Showing 6066 results

Authority record

Auðbjörg Sigríður Albertsdóttir (1908-1994)

  • S02870
  • Person
  • 27. sept. 1908 - 13. sept. 1994

Auðbjörg Sigríður Albertsdóttír f. 27.09.1908 í Neðstabæ í A-Húnavatnssýslu. Foreldrar: Hólmfríður Margrét Guðjónsdóttir (alin upp á Sölvanesi) og Gottskálk Albert Björnsson frá Kolgröf, þau bjuggu á Neðstabæ. Auðbjörg ólst þar upp hjá foreldrum sínum. Einn vetur stundaði hún nám við Hvítárbakkaskólann. Maki: Sigurður Guðlaugsson frá Sæunnarstöðum í Hallárdal. Þau hófu búskap á Neðstabæ en fluttust þaðan að Hafursstöðum og bjuggu þar um 30 ára skeið. Árið 1972 fluttu þau að Blönduósi. Þau eignuðust fimm börn. Frásagnir eftir Auðbjörgu hafa birst í tímaritinu Heima er best, þar sem hún segir sögur af dýrum og ýmsum atburðum. Hún hafði einnig mikla ánægju af garðrækt og fékkst nokkuð við að yrkja kvæði.

Auðunn Blöndal (1936-2012)

  • S00215
  • Person
  • 24.11.1936-21.12.2012

Auðunn Blöndal fæddist á Sauðárkróki. Foreldrar hans voru Valgard Blöndal og Jóhanna Árnadóttir. Auðunn kvæntist Ólu Sveinbjörgu Jónsdóttur, leiðir þeirra skildu. Saman eignuðust þau tvo syni.

Auðunn Blöndal (1980-)

  • S03541
  • Person
  • 08.07.1980

Auðunn Blöndal, f. 08.07.1980.
Frá Sauðárkróki.

Auður Guðjónsdóttir (1930-2008)

  • S02602
  • Person
  • 6. júlí 1930 - 27. apríl 2008

Auður Guðjónsdóttir f. á Tunguhálsi í Lýtingsstaðahreppi, dóttir Guðjóns Jónssonar b. á Tunguhálsi og k.h. Valborgar Hjálmarsdóttur. Maki: Stefán Arnbjörn Ingólfsson frá Víðihóli á Hólsfjöllum í Fjallahreppi, N-Þingeyjarsýslu, þau eignuðust sjö börn. Stundaði almenn sveitastörf á uppvaxtarárum sínum að Tunguhálsi. Árin 1947-1948 stundaði hún nám við Húsmæðraskólann að Löngumýri í Skagafirði. Árið 1952 fluttist hún til Akureyrar. Hóf störf við Útgerðarfélag Akureyringa 1965 og starfaði þar til ársins 2000. Gegndi ýmsum trúnaðarstörfum tengdum starfi sínu bæði hjá Útgerðarfélagi Akureyringa og hjá Verkalýðsfélaginu Einingu á Akureyri. Virk í félagsstarfi aldraðra á Akureyri.

Auður Herdís Sigurðardóttir (1967-)

  • S03491
  • Person
  • 17.03.1967

Auður Herdís Sigurðardóttir, . 17.03.1967. Foreldrar: María Helgadóttir (1933-) og Sigurður Björnsson (1927-2015).
Búsett í Brekkukoti í Blönduhlíð.

Auður Þorbjörnsdóttir (1926-2001)

  • Person
  • 1926-2001

Auðbjörg stundaði nám við Alþýðuskólann á Hvítárbakka árið 1930.
Hún var húsfreyja á Hafurstöðum í Húnavatnssýslu. Bjó síðast á Blönduósi.

Axel Ásgeirsson (1895-1965)

  • S03446
  • Person
  • 16.05.1895-08.11.1965

Axel Ásgeirsson, f. í Dagverðartungu í Hörgárdal 16.05.1895, d. 08.11.1965. Foreldrar: Ásgeir Björnsson og Kristjana Halldórsdóttir. Axel ólst upp hjá foreldrum sínu til átta ára aldurs, er faðir hans lést. Fór Axel þá til móðurbróður síns, Leós Halldórssonar á Rútsstöðum í Eyjafirði og var þar næstu átta árin. Hann hóf sjómennsku á síldveiðum en fór síðan í siglingar á vegum SÍS. Hann var einn af fyrstu starfsmönnum Mjólkursamlags KEA og vann þar í allmörg ár. Einnig var hann lögregluþjónn á Akureyri í 3 ár og afgreiðslumaður á Bifreiðastöð Oddeyrar í 7 ár. Hann réðist til Iðunnar 1963 og starfaði þar uppfrá því.
Maki: Jakobína Jósefsdóttir. Þau eignuðust tvö börn.

