Bóndi í Garði í Hegranesi, Sat lengi í hreppsnefnd og var formaður sóknarnefndar um skeið. Einnig var hann prófdómari barnafræðslu eftir að hún var lögskipuð. Fyrri kona Halls var Ingibjörg Engilráð Jóhannesdóttir, þau eignuðust fjögur börn. Seinni kona Halls var Kristín Sigurðardóttir frá Skriðulandi í Kolbeinsdal, þau eignuðust engin börn.

Fæddur á Daufá, sonur Þorsteins Jónssonar b. á Daufá og Elínborgar Sigurðardóttur. Sigurður var á barnsaldri er faðir hans lést. Móðir hans var við búskap, nokkur næstu ár, á ýmsum stöðum í Lýtingsstaðahreppi og var Sigurður á hennar vegum flest þau ár. Ungur fór hann að fást við smíðar og náði nokkurri leikni í þeirri iðn og náði nokkuri leikni í þeirri iðn. Hann hóf búskap ókvæntur á hluta af Þorsteinsstöðum í Tungusveit 1894 og bjó þar eitt ár. Gerðist lausamaður og vann að smíðum. Átti heima á Uppsölum í Blönduhlíð og Keldulandi á KJálk, en flutti þaðan vorið 1897 með Sigfúsi Dagssyni, er síðar varð tengdafaðir hans að Lóni í Viðvíkursveit 1900-1903, Bakka 1903-1907, Ásgeirsbrekku 1907-1912, Bjarnastöðum í Blönduhlíð 1912-1928. Sigurður kvæntist Dagnýju Sigfúsdóttur, þau eignuðust einn son.

Gísli Guðmundsson fluttist til Sauðárkróks 1904 og hóf hótelrekstur þar, fyrst í gamla barnaskólahúsinu, sem kallaðist þá Gistihúsið Baldur (við Aðalgötu 24/22) en keypti Hótel Tindastól laust fyrir 1920 og starfrækti þar greiðasölu til 1936. Ingibjörg systir hans stóð fyrir hótelinu með honum. Faðir þeirra voru Guðmundur Gunnarsson (1830-1888), siðast bóndi á Ingveldarstöðum á Reykjaströnd. Móðir var Valgerður Ólafsdóttir (1830-1910).
Gísli var ókvæntur og barnlaus.

Faðir: Sigurður Gunnarsson (1833-1909) bóndi og hreppstjóri á Fossi á Skaga. Móðir: Sigríður Gísladóttir (1853-1936) húsfreyja á Fossi. Gunnar keypti Aðalgötu 9 (Miklibær/Dýrfinnuhús) og hafði þar greiðasölu og gistingu í húsinu. Gunnar stækkaði húsið í suður og var sú viðbygging nefnd Salurinn, veitingastofa en þessi viðbygging var rifin 1959. Gunnar var viðriðinn peningafölsunarmáli sem kom upp haustið 1914 og ritað hefur verið um í Skagfirðingabók 22 (1993). Gunnar var kvæntur Dýrfinnu Jónasdóttur frá Keldudal en hún var ekkja eftir Þórð Jónsson bónda á Auðólfsstöðum, þau skildu. Gunnar flutti til Reykjavíkur og opnaði þar verslunina Von (Laugavegur 55), 3. maí 1919 og var kallaður Gunnar í Von. Seinni kona hans var Margrét Gunnarsdóttir frá Ysta - Gili í Langadal. Þau eignuðust fimm dætur sem allar tóku drjúgan þátt í rekstri búðarinnar og einnig við rekstur búsins á Gunnarshólma. En þau Gunnar og Margrét reistu sér sumarbústað rétt utan við borgina 1928. En bústaðurinn varð að stórbýlinu Gunnarshólma sem blasir við þegar er ekið um Suðurlandsveg."

Foreldrar: Rögnvaldur Þorleifsson og Guðrún Jónsdóttir. Sigurlaug ólst upp á Lambanes-Reykjum og hóf svo búskap þar með manni sínum Jóni Gísla Gunnlaugi Halldórssyni frá Teigum í Flókadal. Þau bjuggu síðan á Berghyl, á Molastöðum og í Stóru-Brekku í Fljótum þar til þau fluttu suður, fyrst í Hafnarfjörð en síðan til Reykjavíkur. Sigurlaug og Jón eignuðust 14 börn, 10 þeirra komust til fullorðinsára.

Foreldrar: Sigfús Jónsson prestur á Mælifelli og k.h. Petrea Þorsteinsdóttir. Jón ólst upp hjá foreldrum sínum og fluttist með þeim að Mælifelli aldamótaárið 1900. Eftir fermingu fór hann til Akureyrar í Gagnfræðaskólann og stundaði þar nám í tvo vetur. Aðra tvo vetur var hann í Hólaskóla og lauk þaðan búfræðiprófi árið 1912. Að því loknu starfaði hann hjá Einari Helgasyni garðyrkjumanni í Reykjavík og kynnti sér uppeldi trjáplantna. Vann hann á búi foreldra sinna næstu tvö ár. Hann kvæntist árið Jórunni Hannesdóttur og fluttist þá aftur heim að Mælifelli og og hóf þar búskap í félagi við foreldra sína. Vorið 1915 fluttust þau hjón að Glaumbæ og bjuggu þar í tvö ár, en fluttust þá aftur heim að Mælifelli og bjuggu þar í tvö ár, en þá brugðu þau búi og fluttust til Sauðárkróks, þar sem heimili þeirra stóð upp frá því, meðan bæði lifðu. Jón hóf störf hjá Kaupfélagi Skagfirðinga og er deildaskipting var tekin upp, varð hann deildarstjóri í vefnaðarvörudeild og sinnti því starfi til lokadags. Var hann mikill samvinnumaður og um langt árabil fulltrúi á aðalfundum KS. Er ævi hans lauk, átti hann að baki lengstan starfsaldur þeirra sem hjá félaginu höfðu unnið allt frá stofnun þess árið 1889. Jón var sönghneigður, söng lengi í Karlakór Sauðárkróks og lék um skeið með Lúðrasveit Sauðárkróks, enda einn af stofnendum hennar.

Fæddur að Hléskógum í Höfðahverfi í S-Þing. ,,Ungur þurfti Trausti að treysta á mátt sinn og megin, því að móður sína missir hann átta ára og föður sinn 19. ára. Hann stundar sjómennsku frá Akureyri og Látraströnd á yngri árum, en fluttist svo til Skagafjarðar árið 1908. Var húsmennsku á Framnesi í 2 ár. Árið 1910 hóf hann búskap í Eyhildarholti í félagi við Jónas Sigurðsson frá Felli í Sæmundarhlíð. Bóndi á Ingveldarstöðum syðri á Reykjaströnd 1911-1914 og á Ingveldarstöðum ytri 1914-1921. Í janúar 1922 fór hann til Ameríku með Goðafossi. Bjó í Baldur, Man. 1922-1949. Vann á járnbrautum. Fluttist til Winnipeg 1949 og átti þar heima til lokadægurs."
Trausti kvæntist Ásu Nýbjörgu Ásgrímsdóttur frá Þóroddsstöðum í Ólafsfirði, þau eignuðust þrjú börn.

Dóttir Trausta Friðrikssonar og Ásu Nýbjargar Ásgrímsdóttur. Flutti til Vesturheims með foreldrum sínum árið 1922. Húsfreyja í Winnipeg.

