Fædd í Fiskinesi. Var á Drangsnesi X, Kaldrananessókn, Strand. 1930. Var í Akurgerði, Höfðahr., A-Hún. 1957. Starfaði lengst af við saumaskap. Bús. á Skagaströnd og síðar í Kópavogi.

Foreldrar: Vagn Eiríksson b. í Miðhúsum í Blönduhlíð og k.h. Þrúður Jónsdóttir. Faðir hennar lést þegar hún var aðeins fimm ára gömul, móðir hennar bjó áfram í Miðhúsum með börnin í tvö ár en var eftir það í húsmennsku. Kvæntist Kristjáni R. Gíslasyni frá Grundarkoti í Blönduhlíð, þau bjuggu á Minni-Ökrum frá 1914-1927 er þau fóru í húsmennsku að Bjarnastöðum í Blönduhlíð. Voru svo í húsmennsku á Bakka í Vallhólmi og á Hjaltastöðum. Fluttu til Sauðárkróks árið 1930. Eftir að þau hættu búskap á Minni-Ökrum var Aðalbjörg ráðskona í vegavinnu hjá Rögnvaldi Jónssyni frá Kotum. Árið 1945 fluttu þau til Reykjavíkur, þau eignuðust sex börn.

Sagnfræðingur og skjalavörður á Þjóðskjalasafni Íslands. Dr. phil. frá Háskóla Íslands. Var á Finnsstöðum, Ljósavatnssókn, S-Þing. 1930.

Skrifstofustarfsmaður á Sauðárkróki. Síðar bús. í Reykjavík og á Siglufirði.

Frá Brekkukoti í Blönduhlíð. Var á Bræðraborgarstíg 14, Reykjavík 1930. Verkakona í Reykjavík 1945. Síðast bús. í Reykjavík.

Sonur Frank Michelsen úrsmíðameistara á Sauðárkróki og Guðrúnar Pálsdóttur. Starfaði sem bifvélameistari, síðast búsettur í Reykjavík.

Adolf Ingimar Björnsson, f. í Vestmannaeyjum 28.02.1916, d. 03.02.1976. Foreldrar: Björn Erlendsson, formaður og Stefanía Jóhannsdóttir, húsmóðir. Adolf lauk prófi frá Iðnskólanum í Reykjavík árið 1937. Hann tók sveinsprófið í rafvirkjun 1939 og varð löggiltur rafvirkjameistari árið 1945. „Háspennupróf tók hann árið 1949 og féll leyfisbréf til háspennuvirkjunar sama ár. Á árunum 1938—1949 starfaði Adolf sem rafvirkjasveinn og meistari í Reykjavik, og m.a. á þeim árum var hann um skeið við framkvæmdir við Skeiðsfossvirkjun í Fljótum og á Siglufirði. 15. mars 1949 réði hann sig sem rafveitustjóra til Rafv. Sauðárkróks og starfaði sem slíkur til dauðadags. Samhliða því var hafði Adolf eftirlit með raflögnum í Skagafjarðarsýslu frá 1950 til 1959. Adolf var mikill áhugamaður um eflingu iðnfyrirtækja í Skagafirði og var mikill baráttumaður fyrir vatnsvirkjunum á Norðurlandi vestra. Adolf var mjög virkur í félagsstarfi ýmis konar. Til dæmir var Adolf ritari í Félagi ísl. rafvirkja 1944 til 1945. Formaður iðnaðarmannafélags Sauðárkróks 1952 til 1968. Þá var hann formaður stjórnar félagsheimilisins Bifrastar á Sauðárkróki 1953-1958, í stjórn Sambandi íslenskra rafveitna 1960, 1962, 1974 til 1976. Adolf tók virkan þátt í starfi Rotary og Frímúrarareglunnar á Íslandi."
Þann 28. febrúar 1947, kvæntist Adolf Stefáníu Önnu Frimannsdóttur, frá Austara-Hóli i Fljótum. Þeim var ekki barna auðið en Stefanía átti fyrir einn son sem Adolf gekk í föðurstað.

Búfræðingur, kennari, ráðunautur og yfirmatsmaður. Stofnaði Bændaferðir. Var á Grettisgötu 53 b, Reykjavík 1930.

Vélstjóri og eldsmiður, síðast bús. á Seltjarnarnesi.

Foreldrar: Magnús Einar Jóhannsson, f. 1874, læknir á Hofsósi og Rannveig Tómasdóttir. Maki: Anna G. Laxdal, f. 1922, d. 1999. Þau eignuðust 6 börn. Bjuggu allan sinn búskap í Reykjavík.

Fæddur í Reykjavík. Skáld, rithöfundur og bókavörður hjá Landsbókasafninu, síðast bús. í Reykjavík.

Agnar var fæddur í Varmahlíð í Skagafirði 29. júní 1937. Foreldrar hans voru Vigfús Helgason frá Hóli í Hörðudal og kona hans var Elín Helga Helgadóttir frá Núpum í Fljótshverfi. Agnar fór ungur í Hólaskóla og lauk þaðan búfræðiprófi tæpra 17 ára vorið 1954. Sumarið 1965 hóf hann störf hjá Ræktunarsambandi Skagfirðinga, fyrst mörg ár á jarðýtu, síðar lengi á skurðgröfu, allt til ársins 1987. Agnar var ókvæntur og barnlaus, síðast búsettur í Reykjavík.