Axel Friðbjörnsson (1896-1921)

  • S01809
  • Person
  • 22. nóv. 1896 - 6. júní 1921

Ljósmyndari. Rak ljósmyndastofu á Siglufirði 1918-1920. Starfaði á ljósmyndstofu Ólafs Magnússonar í Reykjavík frá des 1919 til júní 1920. Síldarmatsmaður á Siglufirði

Axel Guðmundsson (1882-1948)

  • S02780
  • Person
  • 27. júlí 1882 - 4. feb. 1948

Tók sér viðurnefnið Snæland og skrifaði sig Axel G. Snæland eftir það. Bóndi, lengst af í Stóragerði í Myrkárdal í Eyjafirði. Áður bóndi í Melgerði.

Axel Guðmundsson (1924-2007)

  • S00485
  • Person
  • 09.09.1924-27.04.2007

Axel Guðmundsson fæddist á Bakka á Bökkum í Vestur-Fljótum í Skagafjarðarsýslu. Foreldrar hans voru hjónin Guðmundur Jónsson og Ólöf Anna Björnsdóttir. ,,Axel bjó á Neskoti í Fljótum með móður sinni og uppeldisföður, Hafliða Eiríkssyni, f. 1895, d. 1979. Þau fluttust á Akranes 1953 og síðan til Reykjavíkur árið 1960. Axel kvæntist árið 1973 Rannveigu Jónsdóttur frá Brjánsstöðum á Skeiðum, f. 1922. Axel vann margvísleg störf eftir að hann kom til Reykjavíkur. Hann vann lengi í timburverslun Völundar, síðan keyrði hann bíl á vegum hreinsunardeildar Borgarinnar og síðustu árin vann hann sem meindýraeyðir hjá Reykjavíkurborg."

Axel Kristjánsson (1892-1942)

  • S00737
  • Person
  • 17.08.1892-16.04.1942

Sonur Kristjáns Gíslasonar kaupmanns á Sauðárkróki og Bjargar Eiríksdóttur. Var í Reykjavík 1910. Kaupmaður á Akureyri 1930.

Baldur Bjarnason

  • Person
  • 1918-1985

Baldur fæddist árið 1918. Sonur hjónanna Bjarna Sigurðssonar og Bjargar Björnsdóttur bænda í Vigur í Ísafjarðardjúpi. Baldur starfaði mikið að félagsmálum og var oddviti og sýslunefndarmaður. Hann var afar félagslyndur, brosmildur og geðgóður. Eiginkona hans var Sigríður Salvarsdóttir og eignuðust þau fimm börn. Baldur brá búi 1985 og tóku synir hans við búinu.

Baldur Eyjólfsson (1882-1949)

  • S03249
  • Person
  • 17.05.1882-16.06.1949

Baldur Eyjólfsson, f. að Gilsfjarðarmúla 17.05.1882, d. 16.06.1949 í Reykjavík. Foreldrar: Eyjólfur Bjarnason bóndi í Gilsfjarðarmúla og kona hans Jóhanna Halldórsdóttir. Baldur ólst frá barnæsku upp hjá hjónunum Eggert Stefánssyni og Kristrúnu Þorsteinsdóttur í Króksfjarðarnesi. Er Ragnheiður dóttir þeirra giftist Arnóri Árnasyni að Felli í Kollafirði og síðar að Hvammi í Laxárdal, flutti Baldur með þeim mæðgum til sr Arnórs að Felli og átti heimili sitt hjá þeim Arnóri og Ragnheiði oftast upp frá því. Fluttist hann með konu sinni frá Rauðamýri á Langadalsströnd til Húsavíkur 1905 og að Hvammi í Laxárdal 1907. Voru hjónin þar í vinnumennsku í eitt ár. Bjuggu á Selá á Skaga 1908-1909. Fluttust þá aftur vestur að Rauðamýri og var Baldur síðan vestra til 1912, er hann kom aftur að Hvammi. Var hann þá skilinn við konu sína.
Fyrstu árin eftir 1916 hafði Baldur póstferðir á Skaga, en seinna um margra ára skeið hafði hann á hendi póstferðir milli Víðimýrar og Sauðárkróks. Einhvern tíma á þessum árum annaðist hann einnig póstferðir milli Hóla og Sauðárkróks, jafnvel alla leið út í Hofsós. Hélt hann þá til á Sauðárkróki með hesta sína og átti hús fyrir þá og hafði sjálfur herbergi á Hótel Tindastól. Póstferðir stundaði hann alveg til 1936.
Maki: Hólmfríður Ingibjörg Halldórsdóttir. Þau eignuðust einn son.

Baldur Ólafsson (1911-1988)

  • S03002
  • Person
  • 2. ágúst 1911 - 27. des. 1988

Foreldrar: Ólafur Helgi Jensson kaupmaður á Hofsósi og kona hans, Lilja Haraldsdóttir. Maki: Jóhanna Ágústsdóttir. Ólst upp á Hofsósi en fluttist með foreldrum sínum til Siglufjarðar árið 1922, þar sem hann gekk í unglingaskóla og síðan til Vestmannaeyja árið 1927. Þar störfuðu þeir feðgar við póststörf til 1930. Það ár réðst Baldur í Útvegsbanka Íslands í Vestmannaeyjum. Vann þar sem ritari, gjaldkeri og útibússtjóri frá árinu 1953. Hann gegndi því starfi til 1968 að hann tók við útibústjórastörfum í Kópavogi. Tók einnig virkan þátt í félagslífi, ma. í Oddfellowreglunni. Var vararæðismaður Norðmanna í Eyjum. Maki: Jóhanna Ágústsdóttir frá Kiðabergi í Vestmannaeyjum. Þau eignuðust 3 börn en fyrir átti Jóhanna eina dóttur.