Seyluhreppur var hreppur vestan Héraðsvatna í Skagafjarðarsýslu, kenndur við bæinn Stóru-Seylu á Langholti, sem var þingstaður hreppsins.

Til hreppsins töldust fjögur byggðarlög, Langholt, Vallhólmur, Víðimýrarhverfi og Skörð, en einnig Fjall, Geldingaholt og Húsabakkabæirnir, sem ekki töldust tilheyra neinu þessara byggðarlaga. Byggðin er breið og áttu aðeins sex bæir í hreppnum land til fjalls. Hreppurinn var allur í Glaumbæjarsókn en þar eru tvær kirkjur, í Glaumbæ og á Víðimýri. Fyrr á öldum var einnig kirkja í Geldingaholti.

Aðalatvinnuvegur hreppsbúa var lengst af landbúnaður en nokkru fyrir miðja 20. öld byggðist upp dálítill þéttbýliskjarni í Varmahlíð og starfa íbúar þar flestir við verslun og þjónustu af ýmsu tagi. Þar er skóli, félagsheimili, hótel og sundlaug, auk verslunar og annarrar þjónustustarfsemi. Við sameininguna bjuggu 303 íbúar í hreppnum, þar af 125 í Varmahlíð.

Hinn 6. júní 1998 sameinaðist hreppurinn 10 öðrum sveitarfélögum í Skagafirði: Skefilsstaðahreppi, Sauðárkrókskaupstað, Skarðshreppi, Staðarhreppi, Lýtingsstaðahreppi, Rípurhreppi, Viðvíkurhreppi, Hólahreppi, Hofshreppi og Fljótahreppi, og mynduðu þau saman sveitarfélagið Skagafjörð. (https://is.wikipedia.org/wiki/Seyluhreppur)

Í skjalasafninu eru skjöl frá Seyluhreppi í Skagafirði frá árunum 1790-1998 þegar hreppurinn sameinaðist tíu öðrum sveitarfélögum og til varð sveitarfélagið Skagafjörður. Röðun innan flokka er í tímaröð en sumstaðar eru eyður þar sem gögn hafa glatast m.a. í bókhaldinu.

Helgi Dagur Gunnarsson fæddist á Sauðárkróki 21. október 1956. Foreldrar: Gunnar Guðjón Helgason og Sigurlaug Jónsdóttir.

Jón Jónsson, síðar nefndur Jón Skagfirðingur, var fæddur í janúar 1886 á Valabjörgum í Skörðum. Foreldrar hans voru Jón Guðvarðarson og Oddný Sæmundsdóttir og áttu þau tvö önnur börn, þau Moniku og Nikódemus. Jón ólst upp að Valabjörgum til 15 ára aldurs en þá flutti hann með foreldrum sínum að Holtskoti í Seyluhreppi. Árið 1915 kvæntist Jón Soffíu Jósafatsdóttur frá Krossanesi og eignuðust þau þrjú börn; Sæmund, Hansínu og Valtý. Jón og Soffía bjuggu fyrst í Holtskoti, síðan í Glaumbæ og svo á Ingveldarstöðum á Reykjaströnd. Árið 1941 fluttu þau til Sæmundar sonar síns að Bessastöðum í Sæmundarhlíð. Soffía lést árið 1960 og eftir dauða hennar orti Jón kvæðið um Ekkilinn í Urtuvík.
Jóni er lýst svo: ,,Jón er prýðilega greindur maður, gjörhugull og víðlesinn. Hann er algjörlega sjálfmenntaður. Lítið hefur farið fyrir honum á veraldar-vettvangi, því að hann er maður hlédrægur og óhlutdeilinn og flíkar ógjarnan sínum innra manni. Fíngert og ljóðrænt eðli hans birtist einkanlega fáum og völdum vinum, - og í stökum hans og kvæðum, sem orðið hafa til á stopulum tómstundum fátæks bónda."

Jón virðist hafa byrjað ungur að yrkja en það virðist hafa verið honum mikil hvatning að hitta Stephan G. Stephansson árið 1917 og fá tækifæri til þess að yrkja til hans. Stephan heillaðist mjög að kveðskapi Jóns og heimsótti hann í Holtskot þar sem þeir ræddu lengi um kveðskap. Jafnframt var Jóni vel til vina við Stefán frá Hvítadal og Friðrik Hansen og hvöttu þeir hann mjög til að virkja skáldskapargáfu sína. Jón lést árið 1965 þá 79 ára gamall.

Jón Pálmi Jónsson er fæddur í Sauðanesi, Torfalækjarhreppi, A.-Hún. árið 1888. Faðir hans var Jón Hróbjartsson (1849-1928), bóndi á Gunnfríðarstöðum, A.-Hún. Móðir hans var Anna Einarsdóttir (1850-1910), húsfreyja á Gunnfríðarstöðum, frá Hring í Blönduhlíð. Jón Pálmi stundaði nám við Gagnfræðiskólann á Akureyri 1906-1907. Lærði ljósmyndun hjá Hallgrími Einarssyni á Akureyri 1909-1911. Var íþróttakennari á Blönduósi 1907-1908 og barnakennari í Svínavatnshreppi 1907-1909. Mun hafa unnið hjá Þórarni Stefánssyni ljósmyndara á Húsavík á tímabilinu 1910-1912. Rak ljósmyndastofu á Sauðárkróki 1912 til vors 1915, seldi Pétri Hannessyni stofuna í desember 1914. Bendlaður við peningafölsunarmál og flúði land. Var starfsmaður á ljósmyndastofu í Noregi 1915-1916. Fluttist til Bandaríkjanna 1916 og rak þar ljósmyndastofu með hléum frá 1919 til 1962.

Ólafur Magnússon fæddist á Akranesi árið 1889. Faðir hans var Magnús Ólafsson (1862-1937), ljósmyndari í Reykjavík. Móðir hans var Guðrún Jónsdóttir (1862-1926), húsfreyja. Ólafur lærði ljósmyndun hjá föður sínum fyrir 1908 en var í framhaldsnámi hjá Sophus Junker Jensen í Kaupmannahöfn og í Berlín 1911-1913. Vann sem ljósmyndari hjá Pétri Brynjólfssyni í Reykjavík um tíma fyrir 1911. Rak ljósmyndastofu í Reykjavík frá 1913 til 1954. Maki Ólafs var Guðrún Árnadóttir (1915-1993). Ólafur dó árið 1954.

Jórunn Sigurðardóttir (Nunna) var fædd í Stokkhólma í Vallhólma í Skagafirði þann 12. nóvember 1926. Hún var gift Frosta Gíslasyni (1926-2001). Þau bjuggu á Frostastöðum í Akrahreppi. Jórunn var síðast búsett á Sauðárkróki og lést þar 25. apríl 2015.

Sveinn Guðmundsson var fæddur í Litladalskoti í Lýtingstaðarhreppi í Skagafirði þann 28. apríl 1912. Hann var kaupfélagsstjóri Kaupfélags Skagfirðinga. Kona hans var Valgerður Elín Hallgrímsdóttir (1920-1996). Hann lést 12. maí 1998.

