Í safninu eru 35 fundagerðabækur sem ná yfir alla starfsemi Verkamannafélagsins Fram frá stofnun þess 1915 fram að sameiningu þess og Verkakvennafélagins Öldunnar árið 1999. Alls eru bækurnar 35, elstu bækurnar eru í ágætu ásigkomulagi og þær yngri eru það sömuleiðis og hafa sumar þeirra hafa jafnvel verið lítið notaðar. Í verkamannafélaginu voru fundagerðabækur fyrir stjórn og trúnaðarmannaráð félagsins, aðalfundi, samninganefndar, ekknasjóð, hjálpar- og sjúkrasjóðs, úthlutunarnefndar, orlofssjóð, kjörstjórnar og vegna Sæmundargötu 7a (Ströndin hf.). Í flestum bókunum eru persónugreinanlegar upplýsingar er varða bótaúthlutun frá verkamannafélaginu. Skipulag safnsins var látið halda sér eins og það birtist í safni í ártalaröð og nánast í upprunalegum örkum en skráning leiðrétt í nokkrum tilvikum.
Allt safnið er vel læsilegt og að mestu ágætlega varðveitt.