnefnd 1914 og 1915 og 1925 í milliþinganefnd í bankamálum. Fulltrúi Íslands á ráðstefnu í Genúa 1922, á alþjóðaráðstefnu í Haag 1930 um lögskipan (codification) á þjóðarétti, á ráðstefnu í Genf 1930–1931 til athugunar á stofnun Evrópubandalags, á fjármálaráðstefnu í London 1933, á ráðstefnu í London 1937 til að ákveða reglur um möskvastærð og fiskstærð með tilliti til veiða. Formaður viðskiptasamninganefnda er gert hafa tolla- og verslunarsamninga við Norðurlöndin, Bretland, Þýskaland og Miðjarðarhafslöndin. Alþingismaður Reykvíkinga 1914–1915 (Sjálfstæðisflokkurinn eldri) og 1919–1920 (utan flokka, (Heimastjórnarflokkurinn), Utanflokkabandalagið)."
Skrifaði Endurminningar, gefnar út 1957. Um hann samdi Gylfi Gröndal bókina: Sveinn Björnsson — ævisaga.

Bjó á Sveinsstöðum í Mælifellssókn.

Sveinn er sonur hjónanna Kristjönu Þorsteinsdóttur píanókennara og Einars Ól. Sveinssonar prófessors og fyrrum forstöðumanns Stofnunar Árna Magnússonar á Íslandi.
Kvæntist Þóru Kristjánsdóttur listfræðingi, þau eignuðust eina dóttur. ,,Blaðamaður við Alþýðublaðið sumurin 1955-57, leikgagnrýnandi þess blaðs 1959-60. Fulltrúi í dagskrárdeild Ríkisútvarpsins frá júlí 1959 til áramóta 1960-61 og sumurin 1961 og 1962. Leikhússtjóri Leikfélags Reykjavíkur 1963-72. Skólastjóri og kennari við Leiklistarskóla Leikfélags Reykjavíkur 1963-69. Þjóðleikhússtjóri 1972-83. Menningarráðunautur í Menntamálaráðuneytinu 1983-89, 1993-95 og 1998-2004. Dagskrárstjóri innlendrar dagskrár Sjónvarps 1989-93. Formaður (listrænn stjórnandi) stjórnar Listahátíðar í Reykjavík frá 1998-2000. Settur forstöðumaður Þjóðmenningarhússins í sex mánuði 2002. Í aðalstjórn UNESCO 2001-2005." Sveinn hefur fengist mikið við ritstörf.

Mjólkurbússtjóri í Blönduósshreppi. Kvæntist Ölmu Ellertsson.

Sveinn Guðmundsson var fæddur í Litladalskoti í Lýtingstaðarhreppi í Skagafirði þann 28. apríl 1912. Hann var kaupfélagsstjóri Kaupfélags Skagfirðinga. Kona hans var Valgerður Elín Hallgrímsdóttir (1920-1996). Hann lést 12. maí 1998.

Sveinn Guðmundsson fæddist á Sauðárkróki 3. ágúst 1922. Foreldrar hans voru Guðmundur Sveinsson frá Hóli í Sæmundarhlíð, og Dýrleif Árnadóttir frá Utanverðunesi. ,,Eftir fullnaðarpróf úr barnaskóla hóf Sveinn störf til sjós og lands. Árið 1944 réðst hann til starfa hjá Kaupfélagi Skagfirðinga og starfaði þar í 53 ár, þar af 45 ár í fullu starfi. Kjötmatsmaður við sláturhús KS í 48 ár. Sveinn stundaði hrossarækt stóran hluta ævinnar og varð hún vel kunn þeim sem íslenska hestinum unna. Fyrir hrossaræktina hlotnuðust honum margvíslegar viðurkenningar. Hann var sæmdur gullmerki Landssambands hestamanna árið 1986 og árið 1994 var hann sæmdur riddarakrossi hinnar íslensku fálkaorðu. Sveinn var gerður að heiðursborgara Sauðárkróks árið 1996. Árið 2010 hlaut hann heiðursverðlaun Landssambands hestamanna. Á yngri árum stundaði Sveinn knattspyrnu og aðrar íþróttir."