Baldur Pálmason (1919-2010)

  • S00134
  • Person
  • 17.12.1919-11.09.2010

Kristófer Baldur Pálmason fæddist í Köldukinn á Ásum í Austur-Húnavatnssýslu þann 17. desember 1919. Hann var útvarpsmaður, ljóðskáld og þýðandi í Reykjavík. Gegndi fjölmörgum félags- og trúnaðarstörfum.
Hann lést í Reykjavík 11. september 2010.

Baldur Vilhelmsson (1929-2014)

  • S02598
  • Person
  • 22. júlí 1929 - 26. nóv. 2014

Baldur Vilhelmsson, fæddur á Hofsósi 22.07.1929. Foreldrar hans voru Vilhelm Magnús Erlendsson, póst- og símstöðvarstjóri á Blönduósi, áður Hofsósi og k.h. Hallfríður Pálmadóttir. Kvæntist Ólafíu Salvarsdóttur, þau eignuðust fimm börn, fyrir átti Ólafía dóttur. Stúdent frá MA og cand.theol. frá HÍ 1956. Sóknarprestur í Vatnsfirði frá 1956-1999. Einnig prófastur í Ísafjarðarprófastdæmi frá 1988. Lengi kennari í Reykjanesi við Ísafjarðardjúp og skólastjóri í afleysingum.

Baldvin Bergvinsson Bárðdal (1859-1937)

  • S03313
  • Person
  • 27.07.1859-14.10.1937

Fæddur í Sandvík í Bárðardal. Kenndi víða t.d. í Skagafirði 1890-1900. Var skólastjóri í Bolungavík og stofnaði þar söngfélagið Gleym mér ei og var söngstjóri þess um skeið. Amtsbókavörður í Stykkishólmi 17 ár. Bæjarpóstur á Sauðárkróki í 17 ár. Starfaði mikið að félagsmálum, gaf m.a. úr nokkur sveitarblöð og ljóðabókina Hörpu 1903.

Baldvin Bjarnason ( 1916-2004)

  • S0
  • Person
  • 1916-2004

Baldvin var fæddur að Reykjum í Tungusveit í Lýtingsstaðarhreppi árið 1916. Sonur hjónanna Kristínar Sveinsdóttur og Bjarna Kristmundssonar bænda þar. Baldvin var bróðir Kristmundar.

Baldvin Einarsson (1901-1979)

  • S01150
  • Person
  • 31. maí 1901 - 19. okt. 1979

Baldvin Einarsson, f. á Hraunum í Fljótum 31.05.1901, d. 19.10.1979. Foreldrar: Einar Baldvin Guðmundssonar (eldri), bóndi á Hraunum í Fljótum og þriðja kona hans, Dagbjört Anna Magnúsdóttur (1865-1937) á Hraunum í Fljótum.
Baldvin ólst upp hjá foreldrum sínum og móður sinni eftir að faðir hans lést. Hann var frá unga aldri starfsmaður hjá Eimskipafélagi íslands í Reykjavík; síðar skipamiðlari og loks umboðsmaður Eimskips í Hafnarfirði.
Baldvin eignaðist dóttur með Sigurbjörgu Lárusdóttur.
Barn með Sigurbjörgu Lárusdóttur prests Halldórssonar og Arnbjargar Einarsdóttur:
Maki: Ólöf Sjöfn Sigurðardóttir (1909-2000). Þau eignuðust þrjú börn.

Baldvin Jóhannsson (1857-1928)

  • S02991
  • Person
  • 27. júní 1857 - 1928

Fæddist í Stærra-Árskógi. Foreldrar: Guðrún Halldórsdóttir, þá vinnukona í Stærra-Árskógi og Jóhann Guðmundsson, sem var þá giftur bóndi á Ytri-Reistará en síðar á Höfða á Höfðaströnd. Baldvin fluttist með föður sínum og fósturmóður frá Kvíabekk í Ólafsfirði að Höfða árið 1877. Þaðan fór hann að Lágubúð á Bæjarklettum 1886, að Nöf við Hofsós 1888. Var á Þönglaskála 1890-1894, en flytur þá að nýbýlinu Þönglabakka og átti þar heima til æviloka. Þönglaskála hafði hann í ábúð 1913-1927. Baldvin stundaði sjó með búskapnum, átti hlut að mótorbátaútgerð og var formaður á árabátum sínum, eftir að hann fluttist að Þönglaskála og Þönglabakka.
Kona: Anna Sigurlína Jónsdóttir (1863-1939). Þau eignuðust tvö börn.