Ágúst Hörður Helgason fæddist á Sauðárkróki 13. febrúar 1927. Foreldrar Harðar voru Helgi Ólafsson kennari á Sauðárkróki og Akureyri, síðar búsettur í Reykjavík, og Valý Þ.Á. Ágústsdóttir. ,,Hörður útskrifaðist sem stúdent frá Menntaskólanum á Akureyri 1946. Nám í læknisfræði við Háskóla Íslands 1946-1953, cand. Med. þaðan 1953. Námskandidat á Herrick Memorial Hospital í Berkeley í Kaliforníu 1954-1955; aðstoðarlæknir á John Hopkins Hospital í Baltimore 1955-1956 og á Baltimore City Hospital 1956-1959. Sérnám á meinafræðideild sama sjúkrahúss 1959-1961 og á Union Memorial Hospital í Baltimore 1961-1963. Almennt lækningaleyfi og viðurkenning sem sérfræðingur í fæðingarhjálp og kvensjúkdómum 1959. Amerískt læknapróf í Maryland 1961 og í Texas 1967. Viðurkenndur sérfræðingur í meinafræði í Bandaríkjunum 1963. Lauk sérfræðiprófi í húðsjúkdómameinafræði (dermatopathology) 1981, viðurkennt af American Board of Dermatology og American Board of Pathology. Námskeið í kjarnlæknisfræði við U.S. Naval Medical School í Bethesda í Maryland 1964. Starfsferill: Héraðslæknir í Súðavíkurhéraði 1953, aðstoðarlæknir við Union Memorial Hospital 1963-1965. Fyrsti aðstoðarlæknir við Veterans Administration Hospital í Houston, Texas við rannsóknir á lungnasjúkdómum 1965-1969. Sérfræðingur í meinafræði við Memorial Hospital System frá 1969. Aðstoðarprófessor í meinafræði við Baylor University College of Medicine í Houston 1965-1969 og aðstoðarprófessor í klínískri meinafræði við sama skóla frá 1969. Forstöðumaður School of Medical Technology við Memorial Hospital System 1973-1977 og forstöðumaður líffærameinafræðideildar sömu stofnunar frá 1977."
Maki I: 1957, Kristín Björnsdóttir Axfjörð, þau skildu.
Maki II: 1959, Marjorie Joyce ljósmóðir og hjúkrunarfræðingur, þau eignuðust þrjár dætur.

Var í Reykjavík 1910. Myndskeri í Reykjavík 1945.

Húsfreyja í Reykjavík. Mikil íþróttakona, keppti á Ólympíuleikum í sundi og varð síðar margfaldur Íslandsmeistari í keilu.

Var í Kjós, Árnesssókn, Strand. 1930. Talsímakona á Borðeyri, síðast bús. í Reykjavík og starfaði þar við langlínumiðstöðina og bæjarsímann.

Foreldrar: Þorbjörg Pálmadóttir Möller og Jóhann Georg Möller, kaupmaður á Hvammstanga, síðar verslunarstjóri á Sauðárkróki. Leikkona í Reykjavík. Maki: Þórarinn Kristjánsson.

Húsbóndi í Reykjavík 1910. Kaupmaður í Reykjavík.

Andrés H. Valberg fæddist á Syðri-Mælifellsá í Skagafirði 15. október 1919. Foreldrar hans voru Hallgrímur A. Valberg frá Reykjavöllum, bóndi á Mælifellsá og Kálfárdal, bjó síðast á Sauðárkróki, og Indíana Sveinsdóttir frá Mælifellsá. ,,Andrés var alinn upp á Mælifellsá hjá foreldrum sínum fyrstu þrjú árin, flutti þaðan í Kálfárdal í Gönguskörðum, bjó þar til 1931 og á Sauðárkróki til ársins 1946. Hann gekk í farskóla og í barna- og unglingaskólann á Sauðárkróki. Á efri árum þreytti hann próf frá Leiðsögumannaskólanum í Reykjavík. Hann var virkur í skátafélaginu Andvara á Sauðárkróki og stundaði ýmsar íþróttir. Á Sauðárkróki stundaði Andrés ýmsa vinnu, var sjómaður, loðdýrabóndi og verkamaður. Eftir að hann flutti til Reykjavíkur, 1946, tók hann meirapróf bifreiðastjóra og var leigubílstjóri um nokkurra ára skeið. Andrés vann lengst af við járn- og trésmíðar á eigin verkstæði. Hann var kunnur hagyrðingur og var virkur í kvæðamannafélaginu Iðunni frá árinu 1957 og var heiðursfélagi þar. Oft var hann fenginn til þess að skemmta fólki með kveðskap sínum. Hann var afkastamikill safnari. Stærst safna hans eru forngripa- og fornbókasafn og náttúrugripasafn. Þessi söfn hefur hann gefið Byggðasöfnunum á Skógum og á Sauðárkróki og í Varmahlíðarskóla í Skagafirði. Á síðari árum stundaði Andrés ritstörf og átti hann í fórum sínum nokkur handrit, heimildir um horfinn tíma; vinnuhætti, mannlýsingar vísur og ljóð. Hann setti upp tvær náttúrugripasýningar. Rit eftir Andrés, sem komið hafa út: Stuðlastrengir, 1949, 1960, 1970. Hreyfilsljóð, 1953. 100 skagfirskar hringhendur, 1983. 100 dýrtrímaðar lausavísur, 1994. Þorbergur frá Sauðá, í Skagfirðingabók, 1998. Skagfirðingur skýr og hreinn, æviminningar, 2000."
Andrés kvæntist 1951 Jóhönnu Þuríði Jónsdóttur frá Fagurhólsmýri, þau eignuðust þrjú börn, fyrir átti Andrés son.

Fædd í Reykjavík. Bjó á Sauðárkóki með foreldrum og fluttist með þeim suður. Leikskólakennari.

Ljósmyndari og húsfreyja á Eskifirði. Húsfreyja í Bergstaðastræti 54, Reykjavík 1930. Móðir: Berte Torgeirsdatter Klausen.

Anna Dóra er fædd og uppalin á Dalvík. Hún lauk kennaraprófi og MA í sagnfræði. Býr í Reykajavík.

Anna Guðmundsdóttir, f. 03.06.1916 í Hvarfsdal í Dölum. Foreldrar: Guðmundur Ari Gíslason Kaldbak, f. 1880, bóndi í Steinholti í Staðarhreppi og kona hans Sigríður Helga Gísladóttir, f. 1891. Anna ólst upp hjá foreldrum sínum fyrstu árin, en þau bjuggu þá í Dölum og Snæfellssýslu. Þau fluttu svo til Skagafjarðar og fór Anna fljótlega eftir það í fóstur til Jóns Sigurðssonar og Sigrúnar Pálmadóttur á Reynistað og ólst þar upp frá sex ára aldri. Hún flutti til Siglufjarðar 1933 og var þar í eitt ár. Fór þá til Reykjavíkur. Húsmóðir og starfsmaður við matreiðslu í Hafnarhúsinu í 16 ár. Síðar lengi við Laugarnesskóla og loks forstöðumaður Athvarfsins þar. Maki: Einar Sigurjón Magnússon, bifreiðastjóri hjá Hreyfli, f. 14.10.1906. Þau eignuðust fjögur börn en ólu auk þess upp dóttur Einars frá fyrra hjónabandi.

