Skjalasafnið inniheldur bókhaldsgögn, bréf, gögn varðandi félagsheimili, fundagögn, gögn varðandi málaferli v. Eyjafjörð, skólamál skýrslur, útgefin blöð og gögn um sjúkrasamlag, elli- og örorkubætur.
Máni sveitablað sem gefið var út í Stíflu, Fljótum í byrjun 20. aldar. Til að byrja með er það Málfundarfélagið Von sem gefið blaðið út en árið 1928 verður málfundarfélagið að Ungmennafélaginu Von.
Aðallega gögn Samvinnufélags Fljótamanna, þ.á m. vörubækur (1922-1927), vörulisti frá 1926, skrá yfir félagsmenn 1927, gögn tengd sláturhúsinu 1974-1975 og bryggjunni/höfninni í Haganesvík 1962-1965.
Handskrifuð gögn í bækur og á pappír um starfsemi lestrarfélagsins. Gögnin eru í góðu ásigkomulagi, tvær gormabækur sem eru látnar halda sér en hefti tekin úr ljósrituð riti frá gjörðabók.
Í safni þessu eru fjölmörg sendibréf og meðylgjandi umslög er bárust til Sigurbjargar og Magnúsar bróður hennar á þessu tímabili. Einnig eru sendibréf til Walters sem var í sveit hjá þeim Bréfin eru vel læsileg og í góðu ástandi. Í safni þessu liggja líka jólakort og myndir myndir og eru látnar halda sér hjá því sendibréfi vegna uppruna. Í series bókhaldi E, lá efst í safninu er óopnað umslag frá Kaupfélagi Skagfirðinga merkt Stefánía M Pétursdóttir, Garði Hegranesi, það er látið halda sér þannig. Í series G-4 er handskrifað bréf með stimpilmerki. Bréfið sýnist vera skírnavottorð um skírn Jón fæddur 9.janúar, skírður 2.des.ár 1916. Foreldrar, Björn Pálmason og Sigurbjörg Jónsdóttir.Ytri - Húsabakka. Dagsett, Glaumbæ 3.maí 1930.
Gögn frá Sparisjóð Hólahrepps komu frá einkasafni Harðar Jónssonar, Hofi 2, oddvita Hólahrepps 1982 - 1990. Gögnin voru óhrein við komu og umfang mikið um 20 kassa af blönduðu safni Harðar. Þau voru flokkuð og hreinsuð og skipt niður í 3 söfn. N00476, N00477. N00478. Gögn voru látin halda uppruna eins og hægt var en vegna ýmist góðs skipulags gagna eða óreiðu voru þau sett í þau 3 söfn sem var unnin út frá rekjanleika og skipulagi.
Gjörðabók. Bókin er frá stofnfundi Málfundafélagsins Vísir, Stíflu. Félagið var stofnsett 14.11.127 og 7 meðlimir voru mættir. Fundir voru haldnir í húsi félagsins Von. Í bókinni eru fundargerðir en þar kom einnig fram spurningar almenns eðlis s.s.
Hvort er betra að gefa kindum kveld eða morgna í svona jarðelti?
Hvort er betra að vera í sveit eða kaupstað?
Til hvers eru Ungmennafélög? 4 . Hvaða vetrarverk þykir ykkur skemmtilegust?
Hvort lifa sveitirnar fyrir kaupstaðina eða kaupstaðirnir fyrir sveitirnar? o.s.fr. Gaman af þessu
Gjörðabók ungmennafélagsins Vaka í Viðvíkurhreppi byrjar á stofnfundi mánudag 10. mars 1930, til að ræða um stofnun ungmennafélags í Viðvíkurhreppi. Lesin voru uppköst af lögum og borin undir atkvæði og samþykkt í heild. í bókinni eru síðan lögin rituð ásamt fundargerðum. Aðalreikningabók er um tekjur og gjöld félagsins Vöku og inn í bók eru 6 laus blöð um ýmsar greiðslur t.d. greiðsluábyrgð til Björns Gíslasonar vegna harmonikkukaupa sem U.M.F Vaka á fyrsta veðrétt í. Björn Gíslason skuldbindur sig að spila á dansskemmtunum sem félagið kann að stuðla til í sínu umdæmi, umrætt tímabil frá 10. okt. 1940 - 10. okt. 1942. Einnig er listi um Ungmennafélagatal 1942.
