Vor í Skagafirði - tileinkað félaginu í "Varmahlíð" Vor í Skagafirði (tileinkað félaginu „Varmahlíð“)
Nú er vor yfir jörð. Yfir fjall, yfir fjörð Hellast fossar af skínandi, blikandi ljóma. Hér er unaður nýr, Þegar árdagsblær hlýr Leysir allt, sem að lifir úr kveljandi dróma. Hið „ónýta“ og visna að hauðrinu hnígur, Til himinsins ilmur frá jörðinni stígur. Yfir bjartsýna þjóð, Með sín blíðustu ljóð, Vorsins brosandi herskari ástfanginn, syngjandi flýgur.
Nú ber Mælihnjúk hátt. Upp í heiðloftið blátt yfir héraðið rís hann í konungstign sinni. Eins og vörður í kring raðar hamranna hring. Hvílík tign, hvílík dýrð yfir sveitinni minni. Um Kaldbak og Tindastól tíbráin glitrar. Niður tignfríða Blönduhlíð berglindin sitrar. Út við eyjar og sund sefu8r Ægir sinn blund. Yfir öll´ eru ríkjandi blessaðar listdísir virtar.
Ó, þú sólvermda land; Ó, þú sagnauðga land; Þú ert sólarbros Guðs, á hans albesta degi. Þú ert allt, sem er hlýtt, sem er fagurt og frítt, sem er framsækið, ljósþyrst, á betrunarvegi. Þú er máttugt, sem Hólastóll goðborins siðar. Yfir Skaga og Fljót, yfir fald þinn og fót, breiðist friðarblær vorsins, sem skjókróna allaufgaðs viðar.
Hér þarf frjálshuga þjóð. Hér þarf framsækna þjóð. Hér skal forystumenning frá grundvelli rísa. Hér þarf listelska lund, Þó að lúin sé mund. Hér skal ljóssækin æska á brautina vísa. Í ljóselskar sálir skal guðtraustið grafið, sem glampandi breiður á sólarþyrst hafið. Hér þarf raunsterka sál. Hér þarf rammíslenskt mál. Þá er ramminn og myndin í samræmdri einingu vafið.
Sigurður Egilsson tekur viðtal við Gunnar Jóhannsson frá Mælifellsá. Rætt er um kjör öryrkja en Gunnar bjó við fötlun. Gunnar fer með frumsamda vísu. Viðtalið er tekið í Reykjavík - nóvember 1970.
Ljóð, 6 erindi sem hefur titilinn "Hjéraðsvötn hin eystri búruð í apríl 1896". Á ljósritinu stendur að þetta sé úr bréfasafni Friðriks Hansen og óvíst sé um höfund".
Ljóð eftir Erlend Hansen, Friðrik Hansen og Sigurð Jónsson (Arnarvatni) við lög. Nótnablöð með ljóðum. Af sumu eru tvö eintök. 1 blaðaúrklippa um tildrög lagsins "Blindi drengurinn" en lagið var eftir Pétur Sigurðsson og ljóðið var eftir Friðrik Hansen.
Skólaljóð. Kvæðasafn handa unglingum til að lesa og nema. Valið hefir og búið til prentunar Þórhallur Bjarnason. Þriðja prentun. Reykjavík. Bókaverzlun Sigfúsar Eymundssonar. 1909. Reynt hefur verið að lagfæra bókakápu. Efnisbútur hefur verið límdur yfir kjölinn.
Á fremstu blaðsíðu er skrifað: Frá mömmu til Siggu 3. júní 1905. Í bókinni eru handskrifaðar vísur og kveðjur frá vinum og vandamönnum, skrifað á mismunandi tímum.
Ljóðið er ein handskrifuð pappírsörk, undirrituð af Guðrúnu og Páli, Vestmannaeyjum. Um er að ræða eftirmæli um systur Páls, Sigríði Árnadóttur frá Geitaskarði.
Handskrifað bréf, ein pappírsörk í A4 stærð. Með liggur umslag, stílað á Hrólf Þorsteinsson. Í bréfinu eru eftirmæli um Ólaf Jóhannesson á Miklabæ í Blönduhlíð.
Bréfið er handskrifað á 3 arkir af þunnum pappír, líklega umbúðapappír. Með fylgja þrjár arkir sem á eru rituð ljóð, með annarri rithönd. Með liggur umslag, merkt "Sveinn Gunnarsson bréflappar."
Kvæðin til sýningarinnar í Skagafirði 28. maí 1881. Kvæði heita; Byrjunarljóð, Skagafjörður, Kvenna minni, Sönglistin, Vínið, Skilnaðarvísur. Prentað á Akureyri í prentsmiðju Fróða.
Handskrifuð stílabók sem inniheldur: I. "Ljóðmæla-samtíningur. M. h. Jóns Sveinssonar frá Þangskála. Nafngreindir höfundar: Baldvin Jónsson skáldi. Guðmundur Jónsson vinnumaður á Fossi (mun lengi hafa verið vinnumaður á Höskuldsstöðum á Skagaströnd). Jón Gottskálksson frá Selá. Sigurður Stefánsson, Garðshorni, Höfðaströnd. Skúli Bergþórsson, Kálfárdal. II. Um slysfarir á sjó og hrakninga, eftir Jón Sveinsson frá Þangskála. Ehdr.