Anna Guðrún Pálsdóttir (Guðrún Anna Pálsdóttir, skv. Íslendingabók) f. 16.08.1882, d. 24.09.1959. Foreldrar: sr. Páll Sigurðsson prestur, síðast í Gaulverjabæ (1839-1887), og kona hans Margrét Andrea Þórðardóttir (1841-1938).
Maki: Sigurður Sigurðsson (1879-1939), skáld og lyfsali. Þau eignuðust eina dóttur sem lést á þritugsaldri. Þau bjuggu í Arnarholti í Vestmannaeyjum (áður nefnt Stakkahlíð) þar sem Apótekið var í áratugi. Anna tók virkan þátt í félagslífi í Eyjum og var píanóleikari. Vegna lélegs heilsufars Sigurðar varð hann að hætta störfum og fluttist fjölskyldan til Reykjavíkur í byrjun fjórða áratugarins.

Var í Reykjavík. Húsfreyja á Höfða í Skutulsfirði. Maki: Kristmundur Jónsson bóndi þar.

Foreldrar hennar voru Jón Sigurðsson vélfræðingur og útgerðarmaður í Hrísey og k.h. Sóley Jóhannesdóttir. Anna stundaði nám við Verslunarskólann í Reykjavík á unglingsárum. Hún giftist Torfa Hjartarsyni sýslumanni á Ísafirði, síðar tollstjóra í Reykjavík, þau eignuðust fimm börn.

Var á Laufásvegi 47, Reykjavík 1930. Hjúkrunarkona í Reykjavík, síðast bús. þar.

Dóttir Kristjáns Möller veitingamanns í Reykjavík og Sigríðar Magnúsdóttur. Fyrri maður Önnu var Jósef Gottfreð Blöndal verslunarstjóri í Grafarósi og áttu þau saman þrjú börn. Jósef Blöndal lést 1880. Í september 1885 giftist Anna Jean Valgard Claessen kaupmanni á Sauðárkróki. Saman eignuðust þau fjögur börn, tvö þeirra komust á legg. Fyrir átti Jean Valgard fjögur börn með Kristínu Eggertsdóttur Briem, Anna gekk þeim í móðurstað.

Anna er fædd í Reykjavík árið 1955, dóttir hjónanna Jónínu Tryggvadóttur Kvaran og Ólafs Kristjánssonar. Hún er tónlistarkennari. Gift Pálma Gunnarssyni tónlistarmanni. Þau eiga tvær dætur.

Foreldrar: Ólafur Sveinsson Björnsson og Þórunn Árnadóttir.

Hjúkrunarfræðingur og þýðandi í Reykjavík. Hún þýddi meðal annars bókinni Listin að lifa með kransæðasjúkdóm og hefur ritað greinar, s.s. um Baldur Hafstað í afmælisriti tileinkuðu honum.

Var á Akureyri 1930. Sjálfstæður atvinnurekandi, dagskrárgerðarkona og ljóðskáld í Reykjavík.
Anna Snorradóttir (Sigfússonar frá Dalvík), Reykjavík. Faðir hennar var ættaður frá Brekku í Svarfaðardal. Hann var námsstjóri á Akureyri.

Anna Sigurbjörg Jóhannsdóttir fæddist 5. febrúar 1927 á Skriðulandi í Kolbeinsdal í Skagafirði. Foreldrar Önnu voru Jóhann Jóhannsson og Guðrún Sigmundsdóttir. Maður hennar var Ásgeir Sæmundsson (1923-2007), rafmagnstæknifræðingur, þau voru búsett í Reykjavík og eignuðust sex börn.

„Anna Sigurlaug ólst upp á Sauðárkróki og gekk þar í barnaskóla og síðar gagnfræðaskóla. Um tvítugt flutti hún til Reykjavíkur og vann þar í skóversluninni Torginu í Austurstræti. Í Reykjavík kynntist Anna Sigurlaug Erni, en þegar hann lauk námi í vélskólanum fluttu þau austur á Breiðdalsvík. Þar bjuggu þau í um tvö ár og fluttu þá á Stöðvarfjörð þar sem þau hafa búið síðan.
Anna vann ýmis störf, bæði við afgreiðslu, í fiskvinnslu, á skrifstofu, í leikskóla og síðast í álverinu á Reyðarfirði. Hún var formaður verkalýðsfélagsins á Stöðvarfirði um tíma og tók að auki að sér ýmis trúnaðarstörf og var virkur félagi í Rauða krossi Íslands. Hún hafði mikinn áhuga á söng og hannyrðum og stundaði þau áhugamál af miklum krafti, söng m.a. í Kirkjukór Heydala- og Stöðvarfjarðarkirkju og tók þátt í stofnun Salthúsmarkaðarins á Stöðvarfirði, sem selur ferðafólki hannyrðavörur á sumrin.“ mbl.is

Foreldrar: Sveinn Eiríksson b. á Skatastöðum og k.h. Þorbjörg Bjarnadóttir. Anna fór fimm ára gömul í fóstur að Bústöðum í Austurdal. Ung stúlka fór hún í kaupavinnu austur að Eiríksstöðum á Jökuldal þar sem hún kynntist mannsefni sínu, Sigurjóni Jónssyni presti. Þau bjuggu að Barði í Fljótum 1917-1920 og í Kirkjubæ í Hróarstungu 1920-1945 er þau slitu samvistum. Það sama ár flutti Anna til Akureyrar ásamt yngstu börnum sínum. Síðast búsett í Reykjavík. Anna og Sigurjón eignuðust sex börn.

Sálfræðingur í Reykjavík. Dóttir Valdimars Jóhannssonar bókaútgefanda í Iðunni.

Anton Ingimarsson fæddist á Sauðárkróki 11. ágúst 1959. Foreldrar hans eru Ingimar Antonsson og Gíslína Kristín Helgadóttir. ,,Anton ólst upp hjá foreldrum sínum og systkinum á Sauðárkróki. Hann nam vélvirkjun og starfaði í því fagi framan af. Lengst af starfsævinni vann hann hjá ÁTVR, fyrst á Sauðárkróki, þá í Reykjavík sem verslunarstjóri í Austurstræti og Kringlunni og loks sem verslunarstjóri á Akureyri og svæðisstjóri vínbúða á Norðurlandi."
Sambýliskona 1: Ólöf Ása Þorbergsdóttir, þau eignuðust eina dóttur, þau slitu samvistum.
Maki 2: Ólöf Pálína Úlfarsdóttir, þau eignuðust einn son, þau skildu.