Baldvin Jóhannsson (1893-1980)

  • S00995
  • Person
  • 19.05.1893-28.03.1980

Foreldrar: Jóhann Oddsson og Jóhanna Friðrika Friðbjarnardóttir. Fæddur á Siglunesi en eftir að hafa misst móður sína fjögurra ára gamall flutti hann með föður sínum til Skagafjarðar og var þar á ýmsum bæjum, ýmist búandi eða í húsmennsku. Fljótlega uppúr fermingu fór Baldvin í vinnumennsku lengst á Reynistað. Baldvin kvæntist Láru Pálínu Jónsdóttur, þau voru fyrstu árin í húsmennsku; á Reynistað 1930-1931, í Glæsibæ 1931-1932 og á Eiríksstöðum 1932-1935. Þau keyptu Dæli 1935 og voru bændur þar til 1950, eftir það á hluta jarðarinnar á móti syni sínum. Meðfram búskap var Baldvin um langt árabil póstur í Sæmundarhlíð. Síðast búsettur á Sauðárkróki.
Baldvin og Lára eignuðust þrjú börn saman, fyrir átti Lára tvö börn.

Baldvin Ringsted (1914 - 1988)

  • S0
  • Person
  • (1914-1988)

Baldvin var fæddur á Kljáströnd í Grýtubakkahreppi árið 1914. Hann var tannlæknir á Akureyri

Baldwin & Blondal

  • S00627
  • Corporate body
  • 1890-1900

Erfitt að finna eitthvað um þessa ljósmyndastofu. En Jón Blöndal lærði ljósmyndun í Winnipeg og rak ljósmyndastofu ásamt öðrum/fleirum sem hét Baldwin & Blondal. Talið að margir Íslendingar sem fluttu vestur um haf, hafi látið taka myndir af sér á þessari stofu á tímabilinu 1890-1900.

Bandalag íslenskra leikfélaga (1950-)

  • S02845
  • Organization
  • 1950-

Bandalag íslenskra leikfélaga (skammstafað BÍL) er samtök áhugaleikfélaga á Íslandi. Samtökin voru stofnuð árið 1950 og var Ævar Kvaran helsti hvatamaðurinn að stofnun þeirra.
Bandalagið rekur Þjónustumiðstöð að Kleppsmýrarvegi 8 í Reykjavík. Þjónustumiðstöðin sinnir ýmsum málum fyrir áhugaleiklistarhreyfinguna en einnig er þar almenn þjónusta við leikhús og leikhópa af öllu tagi. Þar er m.a. stærsta leikritasafn landsins. Bandalagið hefur starfrækt leiklistarskóla síðan árið 1997 til að byrja með að Húsabakka í Svarfaðardal en skólinn flutti árið 2010 í Húnavallaskóla og árið 2017 í Reykjaskóla í Hrútafirði.

Bára Pétursdóttir (1937-2015)

  • S03484
  • Person
  • 10.10.1937-13.07.2015

Bára Pétursdóttir f. í Minni-Brekku í Fljótum 10.10.1037, d. 13.07.2015 á Akureyri.
Foreldrar: Pétur Jón Stefánsson (1909-2000) og Guðrún Jónsdóttir (1920-2011). Hún ólst upp í Minni-Brekku og Hofi í Vesturdal til 7 ára aldurs. Eftir það fluttist hún alfarið í Hof og ólst upp í stórum systkinahópi. Bára ólst upp við hefðbundin sveitastörf en 16 ára fór hún í vist í Glaumbæ og síðan suður til Kristins föðurbróður síns og var þar einn vetur. 18 ára gömul flutti hún til Akureyrar og starfaði þar svið umönnunarstörf á sjúkrahúsinu, auk þess að vinna hjá Sambandsverksmiðjunum. Árið 1971 útskrifaðist hún sem sjúkraliði og vann m.a. á barnadeild sjúkrahússins á Akureyri og á Kristnesi. Hún var virk í starf Slysavarnarfélags Íslands.
MakiNúmi Sveinbjörn Adolfsson (f. 1938). Þau eignuðust saman fjögur börn. Þau bjuggu saman á Akureyri en slitu samvistum árið 1996.

Barði Brynjólfsson (1909-1970)

  • S02131
  • Person
  • 19. des. 1909 - 21. ágúst 1970

Foreldrar: Brynjólfur Eiríksson b. á Gilsbakka í Austurdal og k.h. Guðrún Guðnadóttir frá Villinganesi. Bjó á Akureyri. Gagnfræðingur og nam síðan í iðnskóla. Lærði húsamálun hjá Jóni Þórarinssyni Þór á Akureyri, fór síðan til Danmerkur í framhaldsnám. Starfaði síðan við húsamálun í Akureyri og nágrenni. Kvæntist Guðríði Þorsteinsdóttur hjúkrunarkonu.