Magnús Halldór Gíslason (Abbi) var fæddur á Frostastöðum í Akrahreppi í Skagafirði þann 23. mars 1918. Hann var bóndi á Frostastöðum í Akrahreppi og síðar blaðamaður í Reykjavík, síðast búsettur á Frostastöðum. Magnús var varaþingmaður og sat um tíma á þingi. Kona hans var Jóhanna Guðný Þórarinsdóttir (f. 1921-2018).
Magnús lést á Sauðárkróki 3. febrúar 2013.

Páll Zóphóníasson var fæddur í Viðvík í Viðvíkurhreppi, Skagafirði þann 18. nóvember 1886. Páll var kennari á Hvanneyri. Síðar skólastjóri, búnaðarmálastjóri og alþingismaður í Reykjavík. Páll bjó m.a. á Ránargötu 6 a í Reykjavík. Kona hans var Guðrún Þuríður Hannesdóttir (1881-1963). Páll lést 1. desember 1964.

Þorsteinn Helgason var fæddur í Gröf í Kaupangssveit, Eyjafirði þann 6. júlí 1886. Bóndi á Rifkelsstöðum í Eyjafirði 1910-1916, á Höfða á Akureyri 1917-1919, á Rangárvöllum í Kræklingahlíð, Eyjafirði 1919-26 og í Stóra-Holti í Fljótum frá 1926-1946, bjó áfram í Stóra-Holti hjá syni sínum. Á unga aldri æfði Þorsteinn glímu og var mjög virkur í ungmennafélaginu Unglingi í Öngulsstaðahreppi, formaður þess 1910-1911. Þorsteinn var svo fær glímumaður að honum var boðið að fara með glímuflokki Jóhannesar Jósefssonar til Rússlands, það varð þó ekki úr því þar sem Þorsteinn veiktist af fótameini og lá í því á annað ár. Þorsteinn var framkvæmdasamur í búskap sínum og bryddaði upp á margri nýbreytni, ræktaði m.a. rauðkál, hvítkál, rauðrófur og hreðkur. Einnig var hann manna afkastamestur við kartöflurækt. Þorsteinn stofnaði Fóðurbirgðafélag Fljótamann. Hann sat einnig í stjórn búnaðarfélagsins í Fljótum og kom að stofnun nautgriparæktarfélagsins
Maki 1: María Guðmundsdóttir (1885-1921), þau eignuðust þrjú börn.
Maki 2: Sigurbjörg Bjarnadóttir (1888-1933), þau eignuðust einn son.

Leikfélag Sauðárkróks er eitt elsta áhugamannaleikfélag á landinu. Það var stofnað 13. apríl 1888, þrátt fyrir óáran til sjós og lands eins og segir í Skagfirzkum annál. Stofnendur voru 16 talsins og markmið félagsins voru gagn og skemmtun. Félagið stóð fyrir leiksýningum um árabil og þá helst í Sýslufundavikunni. Það lognaðist þó smám saman útaf. Samt var alltaf leikið á Sauðárkróki, Stúkan, Kvenfélagið og fleiri sáu til þess. 9. janúar 1941 var Leikfélag Sauðárkróks stofnað á ný í Bifröst. Að þessu sinni voru stofnfélagar 40 talsins. Fyrsta stjórnin var skipuð þeim Eyþóri Stefánssyni, Pétri Hannsesyni og Kristjáni C. Magnússyni.

Sigurgeir Snæbjörnsson fæddist á Sauðárkróki 14. júní 1928. Sigurgeir var sonur hjónanna Snæbjörns Sigurgeirssonar, bakarameistara á Sauðárkróki og Ólínu Björnsdóttur frá Skefilsstöðum á Skaga. Sigurgeir var alinn upp á Sauðárkróki. 4ra ára missti hann föður sinn en Ólína giftist aftur Guðjóni Sigurðssyni bakarameistara á Sauðárkróki, f. á Mannskaðahóli á Höfðaströnd. Sigurgeir kvæntist hinn 12. júní 1954 Auði Hannesdóttur, þau eignuðust fimm börn.

1946 veiktist Sigurgeir af berklum og átti í þeim veikindum í 2 ár. Haustið 1948 sat hann í þriðja bekk Gagnfræðaskólans á Sauðárkróki og tók þaðan landspróf um vorið. Haustið 1949 fór hann í rafvirkjanám í Iðnskólanum í Reykjavík, en kláraði ekki námið þar sem veikindi hans tóku sig upp á ný. Hann vann um tíma sem verkstjóri hjá Varnarliðinu í Keflavík og síðan vann hann við verslunarstörf, fyrst fyrir aðra en síðan við sín eigin fyrirtæki og starfaði við þau alla sína starfsævi.

Björg Lovísa Pálmadóttir fæddist á Hofstöðum í Hofsstaðabyggð, Skag. 31. maí 1885. Faðir: séra Pálmi Þóroddsson (1862-1955). Móðir: Anna Hólmfríður Jónsdóttir (1856-1946).
Eiginmaður: Guðmundur Sveinbjörnsson (1871-1950), skrifstofustjóri. Húsfreyja í Reykjavík 1910. Húsfreyja á Túngötu 8, Reykjavík 1930. Húsfreyja í Reykjavík 1945. Síðast bús. í Reykjavík. Björg Lovísa lést 1972.

Foreldrar: Þorbjörg Pálmadóttir Möller og Jóhann Georg Möller, kaupmaður á Hvammstanga, síðar verslunarstjóri á Sauðárkróki. Leikkona í Reykjavík. Maki: Þórarinn Kristjánsson.

Hans Vilhelm Pálsson fæddist 14. ágúst 1857 á Norðurlandi. Faðir hans var Páll Erlendsson en móðir hans hét Guðrún. Vilhelm flutti til Kanada 1883. Árið 1897 kvæntist hann Önnu Kristínu Nikulásdóttur. Vilhelm var verslunarmaður en hafði einnig brennandi áhuga á innflytjandamálum og virðist hafa unnið mikið að þeim málum, sérstaklega 1896-1905. Vilhelm var fyst kosinn á Saskatchewan lögþing 1912 og endurkosinn 1917. Aftur var hann kosinn á lögþing 1924 í aukakosningum og endurkosinn 1925 og 1929 fyrir Quill Plains. Hann lést árið 1935.

Foreldrar: Þorbjörg Pálmadóttir Möller og Jóhann Georg Möller, kaupmaður á Hvammstanga, síðar verslunarstjóri á Sauðárkróki. Prófessor í tannlækningum í Birmingham í Bandaríkjunum. Eiginkona: Málfríður Óskarsdóttir Möller (1925-1996).

Pétur Brynjólfsson fæddist á Heiði í Mýrdal, 4. ágúst 1881. Faðir: Brynjólfur Jónsson (1850-1925) prestur á Hofi í Álftafirði. Móðir: Ingunn Eyjólfsdóttir (1854-1896) húsfreyja á Hofi í Álftafirði. Maki: Anine Charoline Henriette Gjerland (1882-1934) píanóleikari og kennari í Reykjavík og Kaupmannahöfn. Þau skildu. Saman áttu þau fimm börn.
Pétur lærði ljósmyndun veturinn 1900-1901, líklega hjá Sigfúsi Eymundssyni. Stundaði framhaldsnám í ljósmyndun hjá P. Schaumburg, Nørrebrogade 23 í Kaupmannahöfn 1901-1902 og í Þýskalandi. Rak ljósmyndastofu í Bankastræti 14, Reykjavík 1902-1906 síðan við Hverfisgötu 1906-1915. Rak útibú í Lækjagötu 3 á Akureyri 1908-1909. Fluttist til Danmerkur 1915 og rak um skeið ljósmyndastofu við Nørregade í Kaupmannahöfn. Rak svo ljósmyndastofu á nokkrum stöðum í Reykjavík frá 1918-1930.