Ari var fæddur á Flugumýri 1813. Faðir: Ari Arason (1763-1840) fjórðungslæknir. Móðir: Sesselja Vigfúsdóttir húsfreyja.
Ari ólst upp hjá foreldrum sínum og hlaut "betri manna" menntun fyrir fermingu. Eftir fermingu var honum komið til náms hjá Pétri prófasti Péturssyni á Víðivöllum. Útskrifaðist stúdent úr heimaskóla sumarið 1831 hjá Gunnlaugi Oddssyni dómkirkjupresti í Reykjavík. Fór til Kaupmannahafnar sama sumar til náms í Háskólanum. Hóf þar nám í tannlækningum. Kom heim aftur 1833 en fór aftur utan sama ár og tók þá að lesa læknisfræði. Lauk þar ekki fullnaðarprófum til embættis. Faðir hans aldraður og heilsuveill kallaði hann heim til að aðstoða sig við búreksturinn. Faðir hans lést 1840 og veitti Ari búi móður sinnar forstöðu þar til hún andaðist árið 1843. Það haust fór Ari til Reykjavíkur og dvaldi þar við ýmis störf um veturinn, meðal annars lagði hann stund á orgelleik og söng hjá Pétri Guðjónsen orgelleikara. Ari er skráður húsmaður á Flugumýri 1844 en tók jörðina til ábúðar 1845 og bjó þar til æviloka. Rak þar stórbú.
Eiginkona: Helga Þorvaldsdóttir (1816-1894).
Saman áttu þau 11 börn. Fjögur þeirra komust á legg.

Ari Þorvaldsson Árason, f. 18.03.1892, d. 15.07.1967. Foreldrar: Þorvaldur Ari Arason (1849-1926) og Anna Vigdís Steingrímsdóttir. Ari ólst upp á Víðimýri í Skagafirði.
Hann hóf störf hjá Landsbankanum 1929 og starfaði þar til starfsloka.
Maki: Karítas Jónsdóttir. Þau eignuðust tvær dætur.

Íþróttafélag í Reykjavík. Hét upphaflega Glímufélagið Ármann.

Var á Sauðárkróki 1930. Heimili: Steinsstaðir, Lýtingsstaðahr. Blaðamaður í Reykjavík.

Ljósmóðir á Hofsósi og síðar deildarstjóri á Elliheimilinu Grund, síðast bús. í Reykjavík. Var í Nesi, Barðssókn, Skag. 1930.

Húsfreyja í Reykjavík 1945. Hjúkrunarkona, síðast bús. í Reykjavík.

Bóndi og umboðsmaður í Höfðahólum á Skagaströnd, síðar í Reykjavík. Ekkill á Ásvallagötu 27, Reykjavík 1930, bjó í Reykjavík til æviloka.

Foreldrar: Sr. Árni Björnsson prófastur á Sauðárkróki og k.h. Líney Sigurjónsdóttir. Nam lækningar hér heima og í Danmörku. Héraðslæknir á Grenivík frá 1937. Stundaði einnig búskap á gömlu Grenivíkurjörðinni um tíma. Kvæntist Kristínu Loftsdóttur.

Gullsmíðameistari og kaupmaður í Reykjavík.

Var í Ólafsvík 1890. Héraðslæknir á Patreksfirði. Var í Reykjavík 1910. Héraðslæknir á Patreksfirði 1930. Eyrasókn, V-Barð. 1930.

Var í Reykjavík 1910. Málari á Vesturgötu 45, Reykjavík 1930. Verslunarmaður í Reykjavík.

Foreldrar: Guðmundur Magnús Árnason b. á Þorbjargarstöðum í Laxárdal og k.h. Kristín Árnadóttir. Árni lauk námi í rennismíði frá vélsmiðjunni Héðni árið 1951. Fluttist þá aftur til Sauðárkróks og stofnaði ásamt Ingólfi bróður sínum verkstæðið Áka við þriðja mann. Árni var síðan einn af stofnendum Skjaldar hf. á sjöunda áratugnum sem rak hraðfrystihús á Eyrinni. Kom einnig mjög að stofnun og uppbyggingu Steinullarverksmiðjunnar á Sauðárkróki og sat í stjórn hennar. Starfaði um áratugaskeið í Sjálfstæðisflokknum og gegndi þar margvíslegum trúnaðarstörfum, sat jafnframt í bæjarstjórn Sauðárkróksbæjar ýmist sem aðal- eða varamaður um 16 ára skeið.
Kvæntist Svanfríði Guðrúnu Þóroddsdóttur frá Hofsósi, þau bjuggu alla tíð á Sauðárkróki og eignuðust fjögur börn.

Árni fæddist á Sauðárkróki 12. september 1927. Foreldrar hans voru Dýrleif Árnadóttir og Guðmundur Sveinsson á Sauðárkróki. Árni tók próf frá Héraðsskólanum á Laugarvatni 1945, samvinnuskólapróf frá Samvinnuskólanum í Reykjavík 1947, íþróttakennarapróf frá Íþróttakennaraskóla Íslands 1948, kennarapróf frá Kennaraskóla Íslands 1952 og íþróttakennarapróf frá Statens Gymnastikkskole í Ósló 1954, auk þess sem hann nam við íþróttaskóla víðar á Norðurlöndum og sótti fjölmörg námskeið í faginu. Árni var skólastjóri Íþróttakennaraskóla Íslands frá 1956 og gegndi því starfi í 41 ár. Árni giftist Hjördísi Þórðardóttir og eignuðust þau einn son.