Barði G. Skúlason

  • S0
  • Person
  • 1871-1965

Barði var fæddur á Reykjavöllum í Skagafirði árið 1871. Hann, ásamt fjölskyldu sinni, flutti til Vesturheims fimm ára gamall eða árið 1876. Fyrstu árin bjó fjölskyldan í Nýja-Sjálandi, en fluttu þaðan 1880 til Mountain í Norður -Dakota( Víkurbyggðar í Norður-Dakota). Barði nam lögfræði við Dakotaháskóla og útskrifaðist árið 1897. Sama ár stofnaði Barði lögfræðingafélag ásamt Skúla bróður sínum. Barði kvæntist Charlotte H. Robinson árið1896, þau eignuðust tvö börn, Dagmar og Rolfe. Barði var mikill málamaður og las átta tungumál. Hann hafði gaman af skáldskap, einnig heimspeki.
Barði var lögmaður í Oregon.

Bárður Ísleifsson (1905-2000)

  • S03444
  • Person
  • 21.10.1905-06.01.2000

Bárður Ísleifsson, f. á Akureyri 21.10.1904, d. 06.01.2000. Foreldrar: Ísleifur Oddsson og Þórfinna Bárðardóttir. Bárður varð stúdent frá Menntaskólanum í Reykjavík árið 1927, Hann lærði arkítektúr í Kaupmannahöfn frá 1928-1935. Hann hóf störf hjá húsamestarar ríkisins það ár og varð yfirarkitekt þar 1966 og starfaði svo þar til starfsloka 1975. Hann kom að teikningu og hönnun ýmissa bygginga, svo sem Landspítalans og Fjórðungssjúkrahússins á Akureyri. Einnig starfaði hann sjálfstætt að ýmsum verkefnum. Hann var stofnfélagi í Akademíska arkitektafélaginu og vann oft til verðlauna fyrir teikningar sínar. Árið 1960 hlaut hann riddarakross Hinnar íslensku fálkaorðu.
Maki: Unnur Arnórsdóttir píanókennari. Þau eignuðust fjögur börn.

Barnaskóli Sauðárkróks (1882-1998)

  • S02256
  • Organization
  • 1882 -1998

Barnaskólinn á Sauðárkróki við Aðalgötu var byggður árið 1908, en fyrsti barnaskólinn á Sauðárkróki var stofnaður og hafin í honum kennsla 3. janúar 1882. Þá var tekið í notkun nýbyggt skólahús sem var á svipuðum slóðum og Verslun Haraldar Júlíussonar er núna. Með auknum íbúafjölda varð skólahúsið brátt of lítið og var þá ráðist í byggingu hússins við Aðalgötu.

BB

Benedikt Egilsson (1922-2010)

  • S01827
  • Person
  • 12.02.1922-17.01.2010

Benedikt Egilsson fæddist á Lýtingsstöðum, Lýtingsstaðahreppi, 12. febrúar 1922. Foreldrar Benedikts voru Egill Benediktsson, bóndi á Sveinsstöðum og Jakobína Sveinsdóttir.
Benedikt giftist, 29. nóvember 1951, Sigríði Sigurjónsdóttur frá Kópareykjum í Reykholtsdal, f. 29. september 1925, d. 26. febrúar 1960 og tóku þau við búi þar, þau eignuðust sjö börn.
Sambýliskona Benedikts var Sigríður K. Jónsdóttir.

Benedikt H. Líndal (1892-1967)

  • S0
  • Person
  • (1892-1967)

Benedikt var fæddur 1892 á Efra-Núpi. Foreldrar hans voru Hjörtur Líndal Benediktsson og Pálína Ragnhildur Björnsdóttir. Benedikt var ungur við nám í Reykjavík um tíma og einn vetur í Danmörku. Eiginkona hans var Ingibjörg Guðmundsdóttir frá Svertingsstöðum. Þau eignuðust átta börn.

Benedikt Halldórsson (1868-1951)

  • S03168
  • Person
  • 21.07.1870-26.10.1951

Benedikt Dagbjartur Halldórsson, f. að Miðhúsum í Álftaneshreppi í Mýrasýslu 21.07.1870, d. 16.101.1951 á Sauðárkróki.
Foreldrar: Halldór Björnsson smiður og kona hans Margrét Sölvadóttir frá Steini á Reykjaströnd.
Benedikt ólst upp hjá foreldrum sínum og missti móður sína 17 ára gamall. Fór hann þá með föður sínum til Reykjavíkur og stundaði smíðar og sjósókn á vertíðum á Suðurnesjum. Kom svo til Skagafjarðar og vann að byggingum. Byrjaði búskap á hálfri jörðinni Keldudal 1901 á móti tengdaföður sínum og bjó þar til 1922. Varð hann þá ráðsmaður hjá systur konu sinnar Sigurlaugu í Keldudal. Þau fluttu til Sauðárkróks 1931 og keypti hann þar húsið við Skagfirðingabraut 10. Benedikt tók þátt í ýmsum félagsstörfum og sat lengi í hreppsnefnd.
Maki gift 18.05.1900): Ragnheiður Sigurðardóttir (06.12.1877-03.08.1904).
Launbarn Benedikts með bústýru sinni, Sigurlaugu Sigurðurdóttur, alsystur Ragnheiðar, var Sigurður Benediktsson, f. 03.08.1905.