Rannveig Jósefsdóttir, tvinningakona á Akureyri, var fædd á Stóra-Eyrarlandi, Eyj. 24. apríl 1889. Faðir: Jósef Vilhelm Jóhannsson(1850-1921). Móðir: Jósefína Guðmundsdóttir (1856-1934). Barnsfaðir Rannveigar var Jóhann Marinó Pálmason (1887-1959). Barn þeirra: Freyja Jóhannsdóttir (1924-2011).
Rannveig lést 12. nóvember 1993.

Fæddur á Valabjörgum, foreldrar: Pétur Björnsson og Rannveig Magnúsdóttir. Útskrifaðist frá Gagnfræðiskólanum á Möðruvöllum haustið 1892. Starfaði í verslun Gránufélagsins á Sauðárkróki eftir útskrift. Var verslunarstjóri hjá Gránufélaginu á Oddeyri 1908-1914 en setti svo á stofn eigin verslun á Akureyri sem hann rak til 1926. Á þessum tíma rak hann einnig útgerð, bæði síld- og hákarlaveiðar. Á fyrri stríðsárunum (1914-1918) vann hann fyrir landstjórnina að innflutningi á kolum til landsins. Var einn af stofnendum Eimskipafélags Íslands og átti um skeið sæti í varastjórn þess. Árið 1926 flutti hann til Siglufjarðar og gerðist þar verslunarstjóri. Pétur giftist Þórönnu Pálmadóttur frá Höfða á Höfðaströnd, þau eignuðust fimm börn.

Skrifstofustjóri í Reykjavík.

Anna Hólmfríður Jónsdóttir, f. 22.04.1855, d. 29.03.1946. Foreldrar: Jón Hallsson (1807-1894) prófastur í Glaumbæ og valgerður Sveinsdóttir, síðar húsfreyja á Vöglum. Anna ólst að mestu upp hjá föður sínum, sem ættleiddi hana.
Maki: Pálmi Þóroddsson (1862-1955) prestur á Hofsósi. Þau eignuðust tíu börn.

Foreldrar: Jóhann Georg Möller (1848-1903) og Katrína Alvilda María Thomsen. Kaupmaður á Hvammstanga, síðar verslunarmaður á Sauðárkróki. Kvæntist Þorbjörgu Pálmadóttur frá Hofsósi, þau eignuðust 11 börn.

Dóttir Lucindu Möller og Eiríks Sigurbergssonar. Fædd og uppalin í Reykjavík.

Skrifstofustjóri í Reykjavík.

Sonur Frank Michelsen úrsmíðameistara á Sauðárkróki og Guðrúnar Pálsdóttur. Starfaði sem garðyrkjumaður í Hveragerði.

Hjalti Jósafat Guðmundsson fæddist á Sauðárkróki 13. júni 1929. Foreldrar hans voru Hólmfríður Jónasdóttir og Guðmundur Jósafatsson. 23. janúar 1952 kvæntist Hjalti Kristínu Björgu Svavarsdóttur og eignuðust þau fimm börn. ,,Hjalti ólst upp á Sauðárkróki. Hann var húsasmíðameistari og starfaði við það fag alla sína tíð. Hann var oft kallaður til sem prófdómari við sveinspróf og vann mikið með iðnsveinafélaginu á Sauðárkróki. Hjalti var einn af stofnendum Kiwanisklúbbsins Drangeyjar á Sauðárkróki og var virkur félagsmaður til síðasta dags."

Hallfríður Eybjörg Rútsdóttir f. á Sauðárkróki 08.11.1927, d. 30.11.2015. Foreldrar: Sigrún Sveinsína Sigurðardóttir (1892-1972) og Rútur Þorsteinsson (1905-1994). Halla gekk í húsmæðraskólann á Löngumýri og fór svo suður til Reykjavíkur og starfaði þar á barnaheimili. Síðan fluttist hún norður og fór að vinna á Hótel Varmahlíð þar sem hún kynntist Guðbrnadi. Þau bjuggu á Sauðárkróki alla sína búskapartíð. Halla hafði mikinn áhuga á tónlist, spilaði bæði á píanó og gítar og söng í kirkjukór Sauðárkróks og síðar kór eldri borgara.
Maki: Guðbrandur Jón Frímannsson (1922-2000) frá Austara-Hóli í Fljótum. Þau eignuðust fjögur börn.

Foreldrar hennar voru Jóhannes Ögmundsson b. í Garði í Hegranesi og Steinunn Stefánsdóttir frá Hofi í Vatnsdal. Björg kvæntist Christian Hansen, þau bjuggu að Sauðá í Borgarsveit. Björg og Christian eignuðust átta börn.

Fædd á Sauðárkróki 27. júní 1925, dóttir Snæbjörns Sigurgeirssonar bakarameistara á Sauðárkróki og Ólínu Ingibjargar Björnsdóttur. Var á Sauðárkróki 1930. Síðar verslunarkona og heildsali í Reykjavík.

Kristján fæddist á Sauðárkróki og var sonur Áslaugar Sigvaldínu Egilsdóttur og Jóns Ingvars Guðmundssonar. ,,Kristján ólst upp á Sauðárkróki og stundaði þar ýmis störf í æsku. Hann vann lengi hjá Vita- og hafnamálastofnun við byggingar á vitum víða á landinu. Lengst af var hann starfsmaður Sementsverksmiðju ríkisins, eða frá 1956 til 1991 og var verkstjóri í mörg ár í líparítnámu fyrirtækisins hjá Þyrli í Hvalfirði." Kristján giftist Rósu Sigurðardóttur og eignuðust þau tvö börn.

Fædd í Borgarey í Vallhólmi, Skag. 2. febrúar 1885. Látin í Reykjavík 18. nóvember 1970.
VInnukona á Skíðastöðum, Hvammssókn, Skag. 1910. Bóndi á Mælifellsá á Efribyggð, Skag. Gistihúsrekandi og kaupkona á Sauðárkróki. Síðast bús. í Reykjavík.
Gaf út bókina; Gleym mér ei.

Fæddur í Ásgarði í Hvammshr., Dal. 19. ágúst 1928. Látinn 26. febrúar 1958.
Síðast bús. í Oklahoma. Maki: Ethelen Magnusson.

Foreldrar: Jón Þorláksson b. í Brekkukoti ytra í Blönduhlíð og 3. k. h. Steinunn Björnsdóttir frá Miðhúsum í Óslandshlíð. Hún var húsfreyja á Þorsteinsstöðum í Tungusveit, Lýtingsstaðahreppi. Maður hennar var Stefán Jónatansson (1892-1936) bóndi á Þorsteinsstöðum.