Árni G. Eylands, ráðnautur, var fæddur á Þúfum í Óslandshlíð, 8. maí 1895. Foreldrar hans voru Þóra Friðbjörnsdóttir og Guðmundur Guðmundsson. Kona Árna var Margit Larsson frá Fosstveit í Noregi. Árni varð búfræðingur frá Hólaskóla en nam síðan búfræði í Noregi og Þýskalandi; kynntist þar ýmsum nýmælum í búskap svo sem vélum og verkfærum. Árið 1921 réðist Árni til starfa hjá Búnaðarfélagi Íslands, m.a. sem þúfnabanastjóri. Síðar varð Árni verkfæraráðunautur Búnaðarfélagsins, framkvæmdastjóri búnaðardeildar SÍS, Áburðarsölu ríkisins og Grænmetisverslunar ríkisins. Þá var hann í forystu Verkfæranefndar og Vélasjóðs þar sem í hlut hans kom það að vinna að innflutningi búvéla og verkfæra, svo og prófun þeirra. Hann leiðbeindi einnig um notkun búvéla og tækni. Má segja að Árni hafi hafi komið að flestu því er varðaði þá miklu verktæknibyltingu landbúnaðarins er hófst á þriðja áratug 20. aldar. Árni skrifaði bókina Búvélar og ræktun, sem út kom árið 1950. Bókin er mikið og einstakt heimildarrit um tæknivæðingu íslensks landbúnaðar á fyrri helmingi 20. aldar, auk þess að vera kennslubók síns tíma í mótor- og búvélafræðum. Árni og Margit eignuðust tvö börn.

Fiskifræðingur í Kirkjustræti 8 , Reykjavík 1930. Fiskifræðingur. Síðast bús. á Seltjarnarnesi.

Sonur Ingibjargar Guðrúnar Árnadóttur frá Stóra-Hrauni í Kolbeinsstaðahreppi og Gunnars Guðmundssonar b. og rafvirkja á Reykjum á Reykjaströnd. Árni ólst upp hjá foreldrum sínum á Reykjum. Búfræðingur og bóndi á Reykjum á Reykjaströnd, síðar fiskmatsmaður á Sauðárkróki og fékkst við ýmis störf til sjós og lands. Hestamaður, hrossaræktandi og rithöfundur. Gegndi margvíslegum félagsstörfum. Kvæntist Elísabetu Beck Svavarsdóttur.

Árni Jóhannsson fæddist 30. janúar 1933 að Vatnsfirði við Ísafjarðardjúp. ,,Árni lauk handíðakennarapróf árið 1952 frá Handíða- og myndlistaskólanum og íþróttakennaraprófi frá Íþróttakennarskólanum á Laugarvatni árið 1954. Á þessum árum sinnti Árni ýmsum störfum auk kennslu og sjómennsku svo sem trésmíði og löggæslu. Hann var kennari við Austurbæjarskólann í Reykjavík 1956-61. Árni var til sjós frá 1961-65, m.a. með Þorsteini Gíslasyni, skipstjóra, á Guðrúnu Þorkelsdóttur. Árið 1965 stofnaði Árni byggingarfyrirtækið Brún og starfaði sem verktaki þar til eftirlaunaaldri var náð. Fyrirtæki Árna komu að uppbyggingu stórra mannvirkja í Reykjavík og á landsbyggðinni. Auk vegbrúnna í Kópavogi reisti fyrirtæki Árna brú yfir Elliðaárnar, Höfðabakkabrúna og Gullinbrú. Árni var því ósjaldan titlaður brúarsmiður." Kona Árna til þrjátíu ára var Unnbjörg Eygló Sigurjónsdóttir, þau eignuðust ekki börn saman en Árni gekk börnum hennar frá fyrra sambandi í föðurstað.

Árni Jónsson, f. í Vatnsdalshólum 1851, d. 1897 á Ásbrandsstöðum í Vopnafirði. Forledrar: Jón Jónsson bóndi og trésmiður í Vatnsdalshólum og kona hans Björg Þórðardóttir.
Árni ólst upp hjá foreldrum sínum og var fermdur frá þeim. Sama ár fór hann til Magnúsar föðurbróður síns, sem kenndi honum undir skóla og var hjá honum á Hofi á Skagaströnd 1866-1868 og á Skorrastað í Norðfirði 1868-1869. Árni var við nám í Reykjavík næstu ár og lauk þar stúdentsprófi 1875. Hann varð cand. phil. í Reykjavík 1876 og cand. med. frá Læknaskólanum 1878. Hann starfaði á fæðingarstofnun í Kaupmannahöfn 18788-187 en var skipaður héraðslæknir 1879. Sat hann á Sauðárkróki 1879-1880, á Sauðá 1880-1881, í Glæsibæ 1881-1892 og hafði jafnframt búrekstur þar 1881-1883 og 1887-1892. Árið 1892 var hann skipaður héraðslæknir í Vopnafirði.
Maki: Sigríður Jóhannesdóttir (1851-1890) Þau eignuðust 4 börn. Tvö þeirra dóu á fyrsta ári.
Maki 2: Sigurveig Ósk Friðfinnsdóttir (1865-1946). Þau eignuðust fjögur börn. Seinni maður Sigurveigar var Jón Benediktsson (1873-1946). Þau eignuðust tvö börn.

Árni var fæddur á Víkingavatni í Kelduhverfi. Hóf blaðamennsku hjá Mbl.og starfaði þar og meira og minna til dánardægurs. Hann var einnig auglýsingastjóri þar 1936-1946. Árni skrifaði fjölda bóka nátengdar landi og þjóð, einnig fjölda greina.
Ritstjóri og ritöfundur í Reykjavík, var þar 1910.

Fæddist á Akureyri. Deildarstjóri hjá Samvinnutryggingum 1965-1969, deildarstjóri hjá Brunabótafélagi Íslands 1970-1976, deildarstjóri hjá Rafmagnsveitum ríkisins frá 1978.

Tengist bréfasafni Kristmundar

Foreldrar: Árni Bjarnason Thorsteinson landfógeti í Reykjavík, f. 1839 og Soffía Kristjana Hannesdóttir Thorsteinson húsfreyja, f. 1839. Árni varð stúdent frá Lærða skólanum 1890 og Cand.phil. 1891. Las lög um hríð en lauk ekki prófi. Lærði ljósmyndum á ljósmyndastofu Charles Petersen í Kaupmannahöfn árið 1897. Rak ljósmyndastofu í Reykjavík árin 1897-1918. Var bókhaldari hjá Sjóvártryggingafélagi Íslands 1918-1929 og starfsmaður Landsbankans frá 1930. Maki: Helga Einarsdóttir Thorsteinson húsfreyja, f. 22.10.1875. Þau eignuðust 4 börn.