Benedikt Hugmóður Sigmundsson (1865-1930)

  • S02304
  • Person
  • 26. júní 1865 - 5. júní 1930

Benedikt Hugmóður fæddist 26. júní árið 1865 á Ljótsstöðum á Höfðaströnd, Skagafirði. Faðir: Sigmundur Pálsson bóndi og verslunarstjóri á Ljótsstöðum. Móðir: Margrét Þorláksdóttir, húsmóðir á Ljótsstöðum. ,,Benedikt ólst upp hjá foreldrum sínum. Stundaði nám við búnaðarskólann á Eiðum, útskr. 1886. Var við bústörf og verslunarstörf með föður sínum. Kennari í Viðvíkurprestakalli 1891-94 og 1897-98. Reisti bú í Gröf á Höfðaströnd 1895 á móti tengdaforeldrum sínum og bjó þar til 1896. Bóndi Þúfum í Óslandshlíð 1896-98, Grafargerði 1898-99. Missti þá fyrri konu sína og brá búi. Fluttist úr héraðinu árið 1900 og fékkst eftir það við ýmis störf, aðallega verkstjórn og verslunarstörf. Var frá 1914 til æviloka kaupm. og verslunarm. í Hafnarfirði."
Fyrri kona: Ingibjörg Björnsdóttir (1875-1900). Þau áttu saman þrjú börn en einungis eitt þeirra komst á legg.
Seinni kona: Pálína Guðmunda Þórarinsdóttir (1867-1933) frá Grásíðu í Kelduhverfi.

Benedikt Jóhannsson (1871-1940)

  • S00905
  • Person
  • 10.06.1871-29.04.1940

Ólst upp í Vatnsdal. Fluttist ásamt konu sinni, Björg Helgadóttur frá Holtastöðum í Langadal, til Sauðárkróks árið 1900. Benedikt vann margskonar störf bæði á sjó og landi, alllengi að verslunarstörfum. Veitti í allmörg ár forstöðu í versluninni Bræðrabúð en það var útibú frá verslun Kristjáns Gíslasonar. Ullarmatsmaður var hann í mörg ár. Hann var einn af stofnendum sjúkrasamlags Sauðárkróks og lengi í stjórn þess. Og síðast en ekki síst var hann mikill baráttumaður fyrir bættri meðferð á skepnum og var einn af aðalhvatamönnum þess að ferðamannahesthús var reist á Sauðárkróki. Síðast búsettur í Vestmannaeyjum. Benedikt og Björg eignuðust fjögur börn.

Benedikt Jónsson (1863-1938)

  • S02014
  • Person
  • 1. mars 1863 - 4. ágúst 1938

Foreldrar Benedikts voru Jón Benediktsson bóndi á Hólum og Sigríður Halldórsdóttir prófasts á Sauðanesi í Þingeyjarþingi, Björnssonar. Benedikt ólst upp hjá foreldrum sínum og naut þeirrar menntunar er þá gerðist og veitt var "betri manna börnum". Hafði Benedikt prófastur afi hans, gefið sonarsyni sínum Hóla með Hofi eftir sinn dag, en hann andaðist 28. apríl 1868. Um 1880 var fjárhagur Jóns, föður Benedikts þröngur og var það samkomulag þeirra að bjóða Hólaeignina til sölu. Í þann tíma var áhugi fyrir að stofna búnaðarskóla á Norðurlandi. Varð það úr að Skagafjarðarsýsla keypti Hóla með Hofi á 13. þúsund krónur. Hugðist Benedikt nú leita sér frekara náms en hann hafði áður notið. Varð hann lærlingur hjá sr. Árna Þorsteinssyni presti á Ríp árið 1882 til að nema tungumál. Þótti hann fremur laus í ráði og hafði hann meiri áhuga á konuefni sínu, Þorbjörgu Árnadóttur frá Stokkhólma. Voru þau í húsmennsku á Syðri Brekkum 1883, en töldust þó hafa jarðarhluta á móti Sigtryggi bónda Jónatanssyni. Fluttust svo að Hofi í Hjaltadal og voru þar í sambýli við föður Benedikts 1884-1886. Brugðu þá búi og fluttust til Sauðárkróks. Var fjárhagur þá þröngur og Benedikt lítt vanur kaupstaðavinnu. Lauk verunni þar með hjónaskilnaði. Fór hann með eldri dóttur þeirra 1887 til Vesturheims, en hún réðst í vistir með yngri dótturina. Benedikt var síðar allvíða í Kanada og Norður Dakota og hafði litla staðfestu til langdvalar á sama stað en dvaldist síðast í Riverton, hann drukknaði þar í Íslendingafljóti. Benedikt og Þorbjörg eignuðust tvær dætur.
Seinni kona Benedikts, kvænt í Vesturheimi, var Kristín Baldvinsdóttir frá Skeggjastöðum í N-Múlasýslu, þau eignuðust fjögur börn.