,,Foreldrar hennar voru Snæbjörn Sigurgeirsson, bakarameistari á Sauðárkróki og Ólína Björnsdóttir. Guðjón Sigurðsson seinni maður Ólínu, gekk Evu í föðurstað eftir fráfall Snæbjörns. Eiginmaður Evu var Kári Jónsson, stöðvarstjóri Pósts og síma á Sauðárkróki. Þau gengu í hjónaband 28. apríl 1960 og eignuðust tvo syni. Eva ólst upp á Sauðárkróki en lauk gagnfræðaprófi frá Gagnfræðaskóla Akureyrar 1948. Hún hélt þá til Reykjavíkur í tónlistarnám. Hún lagði stund á píanóleik við Tónlistarskólann í Reykjavík undir handleiðslu Hermínu Björnsdóttur og síðar Rögnvaldar Sigurjónssonar. Hún lauk burtfararprófi frá skólanum árið 1953. Á árunum 1953-1956 stundaði Eva framhaldsnám í píanóleik í New York í Bandaríkjunum. Eftir að Eva sneri heim settist hún að í heimabæ sínum Sauðárkróki og stundaði einkakennslu á píanó frá árinu 1957. Við stofnun Tónlistarskólans á Sauðárkróki var Eva fastráðinn kennari árið 1965 og árið 1974 tók hún við skólastjórn af Eyþóri Stefánssyni tónskáldi. Uppbygging og viðgangur tónlistarskólans var hugðarefni Evu en hún lét af störfum árið 1999 eftir 34 ára starf við skólann. Fyrstu árin eftir starfslok hélt Eva þó áfram að stunda kennslu í hlutastarfi. Eva tók á árum áður virkan þátt í starfi Leikfélags Sauðárkróks ásamt Kára eiginmanni sínum. Síðasta hlutverk Evu var Kate, eiginkonan í Allir synir mínir eftir Arthur Miller, sem Leikfélagið frumsýndi í febrúar 1972 í leikstjórn Kára. Áður hafði Eva meðal annars farið með hlutverk Höllu í Fjalla-Eyvindi eftir Jóhann Sigurjónsson árið 1963 og með eitt aðalhlutverka í Skálholti eftir Guð- mund Kamban. Síðustu æviárin bjó Eva á Seltjarnarnesi."

Ólafur Sveinsson fæddist þann 3. september 1927. Hann var læknir á Sauðárkróki.

Ásgrímur Hartmannsson fæddist í Kolkuósi í Skagafirði þann 13. júlí 1911. Hann var bæjarstjóri, kaupmaður og framkvæmdastjóri á Ólafsfirði.
Kona hans var Helga Jónína Sigurðardóttir (1917-2005).
Ásgrímur lést á Ólafsfirði 13. ágúst 2001.

Hannes J. Magnússon var fæddur á Torfmýri í Akrahreppi, Skagafirði þann 22. mars 1899.
Hann var kennari, skólastjóri og rithöfundur á Akureyri, síðast búsettur í Reykjavík. Móðir hans hét Ragnheiður Jakobína Gísladóttir og notaði hún miðnafnið í daglegu tali. Þaðan er J í nafni Hannesar dregið.
Kona hans var Solveig Einarsdóttir (1905-1976).
Hannes lést 18. febrúar 1972.

Helgi Tryggvason var fæddur í Kothvammi, Kirkjuhvammshreppi í Húnavatnssýslu þann 10. mars 1903.
Hann var kennari í Reykjavík 1945. Kenndi í kennaraskólanum. Síðast búsettur í Kópavogi.
Fyrri kona hans var Magnea Hjálmarsdóttir (1908-1996). Seinni kona hans var Guðbjörg Bjarnadóttir (1923-2012).
Helgi lést 19. ágúst 1988.

Hjörleifur Kristinsson var fæddur í Borgargerði í Norðurárdal í Skagafirði þann 12. nóvember 1918. Foreldrar: Kristinn Jóhannsson og kona hans Aldís Sveinsdóttir. Fluttist í Gilsbakka 11 ára gamall og ólst þar upp síðan hjá Hjörleifi Jónssyni fósturbróður Aldísar. Bóndi á Gilsbakka frá 1973 til æviloka. Ókvæntur og barnlaus.

Árni Ásgrímur Blöndal, f. 31.05.1929, d. 22.09.2017. Foreldrar: Jóhanna Árnadóttir Blöndal frá Geitaskarði í A-Húnavatnssýslu og Jean Valgard Blöndal kaupmaður. Maki: María Kristín Sigríður Gísladóttir, frá Eyhildarholti, f. 04.08.1932. Þau eignuðust ekki börn en tóku að sér bróðurson Árna, Kristján Þórð Blöndal. Árni ólst upp á Sauðárkróki og gekk þar í barnaskóla. Fór síðan í Héraðsskólann í Varmahlíð og stundaði nám við Iðnskólann á Sauðárkróki árið 1954. Foreldrar hans voru hótelhaldarar á Villa Nova á Sauðárkróki og ráku jafnframt bókaverslun Kr. Blöndal. Vann Árni á þessum stöðum frá unga aldri og kom síðar að rekstrinum með foreldrum sínum. Árið 1955 keypti hann bókabúðina og rak hana ásamt konu sinni allt til ársins 1982. Tók einnig við starfi flugvallarvarðar af föður sínum árið 1965 og gegndi því til 1996. Gegndi ýmsum trúnaðarstörfum í félagslífi bæjarins. Stundaði laxveiði og bridge. Var einn af brautryðjendum frímúararreglunnar á Sauðárkróki og félagi í Rótarýklúbbi Sauðárkróks. Var virkur í Félagi eldri borgara og söng í Kór eldri borgara. Mikill áhugamaður um tónlist og hagmæltur og eftir hann liggja vísur sem m.a. hafa birst í vísnahorni Morgunblaðsins.

Talsímakona, síðast búsett í Reykjavík.

Lárus Arnórsson f. 29.04.1895 á Hesti í Borgarfirði, d. 05.04.1962. Foreldrar Arnór Jóhannes Þorláksson prestur á Hesti og f.k.h. Guðrún Elísabet Jónsdóttir. Fósturforeldar: Stefán Jónsson prófastur á Staðarhrauni í Mýrarsýslu og k.h. Jóhanna Katrín Magnúsdóttir. Lárus ólst upp hjá foreldrum sínum þar til móðir hans lést, er hann var tíu ára gamall. Lárus og yngsta systir hans fóru í fóstur til prófasthjónanna á Staðarhrauni. Lárus varð stúdent frá MR vorið 1915 og cand. theol. frá HÍ árið 1919. Það ár var hann settur aðstoðarprestur sr. Björns Jónssonar á Miklabæ og vígður 6. júlí sama sumar. Var honum síðar veittur Miklibær 1921. Þjónaði hanní Miklabæjar-, Flugumýrar- og Silfrastaðasókn til æviloka. Lárus þjónaði líka Glaumbæjarprestakalli 1935-1940 og Goðdala- og Ábæjarsókn 1928-1940. Árin 1929-1954 var símstöð á Miklabæ og var Lárus stöðvarstjóri þar. Bréfhirðing var þar einnig á árum Lárusar, allt frá árinu 1875 til 1954. Á árunum 1939-1951 var Lárus deildarstjóri K.S. í Akrahreppi. Auk þessara starfa rak Lárus umfangsmikinn búskap. Maki: Guðrún Björnsdóttir, f. 27.02.1897 á Miklabæ, d. 19.01.1985 í Mosfellsbæ. Þau eignuðust fjögur börn en eitt þeirra lést á öðru ári. Lárus eignaðist einn son með mágkonu sinni, Jensínu Björnsdóttur.