Arnór Sigurðsson fæddist á Ísafirði 1. mars 1919. Foreldrar Arnórs voru Sigurður Sigurðsson, sýslumaður í Skagafirði, f. í Vigur í Ísafjarðardjúpi og kona hans Guðríður Stefanía Arnórsdóttir. Arnór kvæntist árið 1943 Guðrúnu Sveinsdóttur, f. 30.3. 1922, d. 24.7. 1981. Arnór og Guðrún eignuðust tvö börn. Sýsluskrifari og verslunarmaður á Sauðárkróki. Var á Sauðárkróki 1930. Síðast bús. í Kópavogi. ,,Arnór flutti barnungur frá Reykjavík til Sauðárkróks þar sem hann bjó til ársins 1996. Hann starfaði sem sýsluskrifari á Sauðárkróki frá árinu 1941 en síðar sem yfirmaður í afgreiðslu skipadeildar hjá Kaupfélagi Skagfirðinga. Arnór var verðlagseftirlitsmaður á Norðurlandi vestra til ársins 1990. Síðustu tvö æviárin bjó hann í Fögrubrekku í Kópavogi."

Skólastjóri á Laugum og bóndi á Þverá, Hálshr., S-Þing. Varaþingmaður, rithöfundur, ritstjóri og fulltrúi á Hagstofu Íslands. Bóndi og skólastjóri í Alþýðuskólanum á Litlu-Laugum, 1930. Síðast bús. í Kópavogi. Fóstursonur: Indriði Sigurðsson, f. 22.4.1924.

Tengist bréfasafni Kristmundar.

Frá Reykjavík. Kennari og áfangastjóri við Fjölbrautarskólann á Sauðárkróki.
„Ásbjörn starfaði alla sína starfsævi við kennslu. Hann hóf kennsluferil sinn í Menntaskólanum við Sund árið 1981 en ári seinna flutti fjölskyldan til Sauðárkróks þar sem Ásbjörn fór að kenna við Fjölbrautaskólann. Við skólann starfaði Ásbjörn það sem eftir var starfsævinnar eða til ársins 2018. Frá 1986 gegndi hann störfum áfangastjóra samhliða kennslu í raungreinum.
Ásbjörn var alla tíð mikill áhugamaður um frjálsíþróttir og kom víða við á þeim vettvangi. Á unglingsaldri var hann keppnismaður fyrir ÍR. Hann sat í stjórn Frjálsíþróttasambands Íslands (FRÍ) á árunum 1997-2000 og í laganefnd sambandsins frá 2006-2017, lengst af sem formaður. Ásbjörn vann einnig mikið við dómgæslu á frjálsíþróttamótum um allt land. Ásbjörn hlaut gullmerki FRÍ fyrir störf sín árið 2016.
Ásbjörn var félagi í Oddfellowreglunni frá 1996 og einn af stofnendum stúkunnar Sifjar á Sauðárkróki árið 1997.“ Morgunblaðið

Fædd í Reykjavík, ólst upp á Seltjarnarnesi. Réði sig sem kaupakonu að Tungu, Skag, árið 1976, og kynntist þar eiginmanni sínum, Andrési Helga Helgasyni. Starfaði hjá Kaupfélagi Skagfirðinga um hríð en lengst af hjá Heilbrigðisstofnun Norðurlands við umönnun.

Ásdís fæddist í Reykjavík. Foreldrar hennar voru Steingrímur Gunnarsson og Þuríður Guðjónsdóttir. Ásdís starfaði lengi sem skrifstofumaður. Hún var sjúkraliði að mennt og starfaði við það þar til hún lauk starfsæfi sinni. Hún var gift Guðjóni Jónssyni bifreiðastjóra. Þau eignuðust þrjú börn: Sigurður 1952, Sigrún 1953, Steingrímur 1956.
Sigurður er eiginmaður Guðrúnar dóttur Kristmundar.

Síðast bús. í Reykjavík. Í sambúð frá 1966 með Jóni B. Guðmundssyni á Breið, um rúmlega áratugarskeið, að þau skildu. Átti fimm börn með Guðjóni Agli Halldórssyni.

Ásgeir Ásgeirsson fæddist árið 1894 í Kóranesi á Mýrum. Ásgeir lauk stúdentsprófi 1912 og guðfræðiprófi frá Háskóla Íslands 1915. Hann stundaði framhaldsnám við háskólana í Kaupmannahöfn og Uppsölum 1916-1917. Kjörinn heiðursdoktor við Manitobaháskóla 1961 og við Edinborgarháskóla 1967. Hann var alþingismaður fyrir Framsóknarflokkinn 1923-1934, utanflokka 1934-1937 og fyrir Alþýðuflokkinn 1937-1952. Forseti Sameinaðs þings 1930-1931 og varaforseti þess 1928-1929. Fjármálaráðherra 1931-1932 er hann varð forsætis- og fjármálaráðherra og gegndi hann því starfi til 1934. Ásgeir var biskupsritari 1915-1916, bankaritari við Landsbankann í Reykjavík 1917-1918 og kennari við Kennaraskólann 1918-1927. Fræðslumálastjóri 1926-1931 og 1934-1938. Bankastjóri Útvegsbankans í Reykjavík. Kjörinn forseti Íslands 29. júní 1952 og endurkjörinn án atkvæðagreiðslu 1956, 1960 og 1964 og lét af embætti 1968. Maki: Dóra Þórhallsdóttir, f. 23.02.1893. Þau eignuðust þrjú börn.