Gjörða -og reikningabók er í góðu ástandi. Bókin inniheldur mest reiknisviðskipti, inneignir og skuldir en ein fundargerð sem er frá 2. sept 1934. Önnur pappírsgögn, kvittanir og sendibréf voru inn í bók og eru sett hér með í arkir.
Handskrifuð stílabók í lélegu ástandi en kápan er rifin í tvennt án kjalar og laus frá bók og blaðsíður blettóttar en bókin er persóunugreinanleg og vel læsileg. Ýmis skjöl er varða félagið, mjólkurskýrslur, ríkisssjóðsstyrkur og skýrsla um kynferði nyt og fóðrun kúa ásamt erindum og reikningskvittanir. Gögnin eru látin halda sér í ártalaröð eins og þau voru fyrir í safni. Gögnin eru í þokkalegur ástandi en hreinsuð af bréfaklemmum og einstaka blöð blettótt og rifin.
Gögnin innihalda hin ýmsu gögn er varða starfsemi félagsins. Reikningur um rekstur nautahaldsins, ( keypt naut á árinu, vetrarfóðrun sumarhirðing, lán og styrkir og kaup á eftirlitsmanni ). Fylgigögn frá 1929 - 1932. Lög um kynbætur nautgripa, 1.júní 1928. Sendibréf til formanns Nautgriparæktarfélags Akrahrepps ( úthluta ) Hr. Björn Sigtryggsson, Framnesi. Styrkur fyrir fullmjólkandi kýr. Tveir reikningar frá Dansk Mælketeknisk Laboratorium A- S Köbenhavn 16.03.1929 og 06.08.1929.og sendibréf því tengt til Herr Björn Sigtryggsson. Fundargerð 16.03 1930 en þau gögn eru tvö blöð illa farin og nokkuð lesanleg, þar kemur fram að Stefán Vagnsson skýrir frá starfsemi félagsinsá næst liðnu ári ,var aðalkjarni þess fóðrun og hirðing þarfanauts félagsins, (Páls ).
Pappírsgögn um fiskikaup í Akrahreppi 1929.- 1930 deild II kaupendur og reikningar til Herra Stefáns Vagnssonar, greiðasölunni, Hjaltastöðum, undirritað Snæbjörn. Sendibréf var í umslagi sem hér fylgir með, merkt Stefán Vagnsson, Hjaltastöðum, skrifað af Snæbirni Sigurgeirssyni 28/7 - 29. Minnismiðar 2 stk um seldar skýrslubækur.
Ein innbundin og handskrifuð bók, með línustrikuðum blaðsíðum. Bókin er í góðu ásigkomulagi og er vel læsileg. Í fundargerðabókinni eru lög félagsins. Fremst í bókinni er samskotalisti fyrir lestrarfélagið en engin félagaskrá er í bókinni að undanskildum nöfnum stofnfélaga. Aftast í bókinni eru skráð lög félagsins en ekki kemur fram dagsetning á samþykkt þeirra.
Í safninu eru einugis ein innbundin og handskrifuð bók sem í eru línustrikaðar blaðsíður. Í bókina eru ritaðar fundagerðir og reikningar nautgriparæktunarfélagsins. Bókin er vel varðveitt og læsileg, það er ekki skrifað nema í hluta bókarinnar að öðru leyti eru blaðsíðurnar auðar. Ekki kemur fram hvenær félagið er stofnað né hvort búið sé að leggja það niður.
Harðspjalda handskrifuð bók í góðu ástandi og pappírsgögn í misgóðu ástandi, blettótt, rifin og með ryðblettum eftir bréfklemmur sem eru hreinsaðar burtu ásamt heftum.
Heilleg harðspjalda bók um lög og fundargerðir félagsins. Bóki í góðu ástandi og lítið skrifað í hana. Inn í bók er ein laus opna af pappírgögnum um fundargerð, sett með bók.
Gögn úr fórum Péturs Jónassonar, sem lengst bjó í Minni-Brekku í Fljótum. Flest stílabækur sem hann hefur ritað í ýmsan fróðleik og kveðskap, ýmist hefðbundnar stílabækur eða innbundnar. Margt af því er skrifað upp úr bókum og útvarpsþáttum. Einnig er að finna fróðleik tengdan Fljótunum sem hann virðist hafa ritað sjálfur, en ljóst er af bréfaskiptum við Hannes Hannesson frá Melbreið að hann hefur oft haft annála hans til hliðsjónar. Safnið inniheldur mikið af kveðskap og er stór hluti hans eftir Guðmund Stefánsson í Minni-Brekku. Þá eru í safninu bréf og fjöldi dagbóka Péturs frá tímabilinu 1950-1970.