Handskrifuð stílabók, með hendi Jóns Sveinssonar frá Þangskála, sem inniheldur ljóð og sagnaþætti eftir Jón: I. "Saknaðar og minningar ljóð........", Útfararljóð". I Um flutninga fólks til Ameríku úr Skefilsstaðahreppi og Sauðárhreppi á tímabilinu frá 1874-1904". II. "Afburðamenn að afli og leikni í glímu íþróttinni". III. Dulræn sögn viðkomandi Fljótamönnum. Um sjóslysið 6. jan. 1899 . IV. "Sagnir viðkomandi Sölva Helgasyni förumanni".
Bæklingur í stærðinni 17,8 x 11,4 cm. Jón Arason Hólabiskup. Fæddur á Grýtu í Eyjafirði 1484. Hálshöggvinn í Skálholti 7. nóv 1550. Alls 4 bls bæklingur með ljóði eftir Pál Ólafsson. Bæklingurinn er áritaður: "Til hr Árna Þorkelssonar. Vinsaml. frá höfundi. Alls 12 bls., auk kápu.
Útgefið rit í stærðinni 18,8 x 12,5 cm. Minningarrit um Jórunni Ísleifsdóttur Melsteð 1816-1858. Inniheldur ljóð og ræður. Alls 32 bls, auk kápu. Úgáfuár óþekkt.
Smárit í stærðinni 22 x 13, 6 cm. Skýring á minningarbréfinu um þúsund ára byggingu Íslands eptir Benedikt Gröndal. Kaupmannahöfn. Prentað hjá S. Trieer. Ritið er alls 64 bls. Kápu vantað. Ritið er nokkuð skemmt af sliti og óhreinindum.
Stílabókin er í stærðinni 29,7 x 21,2 cm. Í bókina er skrifaður ýmiss fróðleikur, einkum æviþættir og fáein ljóð. Líklega að stórum hluta uppskriftir. Með liggja allmörg laus blöð, hér og þar um bókina. Bókin hefur verið bundin inn með harðspjalda kápu, en kápuna vantar framan á og blöðin eru orðin mjög sundurlaus. Ástand bókarinnar er gott.
Stílabókin er í stærðinni 20,9 x 16,9 cm. Innbundin í harðspjalda kápu. Á kápusíðu er ritað: "Til hamingju með áttræðisafmælið. Til Péturs Frá Ástu." Í bókina er ritaður annáll Holtshrepps árið 1956 og ýmsar hugleiðingar. Einnig koma fyrir ýmis ljóð. Tilgáta að mest af þessu efni sé eftir Hannes Hannesson á Melbreið. Ástand bókarinnar er gott.
Ljóðmælin eru í vélrituðu hefti í A6 broti, alls 24 vélritaðar síður, auk ómerktrar kápu. Þau munu vera ort árið 1955, um Önnu Helgadóttur (1913-1976) sem bjó á Skíðastöðum. Letrið er nokkuð óskýrt en ástand skjalsins er gott.
Bréfið er handskrifað á 16 pappírsarkir í A4 stærð, á mjög þunnan pappír. Þar af eru 14 arkir með kveðskap, m.a. Einvígisrímum, nafnagátum og lausavísum. Blöðin eru orðin rifin og hafa sum krumpast.
Ljóðin eru vélrituð á tvær pappírsarkir, í A4 og A5 stærð. Annað þeirra ber yfirskriftina Fyrsta vorblómið, hitt er án titils. Ástand skjalanna er gott.
Ljóðin eru vélrituð á tvær pappírsarkir í A4 stærð. Annars vegar afmælisljóð á 90 ára afmæli og hins vegar og hins vegar kveðja frá Hestamannafélaginu Léttfeta. Ástand skjalsins er gott.
Ljóðið er vélritað á pappírsörk í A4 stærð. Búið er að klippa horn af örkinni. Um er að ræða erfiljóð frá dóttur Ragnheiðar Eggertsdóttur (1844-1934) frá dóttur hennar, Jakobínu Gísladóttur. Ástand skjalsins er gott.
Ein lítil ljóðabók sem telur 8 bls. í litlu broti. Heftuð saman, en hefti hafa verið fjarlægð. Höfundur ljóðanna er Pétur Jónsson og heitir bókin "Til Skagafjarðar"
Ljóðabálkur eftir Gunnar Einarsson í Bergskála um stórbrunann mikla á Hellulandi árið 1928. Þrjár vélritaðar síður og ein handskrifuð nafnaskrá, óvíst um upprunann og hvenær það barst safninu en greinilega er skjalið búið til eftir daga Gunnar.
Persónuleg gögn Björns Jónssonar, Sauðárkróki. Ljósmyndir, ljósritaðar vísur eftir ýmsa höfunda og heillaóskaskeyti. Í safninu eru einnig skjöl foreldra hans, Jóns Björnssonar og Unnar Magnúsdóttur.