Páll Guðmundsson var fæddur á Gilsárstekk, Breiðdalshreppi, S-Múlasýslu þann 5. mars 1907.
Hann var bóndi, hreppstjóri og oddviti á Gilsárstekk, síðar skrifstofumaður í Breiðdalsvík.
Kona hans var Hlíf Petra Magnúsdóttir (1908-2007).
Páll lést 24. júlí 1972.

Sigurbjörg Björnsdóttir var fædd á Löngumýri í Vallhólmi, Skagafirði þann 18. nóvember 1886.
Hún var húsfreyja í Deildartungu í Reykholtsdal, Borgarfirði. Síðast búsett í Reykholtsdalshreppi.
Maður hennar var Jón Hannesson (1885-1953).
Hún lést á Akranesi 12. janúar 1984.

Stefán Ólafur Sigurfinnsson var fæddur á Meyjarlandi á Reykjaströnd, Skagafirði þann 7. ágúst 1898. Hann var bóndi á Innstalandi, á Reykjum og á Meyjarlandi á Reykjaströnd í Skagafirði. Var oddviti Skarðshrepps um langt skeið. Ókvæntur og barnlaus.
Hann lést á Innstalandi á Reykjaströnd í Skagafirði 7. janúar 1967.

Svanhildur var fædd í Holtsseli í Grundarsókn í Eyjafjarðarsveit þann 8. september 1911.
Hún var húsfreyja í Holtsseli.
Maður hennar var Egill Halldórsson (1914-1985).
Hún lést á Kristnesi í Eyjafirði 23. nóvember 2002.

Jóhanna fæddist á Geitaskarði í A-Hún. Jóhanna var tónelsk og hafði fallega söngrödd. Undirbúning sinn fyrir lífið hlaut Jóhanna á umsvifamiklu heimili foreldra sinna og í húsmæðraskóla. Tvítug gekk hún að eiga Valgarð Blöndal og bjuggu þau á Sauðárkróki. Jóhanna og Valgarð bjuggu lengst af í Villa Nova og var heimilið rómað fyrir myndarskap.

Þorvaldur Þorvaldsson fæddist á Mörk í Laxárdal hinn 5. september 1913. Foreldrar hans voru hjónin Þorvaldur Guðmundsson kennari og hreppstjóri á Sauðárkróki, f. 13.10. 1883, d. 10.10. 1961, og Ingibjörg Salóme Pálmadóttir húsfreyja, f. 7.10. 1884, d. 21.4. 1957. Þeim Þorvaldi og Salóme varð fjögurra barna auðið og var Þorvaldur næstelstur þeirra.
Kona Þorvaldar var Hulda Jónsdóttir húsfreyja á Sauðárkróki, f. 2.6. 1914, d 9.1. 1992, þau áttu fjögur börn, fyrir átti Þorvaldur eina dóttur.

Þorvaldur bjó mestan hluta ævi sinnar á Sauðárkróki. Hann rak framan af Bifreiðastöð Sauðárkróks ásamt Birni Guðmundssyni en mestan hluta ævi sinnar rak hann verslunina Vísi á Sauðárkróki. Þorvaldur var gæddur listrænum hæfileikum, söng m.a í kirkjukór Sauðárkróks í yfir 40 ár og lék með Lúðrasveit Sauðárkróks. Þorvaldur var einnig hestamaður af lífi og sál og átti þónokkuð af hrossum.

Foreldrar hans voru Guðmundur Jónsson og Svava Einarsdóttir, þau skildu þegar Valdimar var tveggja ára. Guðmundur fór þá að Ási í Hegranes ásamt móður sinni og ólst þar upp. Hann lauk búfræðiprófi frá Hólum vorið 1915. Þar kynntist hann Margréti Gísladóttur konu sinni en hún var ættuð úr Fljótum. Vorið 1919 hófu þau búskap að Mið-Mói í Flókadal. Eftir langa og erfiða vetur í Fljótum fluttu þau að Garði í Hegranesi og fengu hluta jarðarinnar til ábúðar. Árið 1925 fluttu þau til Sauðárkróks og hófu að byggja sér íbúðarhús að Skagfirðingabraut 12 og nefndist það Sólbakki. Á Sauðárkróki vann Valdi ýmsa daglaunavinnu, var fláningsmaður í sláturtíð og fór til Siglufjarðar á síldarvertíð á sumrin. Seinna komu þau sér upp nokkrum kindum og áttu fjárhús á Nöfunum fyrir ofan bæinn. Valdi var góður söngmaður og var m.a. einn af stofnendum kirkjukórs Sauðárkróks 1942. Valdimar og Margrét eignuðust tvo syni, aðeins annar þeirra komst á legg.

Sigurlína var fædd á Refsstöðum á Laxárdal fremri, foreldrar hennar voru Stefán Guðmundsson og Sesselja Guðmundsdóttir. Fyrstu árin ólst hún upp með foreldrum sínum en eftir að hún missti móður sína átta ára gömul fór hún í fóstur til Kristjáns Halldórssonar og Sigríðar Ingibjargar Sigurðardóttur á Blönduósi. Árið 1921 giftist hún Gunnari Guðmundssyni (1898-1976) og eignuðust þau einn son saman. Þau skildu árið 1923. Árið 1928 giftist hún Sigurði Þorkelssyni sjómanni á Sauðárkróki, þau áttu saman tvö börn og einn fósturson. Eftir að Sigurlína tók saman við Sigurð vann hún við fiskvinnslu og önnur störf sem til féllu. Jafnframt söng hún með Kirkjukór Sauðárkróks um áratugaskeið.

Páll Árnason, f. 05.08.1906 að Geitaskarði í Langadal í Austur-Húnavatnssýslu, d.12.01.1991 í Vestmannaeyjum. Maki: Ósk Guðrún Aradóttir. Þau eignuðust þrjú börn. Þau fluttu til Vestmannaeyja árið 1951, eftir 17 ára búskap á Móbergi og í Glaumbæ. Þar bjuggu þau í Þórlaugargerði til ársins 1985 en fluttu þá niður í kaupstaðinn og bjuggu að Heiðarvegi 38.

Fæddur á Hofi á Skagaströnd. Foreldrar hans voru Björn Lárusson Blöndal prestur í Hvammi í Laxárdal og Bergljót Tómasdóttir. Þegar Lárus var átta ára gamall lést faðir hans og flutti hann þá með móður sinni til Sauðárkróks. Lárust stundaði nám í Eiðaskóla veturinn 1915-1916 og vann síðan verslunarstörf á Sauðárkróki, fyrst í verslun L. Popps en síðan í verslun Kristján Gíslasonar eða allt til ársins 1954 þegar hann fluttist til Reykjavíkur. Lárus var góður söngmaður, söng í kórum og samdi lög, einnig starfaði hann töluvert með Leikfélagi Sauðárkróks og var einn af stofnendum Lúðrasveitar Sauðárkróks. Lárus átti jafnan kindur, kú og hross til búdrýginda. Eftir að hann flutti til Reykjavíkur starfaði hann lengi vel sem afgreiðslumaður á Sérleyfisbílastöð Steindórs en setti svo á stofn eigin verslun sem hann starfrækti til dauðadags. Lárus kvæntist Sigríði Þorleifsdóttur frá Sauðárkróki, þau eignuðust tvo syni.