Gögn úr dánarbúi Páls Sigurjónssonar sem var um tíma bóndi á Ingveldarstöðum. Annars vegar reikningar og kvittun varðandi búrekstur sinn á Ingveldarstöðum. Hins vegar kveðskapur ýmis konar.
Lítið en blandað safn frá Framsóknarfélagi Lýtingsstaðahrepps sem inniheldur eina innbundna og handskrifaða fundagerðabók og forprentuð og handskrifuð pappírsgögn frá tímabilinu 1931-1967 safnið látið halda sem mest uppruna sínum en því var raðað upp í ártalsröð. Í safninu eru ársskýrslur félagsins, félagaskrá og fundagerðir, bókhaldsgögn, beiðni um úrsögn úr félaginum, reikningsyfirlit frá Kaupfélagi Skagfirðinga, lög Framsóknarflokksins sem samþykkt voru á flokksþingi 1941 og handskrifað bréf frá Gísla Magnússyni frá Eyhildarholti. Ryðguð hefti voru hreinsuð úr.
Um er að ræða reglugerð, eða drög að reglugerð fyrir Málfundarfélagið í Haganesvík. Fyrsta grein hljóðar svo "Fjélagið heitir "Málfundafjelag Unglingaskólans í Haganesvík" en engar aðrar heimildir hafa fundist um þetta félag.
Málfundarfélag unglingaskólans í Haganesvík (1932-1933)
Tvær innrammaðar ljósmyndir úr dánarbúi Guðmundar S. Valdimarssonar (Mundi Valda Garðs) og Sigurbjörgu Sigurðardóttur (Bogga) á Sauðárkróki. Líklega eru myndirnar úr fórum Boggu þar sem hún er á báðum myndunum.
Gögnin innihalda, frumvarp til laga fyrir félagið það segir að tilgangur félasins er að bæta engjalönd þeira jarða sem taldar eru í gr.2 Hjaltastaði, Hjaltastaðakot, Hjaltastaðahvamm, Frostastaði, Ystu- Grund, Syðri - Brekkur, Ytri - Brekkur, með framræslu og áveitu. Vatn til áveitunnar skal tekið úr Héraðsvötnum og Þverá. Handskrifað bréf og 2 prentuð bréf til Herra Stefán Vagnssonar.frá Pálma Einarssyni Búnaðarfélag Íslands.
Persónugreinanleg harðspjalda handskrifuð bók um bókhald félagsins. Nöfn bænda og heimilisfang ásamt þeirra bókhaldsgögnum. Bókin er í þokkalegu ástandi en blöð blettótt og rifnar blaðsíður.
Handskrifuð bók í nokkuð góðu ástandi segir frá bókhaldi félagsins og svo lausar blaðsíður um fundarsköp, en ártal á öftustu síðu er skráð hér. Laus blöð, ein opna um lög ungmennafélagsins en þau eru ekki með ártali, blöðin blettótt og með ryðblettum.
Tvö pappírsgögn í safni þessu. Annað reikningur frá Viðtækjaverslun Rikisins 4.10.1033 til félagsins afgreitt af Stefáni Vagnssyni Hjaltastöðum Skagafirði. Bréf í lélegu ástandi. Hitt er handskrifða blað með ýmis kostnaður við tækjakaup.
Gögn úr fórum Tryggva Guðlaugssonar í Lónkoti. Flest bókhaldsgögn er varða búrekstur, dagbækur og minniskompur, bréf og ýmis önnur gögn. Hluti gagnanna tengjast syni hans, Oddi Steingrími Tryggvasyni, sem lést ungur.
Fundargerðir Skagfirðingafélagsins í Reykjavík frá upphafi, 6. desember 1936, til ársins 1960. Markmið félagsins í upphafi var að vinna að því að setja á stofn mennta- og menningarsetur við Reykjarhól í Seyluhreppi (Varmahlíð). Starfssemi félagsins verður fjölbreyttari þegar á líður. Nafn félagsins var fyrst "Varmahlíð" en var strax á 3ja fundi breytt í Skagfirðingafélagið í Reykjavík.