Benedikt Jónsson (1880-1958)

  • S00984
  • Person
  • 25. nóv. 1880 - 27. des. 1958

Verkamaður á Sauðárkróki, vinnumaður hjá K.G.

Benedikt Kráksson (1833-1845)

  • S01721
  • Person
  • 1833 - 27. feb. 1845

Benedikt var sonur Kráks Jónssonar (1796-1868). Ekki alveg ljóst hver er móðir barnsins, líklega er það annað hvort Helga Þórðardóttir (1794 - eftir 1855) eða Guðfinna Einarsdóttir (1811-eftir 1870). Benedikt er skráður sem tökubarn á Barkarstöðum, A-Húnavatnssýslu í manntalinu 1835, þá 2 ára. Í manntalinu 1840 er hann skráður til heimilis hjá föður sínum í Steinárgerði, A-Húnavatnssýslu.

Benedikt Pétursson (1892-1964)

  • S00997
  • Person
  • 12.11.1892-11.09.1964

Foreldrar: Pétur Gunnarsson og Guðrún Þorvaldsdóttir. Benedikt fluttist með foreldrum sínum að Vatnsskarði 1899 og átti þar heimili uppfrá því, fyrst í umsjá foreldra sinna og síðar bóndi þar 1918-1964, síðast í félagi við Benedikt son sinn. Benedikt bjó með Kristínu systur sinni til 1938 er hann kvæntist Margréti Benediktsdóttur, en hjónaband þeirra var skammvinnt, Margrét andaðist eftir fjögurra ára sambúð. Þá tók Kristín aftur við ráðskonustöðu hjá Benedikt og bjó með honum til hans síðasta. Tvo vetur var Benedikt við nám í Flensborgarskóla. Benedikt var lengi í hreppsnefnd Seyluhrepps, í stjórn Búnaðarfélags Seyluhrepps og í sóknarnefnd Víðmýrarsóknar. Benedikt var mikill hestamaður og átti gott hrossakyn. Benedikt og Margrét eignuðust tvo syni saman, fyrir átti Benedikt eina dóttur.

Benedikt Sigurðsson

  • Person
  • 1918-2014

Benedikt var fæddur á Hofteigi í Jökulsdalshreppi. Foreldrar hans voru Ólöf Vilhelmína og Sigurður Ágúst Benediktsson. Eiginkona hans var Hólmfríður Magnúsdóttir og eignuðust þau tvær dætur, Ólöfu og Elínu Vigdísi.
Benedikt stundaði nám við Alþýðuskólann á Eiðum og Den Internationale Höjskole í Helsingör, Danmörku. Kennaraprófi lauk hann í Reykjavík 1943 og starfaði sem barnakennari á Siglufirði frá 1944. Þau hjón fluttu til Akraness árið 1990.
Bendidikt sat í bæjarstjórn 1962-1974 og stundaði ýmis störf fyrir félög og stofnanir á Siglufirði. Hann skrifaði fjölda greina í blöð og tímarit, var ritstjóri Mjölnis um árabil, einnig skrifaði Benedikt sögu vekalýðsfélaganna á Siglufirði - Brauðstrit og og barátta -svo eitthvað sé nefnt.

Benedikt Sigurðsson (1865-1943)

  • S00999
  • Person
  • 12.11.1865-12.12.1943

Foreldrar: Sigurður Benediktsson b. og söðlasmiður og k.h. Margrét Valgerður Klemensdóttir. Benedikt var fæddur á Stóra-Vatnsskarði en fjögurra ára gamall flutti hann með foreldrum sínum að Auðólfsstöðum í Langadal þar sem þau bjuggu til 1874 er þau fluttu að Botnastöðum. Benedikt lærði söðlasmíði af föður sínum og stundaði þá iðn frá barnæsku til efri ára. Benedikt færði bú sitt að Fjalli í Sæmundarhlíð árið 1887 og stóð móðir hans fyrir búi hjá honum þar til hann kvæntist árið 1906, Sigurlaugu Sigurðardóttur frá Stóra-Vatnsskarði. Benedikt lærði ungur að leika á orgel og kenndi fjölda manns bæði söng og orgelleik. Eins tók hann virkan þátt í félagslífi sveitar sinnar, sat í hreppsnefnd í 30 ár, í skattanefnd, sóknarnefndarformaður lengi og safnaðarfulltrúi. Þá sat hann í stjórn Lestrarfélags Seyluhrepps og Búnaðarfélags Seyluhrepps. Benedikt var um árabil organisti við Víðimýrar- og Glaumbæjarkirkju og einn af stofnendum Bændakórsins 1917.
Benedikt og Sigurlaug eignuðust þrjú börn. Benedikt og móðir hans, síðar Benedikt og Sigurlaug, tóku allavega sjö börn í varanlegt fóstur.

Benedikt Sigurjónsson (1916-1986)

  • S00046
  • Person
  • 24. apríl 1916 - 16. okt. 1986

Var á Skefilsstöðum 1930. Hæstaréttardómari og forseti hæstaréttar um tíma. Síðast búsettur í Reykjavík.