Herdís var fædd í Valadal. Foreldrar hennar voru Pétur Pálmason og Jórunn Hannesdóttir. Hún var gift Sr. Hálfdáni Gunnarssyni presti í Goðdölum, síðar vígslubiskupi á Sauðárkróki. Þau eignuðust fimm börn, þrjú þeirra misstu þau í æsku.

Fæddur í Reykjavík, alinn upp frá tveggja ára aldri hjá ömmubróður sínum Pálma Péturssyni og k.h. Helgu Guðjónsdóttur á Sjávarborg, síðar á Sauðárkróki. Lauk prófi frá Verslunarskóla Íslands vorið 1920 og fór eftir það til Þýskalands í framhaldsnám í verslunarrekstri. Starfaði síðan sem kaupmaður og sparisjóðsformaður á Sauðárkróki. Kvæntur Margréti Hemmert frá Skagaströnd, þau eignuðust þrjú börn.

Soffía fæddist í Vestmannaeyjum 1. júní 1907. Hún var dóttir hjónanna Gísla J. Johnsen stórkaupmanns og konsúls og Ásdísar Önnu Gísladóttur. Ung að árum giftist Soffía Ísleifi Árnasyni, f. 20.4.1900, lögfræðingi, síðar lagaprófessor og borgardómara, d. 7.8.1962, þau eignuðust fjögur börn.

Auðunn Blöndal fæddist á Sauðárkróki. Foreldrar hans voru Valgard Blöndal og Jóhanna Árnadóttir. Auðunn kvæntist Ólu Sveinbjörgu Jónsdóttur, leiðir þeirra skildu. Saman eignuðust þau tvo syni.

Fæddist á Sauðárkróki og ólst þar upp í stórum systkinahópi. Foreldrar hennar voru Jean Valgard Claessen kaupmaður og síðar landsféhirðir og fyrri kona hans, Kristín Eggertsdóttir Briem. Stjúpmóðir Ingibjargar var Anna Margrét Þuríður Kristjánsdóttir Möller. Ingibjörg kvæntist Jóni Þorlákssyni fyrrum forsætisráðherra og áttu þau hjón tvær kjördætur.

Fædd og uppalin á Sauðárkróki í stórum systkinahópi. Dóttir Jean Valgard Claessen og Kristínar Eggertsdóttur Briem. Stjúpmóðir hennar var Anna Margrét Þuríður Kristjánsdóttir Möller. María Kristín kvæntist Sigurði Thoroddsen landsverkfræðingi, þau bjuggu í Reykjavík. Sonur þeirra var Gunnar Thoroddsen alþingismaður, þau eignuðust fjögur önnur börn.

Foreldrar hennar voru Árni Ásgrímur Þorkelsson b. og hreppstjóri á Geitaskarði og Hildar Solveigar Sveinsdóttur frá Lýtingsstöðum. Ellefu ára gömul var hún send til náms í Kvennaskólanum í Reykjavík og lauk þar 3. og 4. bekk á einum vetri. Það kom snemma í ljós að Sigríður hafði mikla tónlistarhæfileika og var hún um áratugaskeið organisti og söngstjóri við Holtastaðakirkju. Jafnframt var hún lengi formaður Kvenfélags Engihlíðarhrepps. Sigríður kvæntist Þorbirni Björnssyni og bjuggu þau hjón fyrst Heiði í Gönguskörðum en fluttu svo í Geitaskarð í Langadal og bjuggu þar til æviloka. Þau eignuðust sex börn.

Ole Bang var fæddur í Árósum í Jótlandi og ólst þar upp ásamt foreldrum sínum. Hann lauk gagnfræðiprófi og nam síðan lyfjafræði og lauk fyrrihluta námsins. Hann kom fyrst til Íslands 1929 og vann í lyfjabúðum í Reykjavík og Hafnarfirði. Eftir ársdvöl á Íslandi fór hann aftur til Danmerkur og lauk kandidatsprófi í lyfjafræði 1932. Það sama ár fór hann aftur til Íslands og tók við Sauðárkróksapóteki og rak það til efsta dags. Ole kvæntist Minnu Elísu Bang og eignuðust þau fjórar dætur. Ole tók mikinn þátt í ýmsum félagsmálum á Sauðárkróki.

Stórkaupmaður í Reykjavík. Kona hans var Guðrún Árnadóttir Johnson frá Geitaskarði.

Stefán var fæddur og uppalinn í Torfmýri í Blönduhlíð, sonur Magnúsar Hannessonar og Jakobínu Gísladóttur. Árið 1923 réðst hann sem vinnumaður að Reynistað til Jóns Sigurðssonar, þar sem hann dvaldist til 1937 er hann fluttist til Sauðárkróks. Stefán starfaði mikið fyrir Sögufélag Skagfirðinga og var einn af hvatamönnum að stofnun Héraðsskjalasafns Skagfirðinga. Aðalstarf Stefáns var þó bókband en það vann hann við í rúm 40 ár og talið er að hann hafi árlega bundið 2000-3000 bækur.
Stefán var ókvæntur og barnlaus.

Foreldrar hans voru Björn Jónsson hreppstjóri á Veðramóti og Þorbjörg Stefánsdóttir. Hann lauk prófi frá Bændaskólanum á Hólum vorið 1908. Vorið 1913 réðst hann sem vinnumaður til Brynjólfs Bjarnasonar í Þverárdal í Laxárdal fremri. Þar kynntist hann konu sinni, Sigríði Árnadóttur frá Geitaskarði og þau giftust sumarið 1914. Árið eftir fluttu þau að Heiði í Gönguskörðum og bjuggu þar í 11 ár. Þá fluttu þau að Geitaskarði í Langadal og bjuggu þar til æviloka. Þorbjörn tók virkan þátt í félagsstörfum, þá sérstaklega því sem sneri að söng en hann var sjálfur góður söngmaður. Þorbjörn og Sigríður eignuðust sex börn.

Þorbjörg Þorbjarnardóttir fæddist að Geitaskarði í Langadal 10. september 1928. Foreldrar Þorbjargar voru hjónin Þorbjörn Björnsson, bóndi á Heiði í Gönguskörðum og síðar Geitaskarði og eiginkona hans Sigríður Árnadóttir. ,,Þorbjörg stundaði nám við húsmæðraskólann á Laugalandi í Eyjafirði. Hún giftist Sigurði Snorrasyni, málarameistara, frá Stóru-Gröf ytri í Skagafirði. Þau eignuðust fimm börn saman, fyrir átti Þorbjörg einn son. Sigurður og Þorbjörg bjuggu í Stóru-Gröf ytri til 1992, en þá fluttu þau að Drekahlíð 6 á Sauðárkróki. Á meðan Þorbjörg átti heima í Stóru Gröf sinnti hún búskap á meðan hann var stundaður. Á sjöunda áratugnum rak Þorbjörg sumardvalarheimili fyrir börn og var með börn í heilsársdvöl. Þá vann hún í frystihúsi Fiskiðjunnar á Sauðárkróki, í sængurgerðinni Ylrúnu og sútunarverksmiðjunni Loðskinn um árabil."