Gögn tengjast veru Haraldar Sigurðssonar í Möðruvallaskóla í kringum 1896, svo sem einkunnir, glósur og kennsluefni. 1 lítið glósuhefti inniheldur vísur og er með annarri rithönd, mögulega yngra efni.
Stílabókin er í stærðinni 24,7 x 19,4 cm. Innbundin í harðspjalda kápu. Í bókina er skrifaðar rúmlega 300 spurningar og svör, líklega úr útvarpsþætti. ýmsir fróðleiksmolar, líklega uppskrifaðir úr bókum og blöðum. Ýmiss siglfirskur og skagfirskur fróðleikur, m.a. um Sturlungu og úr Fljótum. Nokkrar annálafærslur. Uppskriftir úr útvarpsþáttum 1958-1959. Ljóð, m.a. ljóð Gunnars S. Hafdal um Fljótin. Æviþættir o.fl. Kápa bókarinnar er farin að losna í sundur. Með liggja tvö minnisblöð.
Stílabókin er í stærðinni 32 x 13 cm. Innbundin í harðspjalda kápu. Í bókina er skrifaður fróðleikur og ljóð úr útvarpsþáttum. Einnig ýmis önnur ljóð, æviágrip Pálma Sveinssonar á Reykjavöllum í Skagafirði, hugleiðing um kosningarétt kvenna, annála atriði, fróðleikur um símalagningu og Glaumbæ í Skagafirði, fjártala í Holtshreppi 1932,frásögn um leiksýningu 1953 (ekki ljóst hvar hún var sett upp) og sögn um álagablett í Minni-Brekku. Ástand bókarinnar er gott. Með liggja tvö minnisblöð
Stílabókin er í stærðinni 21,3 x 16,9 cm. Bókin inniheldur ljóð eftir Bólu-Hjálmar, ásamt fáeinum öðrum ljóðum, uppskrift af leikriti og uppskrift úr útvarpsþætti frá 1949. Ástand bókarinnar er gott.
Stílabókin er í stærðinni 20,1 x 16,2 cm. Bókin inniheldur ýmis ljóð, einkum erfiljóð eftir Fljótamenn. Kápan er laus frá bókinni og síðurnar eru upplitaðar.
Gögn úr fórum Péturs Jónassonar, sem lengst bjó í Minni-Brekku í Fljótum. Flest stílabækur sem hann hefur ritað í ýmsan fróðleik og kveðskap, ýmist hefðbundnar stílabækur eða innbundnar. Margt af því er skrifað upp úr bókum og útvarpsþáttum. Einnig er að finna fróðleik tengdan Fljótunum sem hann virðist hafa ritað sjálfur, en ljóst er af bréfaskiptum við Hannes Hannesson frá Melbreið að hann hefur oft haft annála hans til hliðsjónar. Safnið inniheldur mikið af kveðskap og er stór hluti hans eftir Guðmund Stefánsson í Minni-Brekku. Þá eru í safninu bréf og fjöldi dagbóka Péturs frá tímabilinu 1950-1970.
Ljóðið Hótel jörð eftir Tómas Guðmundsson. Ljóðið er handskrifað á línustrikaða pappírsörk í A5 stærð með rithönd Marteins Steinssonar. Ástand skjalsins er gott.
10 arkir úr skrifblokk, þéttskrifaðar. Innihalda ljóðið Skagafjörður eftir Lúðvík Kemp. Á fremsta blaðið er ritað til hliðar: "L. Kemp/ Eiríkur Kristinsson."
Vélritað hefti með 8 blaðsíðum og kápu. Vélritað. Inniheldur bændavísur eftir Gunnþórunni Sveinsdóttur frá Mælifellsá. Ortar um bændur í Laxárdal og á Skaga.
Vélritað hefti með 17 blaðsíðum og kápu. Vélritað. Inniheldur bændavísur eftir Gunnþórunni Sveinsdóttur frá Mælifellsá. Ortar um bændur í framsveitum Skagafjarðar.
Ljóðmæli / Hjálmar Jónsson frá Bólu ; Jónas Jónsson gaf út Hjálmar Jónsson 1796-1875 (frá Bólu) Reykjavík : Menningarsjóður, 1942 Íslensk úrvalsrit xlvii, 112 bls. : teikningar ; 18 sm.
Fáein ljóðmæli Þorgeirs Markússonar fyrrum prests að Útskálum frá 1747 til 1753. Þorgeir Markússon 1722-1769 (prestur) höfundur. Sigurður Brynjólfsson Sívertsen 1808-1887 (prestur). Reykjavík : Jón Eyjólfsson, 1906. 64 bls. ; 17 sm. 3. útgáfa.
18 línustrikuð blöð með handskrifuðum kveðskap. Mörg ljóðanna eru ort í tilefni af afmælum eða virðast ætluð til flutnings við þorrablót eða slíkar samkomur. Á sumum blaðanna er búið að strika yfir og breyta einstaka orðum. Ritað með rithönd Péturs sjálfs.