Ásgeir Bjarnþórsson var fæddur á Grenjum í Mýrasýslu 1. apríl 1899. Faðir hans var Bjarnþór Bjarnason. Móðir Asgeirs var Sesselja Soffía Níelsdóttir. Ásgeir ólst upp hjá foreldrum sínum á Grenjum í Mýrarsýslu og gekk þar að venjulegum bústörfum. Systkinin á Grenjum voru sjö. 10 ára flutti hann til Reykjavíkur með foreldrum sínum. Fljótlega hneigðist hugur hans til lista. Hóf hann listnám sitt hér hjá þeim Sigríði Björnsdóttur og Laufeyju Vilhjálmsdóttur og síðar hjá Ríkharði Jónssyni myndhöggvara og Ásgrími Jónssyni. "Ásgeir hélt til Danmerkur til náms i málaralist og höggmyndagerð. Var hann í Kaupmannahöfn hjá Viggo Brant og Aagaard og dvaldist í Miinchen í Þýzkalándi við nám hjá Schwegerle og Heimann.
Hann var um skeið hjá Benediktsmunkum í Clervaux-klaustri í Luxemborg og vann þar við kirkjuskreytingu undir fyrirsögn Nodka munks í því klaustri. Ásgeir lauk þessari námsdvöl sinni erlendis árið 1932 og kom þá hingað heim og hóf að mála myndir, sem hann sýndi nokkrum sinnum í listasölum hér og erlendis. Honum var unun að mála landslagsmyndir, haustliti, hraun og hríslur, en mannamyndir urðu honum ábatasamari. Náði Ásgeir mikilli leikni í þeirri listgrein og varð einn færasti portrett-málari síns tíma. Fjöldi mannamynda eftir Ásgeir prýðir nú veggi einkaheimila og opinberra stofnana og stuðlar að því að gera þá menn eftirminnilega."
Ásgeir giftist Ingeborg Lorensson frá Eistlandi, þau skildu.

Barnakennari og skólastjóri. Barnakennari í Ásgrímshúsi, Sauðanessókn, N-Þing. 1901. Stofnaði barnaskóla í Bergsstaðastræti 3, Rvk. árið 1904 og unglingaskóla 1908. Rak báða skólana til dauðadags. Húsbóndi í Reykjavík 1910.

Ljósmyndastofa í Reykjavík. „Árið 1947 opnuðu Jóhanna Sigurjónsdóttir og Ingibjörg Sigurðardóttir ljósmyndastofu í hjarta Reykjavíkur. Í fyrstu hafði Ljósmyndastofan ASIS aðsetur í Bankastræti 2 þar sem veitingastaðurinn Lækjarbrekka kom síðar. Stofan varð brátt vinsæl og vorið 1949 fluttu þær starfsemina í Búnaðarbankahúsið við Austurstræti. Hanna Brynjólfsdóttir ljósmyndari gekk til liðs við stofuna 1952 sem starfsmaður og meðeigandi. Frá 1963 til 1981 hafði stofan aðsetur að Laugavegi 13.
Donald Ingólfsson keypti stofuna árið 1979 og rak hana til 1981 að hann hætti rekstri og færði Ljósmyndasafninu hf. filmusafnið til eignar.
Filmusafn ASIS er afar umfangsmikið, áætlað um 265.000 blaðfilmur í tæplega 63 þúsund tölusettum myndatökum. Í safninu eru nær eingöngu mannamyndir teknar á ljósmyndastofu, einkum fjölskyldu-, ferminga-, brúðkaups-, skírnar- og passamyndir. Með því fylgdu einnig handskrifaðar skráningabækur með nöfnum viðskiptavina og hafa þau nöfn verið slegin inn í leitarbæran gagnagrunn.“ (Ljósmyndasafni Reykjavíkur)

Fæddist í Reykjavík. Móðir hans var Ólafía Guðmundsdóttir og faðir hans var Einar Þorkelsson, skrifstofustjóri Alþingis. Uppeldisforeldrar Áskels frá sex ára aldri voru hjónin Jón Guðmundsson, móðurbróðir hans, bóndi á Brúsastöðum í Þingvallasveit og veitingamaður á Valhöll á Þingvöllum, og k.h. Sigríður Guðnadóttir. ,,Áskell lauk gagnfræðaprófi við Flensborgarskólann í Hafnarfirði árið 1939 og síðar námi við Samvinnuskólann á Bifröst árið 1948. Að loknu námi réðst Áskell sem auglýsingastjóri við dagblaðið Tímann og starfaði þar til 1956. 1956-1958 starfaði Áskell sem fulltrúi á skrifstofu Raforkumálastjóra. Árið 1958 var Áskell ráðinn sem bæjarstjóri á Húsavík og starfaði þar til ársins 1966 þegar hann réðst sem framkvæmdastjóri Sjúkrahúss Húsavíkur. Árið 1971 var Áskell ráðinn framkvæmdastjóri Fjórðungssambands Norðlendinga (samtök sveitarfélaga á Norðurlandi) staðsett á Akureyri og starfaði þar út starfsævina eða til ársins 1993 en Fjórðungssambandið var þá lagt niður í þáverandi mynd. Áskell tók virkan þátt í félagsmálum. Eftir hann liggja ótal greinar um landsbyggðarmál ásamt ritinu Land í mótun, byggðaþróun og byggðaskipulag, sem kom út árið 1970."
Barnsmóðir: Sveinsína Jóhanna Jónsdóttir, þau eignuðust eina dóttur.
Maki 1: Þórný Þorkelsdóttir, þau eignuðust tvær dætur.
Maki 2: Áslaug Valdemarsdóttir, þau eignuðust tvö börn, fyrir átti Áslaug son.

Var á Merkigili, Miklabæjarsókn, Skag. 1920. Var í Austurstræti 19 , Reykjavík 1930. Fósturfaðir: Snorri Jóhannsson.

Frá Sauðárkróki og bjó þar lengst af. Lést á Hjúkrunarheimilinu Skjóli í Reykjavík.

Húsfreyja í Vík, Staðahr., Skagafirði og síðar forstöðukona barnaheimilisins Valhöll í Reykjavík, síðast bús. á Sauðárkróki. Var á Ásvallagötu 28, Reykjavík 1930.

Ásmundur Eiríksson fæddist að Reykjarhóli í Fljótum 2.11.1899. For.; Eiríkur Ásmundsson og Guðrún Magnúsdóttir b. á Reykjarhóli.
Ásmundur nam á Hólum en sótti svo framhaldsnám í búvísindum í Danmörku. Ásmundur giftist Þórhildi Jóhannesdóttur frá Krossdal í Kelduhverfi.
Skrifstofumaður í Yzta-Mó, Barðssókn, Skag. 1930. Ásmundur varð síðar forstöðumaður Fíladelfíusafnaðarins í Reykjavík.