Dóttir Jóhönnu Árnadóttur frá Geitaskarði og Jean Valgard Blöndal. Búsett í Flórída.

Fæddur og uppalinn í Valadal á Skörðum. Foreldrar hans voru Pétur Pálmason og Jórunn Hannesdóttir. Hann reisti bú á Skíðastöðum á Neðribyggð 1888 og bjó þar til 1893 með Ingibjörgu systur sinni. Keypti þá Sjávarborg og bjó þar stóru búi 1893-1906 en flutti þá til Sauðárkróks. Hann var einn af stofnendum Pöntunarfélags Skagfirðinga og formaður þess og pöntunarstjóri frá 1889-1910 þegar hann fór frá félaginu. Síðar tók félagið upp nafnið Kaupfélag Skagfirðinga. Nokkru síðar setti hann á stofn eigin verslun á Sauðárkróki og rak hana til æviloka. Pálmi gegndi ýmsum trúnaðarstörfum bæði í Lýtingsstaðahreppi og Sauðárkrókshreppi hinum forna. Pálmi kvæntist Helgu Guðjónsdóttur frá Saurbæ í Eyjafirði. Þau voru barnlaus en ólu upp frænda Pálma.

Fædd á Dýrfinnustöðum. Dóttir Maríu Jóhannesdóttur og Runólfs Jónssonar. Kvæntist Kristjáni Hólm Jónssyni. Búsett í Hveragerði.

Pálmi Anton Runólfsson fæddist á Dýrfinnustöðum í Skagafirði. Foreldrar hans voru hjónin María Jóhannesdóttir og Runólfur Jónsson. ,,Pálmi ólst upp í stórum systkinahópi á Dýrfinnustöðum í Akrahreppi í Skagafirði. Elstu systkinin öxluðu snemma ábyrgð á æskuheimilinu ásamt móður sinni og ömmu þegar faðir þeirra missti heilsuna. Pálmi var einn vetur í Reykjaskóla í Hrútafirði og á hernámsárunum vann hann í byggingarvinnu í Reykjavík. Pálmi festi síðan kaup á jarðýtu í samvinnu við Björn bróður sinn og saman unnu þeir að túnrækt fyrir bændur í Skagafirði ásamt vegavinnu víða um Norðurland. Árið 1955 byggði Pálmi upp, ásamt eiginkonu sinni Önnu, nýbýlið Hjarðarhaga í Skagafirði. Þar var hann bóndi til ársins 1991 er þau hjónin brugðu búi og fluttu á Sauðárkrók. Pálmi var virkur í félagsmálum, var m.a. í hreppsnefnd Akrahrepps, sýslunefnd Skagafjarðarsýslu og stjórn Karlakórsins Heimis. Pálmi hafði mikla ánægju af hestamennsku, tónlist og kveðskap. Hann var vel hagmæltur, var nær sjálfmenntaður á orgel og spilaði við Hofsstaðakirkju í nokkur ár. Hann söng í Karlakórnum Feyki og síðan í Karlakórnum Heimi og átti í þeim félagsskap margar gleðistundir." Hinn 1. desember 1957 kvæntist Pálmi Önnu Steinunni Eiríksdóttur og eignuðust þau fimm börn.

Fædd á Skálá í Sléttuhlíð. Foreldrar hennar voru Björn Þórðarson hreppstjóri á Skálá og María Skúladóttir. Guðbjörg kvæntist Jóhannesi Jóhannessyni frá Heiði í Sléttuhlíð, hann fór til Vesturheims og sneri ekki aftur. Talinn hafa látist þar vestra eða á sjó. Þau eignuðust fimm börn sem upp komust. Guðbjörg bjó lengst af á Dýrfinnustöðum hjá Maríu dóttur sinni.

Stefán Þorsteinsson fæddist árið 1858. Hann var vinnumaður í Akrahreppi og m.a. í Vaglagerði. Ókvæntur og barnlaus. Dánardagur er ekki skráður í Íslendingabók en hann er talinn hafa látist 1923.

Steingrímur Jónsson fæddist á Merkigili þann 29. nóvember 1844. Hann var bóndi á Silfrastöðum í Akrahreppi. Kona hans var Efemía Kristín Árnadóttir (1858-1907), notaði Kristínar nafnið í daglegu tali.

Oddný Ólöf Jóhannesdóttir fæddist þann 14. september 1901. Hún var húsfreyja á Deplum og Nefstöðum í Stíflu, Skagafirði, síðar húsfreyja á Siglufirði.

Ottó Geir Þorvaldsson fæddist á Sauðárkróki 18. febrúar 1922. Foreldrar hans voru Þorvaldur Þorvaldsson og Helga Jóhannesdóttir á Sauðárkróki. Ólst upp á Sauðárkróki og nam við Unglingaskóla Sauðárkróks. Sjómaður og bílstjóri á árunum 1940-1950. Bústjóri á hrossaræktarbúi að Kirkjubæ á Rangárvöllum 1950-1952. Kvæntist Jóhönnu Erlu Axelsdóttur 1952, þau eignuðust sex börn. Ottó var bústjóri á Þingeyrum í Húnaþingi 1953-1954. Flutti svo aftur í Skagafjörð og reisti nýbýli í Víðimýrarseli í Seyluhreppi 1954 og gerðist bóndi þar 1954-1972 er hann flutti að Viðvík.

Ragnar Hansen múrarameistari fæddist á Sauðárkróki 17. apríl 1923. Foreldrar hans voru hjónin Friðrik Hansen kennari, vegavinnuverkstjóri, oddviti og ljóðskáld frá Sauðá við Sauðárkrók og Jósefína Erlendsdóttir Hansen, saumakona og klæðskeri frá Beinakeldu, Torfulækjarhreppi, A-Hún. Hinn 25. júlí 1953 kvæntist Ragnar Hjördísi Kristófersdóttur. ,,Ragnar byrjaði í vegavinnu með föður sínum aðeins 9 ára að aldri. Hann flutti að heiman 14 ára í kjölfar láts móður sinnar. Vann hann ýmis störf næstu árin. Lauk Héraðsskólanum á
Laugarvatni 1941, iðnskólaprófi í Reykjavík og sveinsprófi í múraraiðn 1945. Meistarabréf fékk hann 1949 og byggingarleyfi í Reykjavík 1950. Félagi í Múrarafélagi Reykjavíkur frá
1946-1981 og síðan í Múrarameistarafélagi Reykjavíkur. Var um tíma gjaldkeri í Múrarafélaginu og fulltrúi í Iðnráði. Kennari í flísalögn á vegum Iðnfræðsluráðs. Ragnar hefur unnið
við flísar og múrverk í 62 ár. Var með sjálfstæðan rekstur og menn í vinnu árum saman og stofnaði síðar fyrirtækið Hansen verktaka ásamt syni sínum. Ragnar var jafnan með stór
verk, meðal annars Borgarleikhúsið, hluta af Kringlunni, DAS í Reykjavík og Hafnarfirði, fjölmarga leikskóla, kirkjur og sundlaugar á höfuðborgarsvæðinu. Einnig lagði hann flísar og
grjót í Ráðhúsi Reykjavíkur, Flugstöð Leifs Eiríkssonar, Smáralind, Landspítala og ýmsum frystihúsum úti á landi. Síðasta opinbera verkið var flísalagning Smáralindarinnar þegar hann var 78 ára að aldri."