Benedikt Sölvason (1848-1913)

  • S02731
  • Person
  • 15. okt. 1848 - 22. júní 1913

Foreldrar: Sölvi Guðmundsson, f. 1806 og María Þorsteinsdóttir, f. 1808. Benedikt missti móður sína í bernsku og faðir hans brá þá búi. Eftir það var hann aðallega hjá Guðmundi elsta bróður sínum sem var bóndi á Skarðsá og víðar. Bóndi á Fagranesi 1878-1883, Ingveldarstöðum 1884-1913. Sat lengi í hrepppsnefnd Sauðárhrepps hins forna og óslitið í hreppsnefnd Skarðshrepps til æviloka, eftir að Sauðárhreppi var skipt. Oddviti Sauðárhrepps 1880-1883, 1886-1889 og 1895-1907. Oddviti Skarðshrepps 1907-1913.
Maki: Málfríður Jónsdóttir frá Dæli í Sæmundarhlíð, f. 13.02.1853. Þau eignuðust einn son.

Benedikt Steingrímsson (1926-1995)

  • S00906
  • Person
  • 14.07.1926-01.07.1995

Foreldrar hans voru Steingrímur Benediktsson skólastjóri á Sauðárkróki og Hallfríður Ingibjörg Kristjánsdóttir húsmóðir, fædd á Ytri-Másstöðum í Svarfaðardal. Benedikt ólst fyrst upp á Sauðárkróki og síðan í Vestmannaeyjum.

Benedikt Sveinsson (1885-1927)

  • S01452
  • Person
  • 8. sept. 1885 - 4. júlí 1927

Sonur Sveins Sigvaldasonar b. á Steini á Reykjaströnd o.v., síðast á Sauðárkróki og f.k.h. Ingibjargar Hannesdóttur. Benedikt ólst upp á Sauðárkróki þar sem foreldrar hans bjuggu lengst af í Árbæ. Verkamaður í Reykjavík, ókvæntur en var heitbundinn Unu Pétursdóttur frá Sauðárkróki þegar hann lést. Átti einn son með austfirskri konu.

Benedikt Þorkelsson (1850-1931)

  • S03165
  • Person
  • 15.02.1850-26.09.1931

Benedikt Þorkelsson, f. á Bægisá í Fnjóksadal 15.02.1850, d. 26.09.1931. Foreldrar: Þorkell Hallsson bóndi á Meyjarhóli á Svalbarðsströnd og kona hans Ásgerður Jónsdóttir frá Grímsgerði í Fnjóskadal.
Benedikt stundaði nám í Alþýðuskóla Guðmundar Hjaltasonar á Akureyri 1884-1885. Hóf barnakennslu 1880 og kenndi í um 30 ára, m.a. í Fljótum. Hann var hagmæltur mjög. Heimilisfastur á Kvíabekk í Ólafsfirði mörg síðustu árin. Ókvæntur og barnlaus.

Benedikt Þorsteinsson (1862-1933)

  • S01209
  • Person
  • 10.09.1862-03.08.1933

Foreldrar: Þorsteinn Bjarnason b. og hreppstjóri í Litlu-Gröf og 1.k.h. María Jóhannsdóttir. Benedikt ólst upp hjá foreldrum sínum. Bóndi í Birkihlíð 1888-1895, Kimbastöðum 1895-1909, Gili 1909-1920. Fór þá að Birkihlíð aftur og bjó þar á parti af jörðinni á móti syni sínum á árunum 1922-1928. Benedikt átti um skeið sæti í hreppsnefnd Skarðshrepps og var lengi gangnaforingi í Úthnjúkum í Staðarfjöllum. Benedikt var tvíkvæntur, fyrri kona hans var Guðrún Magnúsdóttir frá Birkihlíð, þau voru barnlaus, Guðrún lést aðeins 24 ára gömul. Seinni kona hans var Sigurborg Jóhannesdóttir f. á Hvalnesi, þau eignuðust fimm börn.

Benedikt Vigfússon (1797-1868)

  • S01723
  • Person
  • 10. okt. 1797 - 28. apríl 1868

Var í Garði, Garðssókn, Þing. 1801. Prestur á Hólum í Hjaltadal, Skag. 1827-1861. Var þar 1845. Prófastur í Skagafjarðarprófastsdæmi 1835-1841.

Benedikt Waage (1889-1966)

  • S03087
  • Person
  • 14. júní 1889 - 8. nóv. 1966

Fæddur og uppalinn í Reykjavík. Benedikt lauk prófi frá Verzlunarskóla Íslands. Stórkaupmaður og forseti ÍSÍ. Benedikt var mikill íþróttamaður og var m.a. fyrstur manna til þess að synda frá Viðey til lands á innan við tveimur tímum. Maki: Elísabet Einarsdóttir, þau eignuðust þrjú börn saman, fyrir átti Benedikt einn son. Þau skildu árið 1932.

Results 426 to 510 of 6066