Maki 1: Guðbjörg Þorvaldsdóttir, þau eignuðust eina dóttur.
Maki 2: Birgitta Meyer, þau eignuðust einn son.
Maki 3: Ragnhildur Óskarsdóttir, þau eignuðust tvo syni.

Foreldrar: Gunnar Gunnarsson bóndi í Syðra-Vallholti og k.h. Ingunn Ólafsdóttir. Ólst upp með þeim fyrst í stað en fór svo í vinnumennsku. Sveinn var bóndi í Borgarey 1878-1885, Syðra-Vallholti 1885-1888, Bakka í Hólmi 1888-1893 og á Mælifellsá 1893-1909. Dvaldi í Dölum og í Borgarfirði 1909-1917, lengst af í lausamennsku. Kaupmaður í Reykjavík 1917-1924 og á Sauðárkróki 1924 til æviloka. Skrifaði tvær bækur, Veraldarsögu 1921 og Ævisögu Karls Magnússonar 1905.
Maki: Margrét Þórunn Árnadóttir (1855-1928). Þau eignuðust 13 börn og dóu tvö þeirra ung.

Sveinn Hallfreður Sigurjónsson, f. 30.01.1907, d. 22.01.1994. Foreldrar: Sigurjón Jónasson bóndi í Hólkoti og á Skefilsstöðum og kona hans Margrét Sigurlaug Stefánsdóttir. Hann eignaðist tvo syni með Kristínu Baldvinsdóttur (f. 12.12.1909-15.01.1979)

Sveinn Ingimundarson, f. á Gunnsteinsstöðum í Langadal24.09.1865, d. 04.05.1956. Foreldrar: Ingimundur Sveinsson b. og smáskammtalæknir á Tungubakka í Laxárdal fremri og Júlíana Ingibjörg Ólafsdóttir. Sveinn ólst upp hjá foreldrum sínum en fór ungur í vinnumennsku á ýmsa bæi í Húnaþingi. Flutti til Sauðárkróks um 1920 og bjó þar til lokadags. Fyrstu árin stundaði hann sjómennsku en varð að hætta störfum vegna blindu og um sextugt var hann orðinn öryrki af þeim sökum. Sveinn var ókvæntur og barnlaus.

Sveinn var sonur hjónanna Lovísu Sveinsdóttur frá Mælifellsá og Jóhanns Péturs Magnússonar frá Gilhaga, sem bjuggu á Mælifellsá allan sinn bú skap. Sveinn ólst upp á Mælifellsá til 17 ára aldurs er foreldrar hans hættu búskap. Þá fór hann til eins vetrar undirbúningsnáms fyrir menntaskóla hjá séra Halldóri Kolbeins. Hann fór síðan í Menntaskólann á Akureyri og stundaði þar nám í einn vetur. 6. júní 1950, giftist Sveinn Herdísi Björnsdóttur frá Stóru-Ökrum í Blönduhlíð, þau eignuðust sex börn. Árið 1954 keyptu þau jörðina Varmalæk í Lýtingsstaðahreppi af Gunnari bróður Sveins. Á Varmalæk og Mælifellsá stundaði Sveinn hefðbundinn búskap með kindur og kýr, ásamt hrossabúskap, hrossarækt og umfangsmikilli hrossaverslun. Einnig seldi hann og keypti reiðhesta og allar tegundir hrossa til útflutnings og slátrunar. Á Varmalæk var verslun og bensínsala ásamt hestaleigu fyrir ferðamenn. Sveinn og Björn sonur hans tóku einnig að sér fararstjórn í fjallaferðum um Ey vindarstaðaheiði, Kjöl og Sprengisand um árabil. Sveinn tók virkan þátt í félagsmálum sveitunga sinna, var í hreppsnefnd í 20 ár, varaoddviti í eitt kjörtímabil og í ýmsum nefndum og ráðum. Auk þess að vera bóndi og kaupmaður á Varmalæk var Sveinn framkvæmdastjóri Slátursamlags Skagfirðinga og í forustusveit skagfirskra hestamanna.