Ásmundur var fæddur í Reykholti. Var í Reykjavík 1910. Prestur á Helgafelli í Helgafellssveit 1916-1919. Skólastjóri Alþýðuskólans á Eiðum um tíma. Háskólakennari á Laufásvegi 75, Reykjavík 1930. Prófessor og biskup yfir Íslandi. Síðast bús. á Akranesi.
Hann var stúdent 1908 og með próf í guðfræði 1912. Ásmundur var vígður til prests árið 1954 . Hann var vígður aðstoðarprestur í Stykkishómi 1915 og settur sóknarprestur þar 1916 . Ásmundur var skipaður skólastjóri á Eiðum og dósent við guðfræðideild H.Í. 1928 og prófessor þar til 1934. Ásmundur var forseti guðfræðideildar 1934-1935 og skipaður biskup, síðar fékk hann lausn frá embætti árið 1959, vegna aldurs. Hann var mikilvirkur fræðimaður og gengdi fjölda trúnaðarstarfa fyrir kirkjuna.

Foreldrar: Jón Sigurðsson bóndi, oddviti og sýslunefndarmaður á Skúfsstöðum og barnsmóðir hans Símonika Guðrún Þorsteinsdóttir. Ásmundur ólst upp á Skúfsstöðum. Hann fór ungur til Reykjavíkur og gerðist starfsmaður danska sendiráðsins þar, en fékkst einnig af og til við verslunarstörf og fleira. Ásmundur dvaldist síðan lengi erlendis, mest í Danmörku og Þýskalandi og kvæntist þar 1938 vel menntaðri danskri söngkonu af pólskum og þýskum ættum, Irmu Weile (Irma Jónsson). Eftir seinna stríðið fluttust þau heim til Reykjavíkur og bjuggu þar síðan. Ásmundur gaf út þrjár ljóðabækur og starfaði einnig við blaðamennsku.

Foreldrar: Jón G. Erlendsson b. á Marbæli og k.h. Anna Rögnvaldsdóttir. Ásta ólst upp hjá foreldrum sínum á Marbæli. Hún var vetrartíma á unglinganámskeiði á Hólum og tvo vetrarparta við hússtörf í Reykjavík hjá Guðrúnu Lárusdóttur. Samkvæmt Íslendingabók var Ásta námsmey á Akureyri árið 1930. Árið 1939 kvæntist hún Ólafi Jónssyni ráðunaut frá Nautabúi á Neðribyggð. Þau bjuggu á Felli í Sléttuhlíð 1938-1941 og í Stóragerði 1945-1949 er Ólafur lést. Þá flutti Ásta til Sauðárkróks með börn þeirra. Árið 1956 fluttist hún til Reykjavíkur til að skapa börnum sínum meiri möguleika til menntunar. Sonurinn Jón hafði fengið heilahimnubólgu barn að aldri, sem varð þess valdandi að hann varð heyrnarlaus. Þar sem ekki voru þá skilyrði fyrir hann til framhaldsnáms eftir Heyrnleysingjaskólann á Íslandi kom hún honum í iðnnám í Noregi, og þar settist hann að. Ásta starfaði sem matráðskona hjá Landsíma Íslands í Reykjavík. Þau Ólafur eignuðust fjögur börn.

Frá Spákonufelli

Fædd og uppalinn í Laxnesi í Mosfellsdal, dóttir Magnúsar Þorsteinssonar prests og k.h. Valgerðar Gísladóttur. Ung að árum fór hún til starfa á Hvanneyri og kynntist þar mannsefni sínu, Tómasi Jóhannssyni frá Möðruvöllum í Eyjafirði. Þau kvæntust árið 1924 og höfðu á árunum 1924-1927 jörðina Hlíð í Hjaltadal á leigu, en bjuggu þó ekki þar nema eitt sumar en höfðu húsfólk á jörðinni. Þau voru búsett á Hólum til 1929 er Tómas lést. Árið 1930 flutti Ásta með dætur sínar til móður sinnar að Svanastöðum við Mosfellsheiði, fóru síðan að Brúarlandi í Mosfellssveit. Þar starfaði Ásta við símavörslu á landssímastöðinni. Árið 1939 flutti hún til Reykjavíkur og bjó þar síðan. Í Reykjavík starfaði Ásta m.a. á Vöggustofunni að Hlíðarenda og á Hrafnistu. Ásta og Tómas eignuðust tvær dætur.
Maki 2: Páll Guðjónsson sérleyfishafi frá Stokkseyri. Þau skildu.
Maki 3: Júlíus Ágúst Jónsson bifreiðastjóri og sérleyfishafi úr Kjós.

Petrea Ástrún Jónsdóttir Sívertsen, f. á Mælifelli í Skagafirði 24.03.1915 í Reykjavík. Foreldrar: Jón Sigfússon (1892-1957) frá Mælifelli og Jórunn Hannesdóttir (1914-1978) frá Skíðastöðum.
Maki 1 (26.10.1941): Sveinn Steindórsson frá Efri-Steinsmýri í Meðallandi, garðyrkjumaður í Hveragerði. Þau eignuðust stúlku sem lést samdægurs. Þau bjuggu saman í Hveragerði. Sveinn lést í bruna á Hótel Íslandi 1944.
Maki 2: Marteinn Sívertsen húsasmíðameistari og kennari í Reykjavík. Þau eignuðust ekki börn en Marteinn átti einn son fyrir. Þau bjuggu lengst af í Litlagerði 7.

Gestur á Brú við Suðurgötu, Reykjavík 1930. Heimili: Hegranes, Skag. Húsfreyja á Akureyri. Síðast bús. í Reykjavík.

Rafeindavirkjameistari.

Ljósmyndastofa Chr. B. Eyjólfssonar (Bjarni Kristinn Eyjólfsson) í Reykjavík.

Frá Sauðárkróki. Búsett í Reykjavík.

Fædd í Reykjavík. Búsett í USA í sjö ár. Fluttist í Ölfusið 1980. Myndvefari og rithöfundur. Skólastjóri Myndlistar- og handíðaskólans.

Framkvæmdastjóri á Laufásvegi 22, Reykjavík 1930. Sýslumaður N-Múl og síðar í S-Múl., málflutningsmaður og umboðsmaður í Reykjavík. Forseti Íþróttasambands Íslands í Reykjavík. „Fékk verðlaunapening fyrir björgun manna úr sjávarháska“ segir í ÍÆ.