Var á Flugumýri, Flugumýrarsókn, Skag. 1930. Stórkaupmaður í Reykjavík.

Sonur Árna Daníelssonar og Heiðbjartar Björnsdóttur á Sjávarborg. Stúdent frá MA 1942. Cand. med. frá HÍ 1949. Læknir í Neskaupstað 1952-1964. Síðast bús. í Skagafirði. Kvæntist Önnu Siggerði Jóhannsdóttur frá Neskaupsstað.

Hrólfur Sigurðsson fæddist í Reykjavík 10. desember árið 1922. Faðir: Sigurður Sigurðsson (1887-1963), sýslumaður Skagfirðinga. Móðir: Guðríður Stefanía Arnórsdóttir (1889-1948), húsfreyja. Systkini Hrólfs voru átta. ,,Hrólfur fluttist barnungur frá höfuðborginni til Sauðárkróks og bjó þar fram undir tvítugt. Hann stundaði nám við Menntaskólann á Akureyri en fluttist síðan til Reykjavíkur og sótti námskeið í Handíða- og myndlistarskólanum. Árið 1946 fluttist hann til Kaupmannahafnar þar sem hann nam fyrst við teikniskóla Eriks Clemmensens og síðan við Konunglegu listaakademíuna þaðan sem hann lauk námi árið 1950. Á þessum árum sínum ytra sótti hann einnig námskeið í Hollandi, Frakklandi, Ítalíu og á Grikklandi. Hann kom heim til Íslands að námi loknu og hóf strax vinnu við list sína en kenndi jafnframt í nokkur ár við Handíða- og myndlistarskólann í Reykjavík og Iðnskólann í Hafnarfirði og í Reykjavík. Þá vann hann einnig, samhliða listsköpun, við garðahönnun eða landslagsarkitektúr fram til ársins 1980. Eftir það sneri hann sér heilshugar að málverkinu. Hrólfur var einn þeirra listamanna sem héldu tryggð við landslagsmálverkið á sjötta og sjöunda áratug síðustu aldar þegar flestir sneru sér að abstraktmálverkinu. Hrólfur var í sýningarnefnd Félags íslenskra myndlistarmanna í nokkur ár og í safnráði Listasafns Íslands 1973– 1980. Hrólfur hélt þrjár einkasýningar á verkum sínum. Þá fyrstu í Bogasal Þjóðminjasafnsins árið 1962, aðra á Kjarvalsstöðum 1992 í boði Menningarmálanefndar Reykjavíkur og þá síðustu í Gerðarsafni í Kópavogi 1996 í boði Listasafns Kópavogs. Þá tók hann þátt í fjölda samsýninga hér á landi og erlendis." Árið 1948 kvæntist Hrólfur Margréti Árnadóttur, deildarstjóra og myndlistarmanni, en hún er fædd 12.12. 1926. Hrólfur og Margrét eignuðust tvær dætur.

Sonur Elísabetar Evertsdóttur og Magnúsar Ásgrímssonar sem bjuggu m.a. á Rein í Hegranesi. Eðvald fórst með vélbátnum Þengli út af almenningum á leið til Siglufjarðar.

Haukur Hafstað fæddist í Vík í Skagafirði hinn 23. desember 1920. Foreldrar hans voru Árni J. Hafstað, bóndi í Vík, og kona hans Ingibjörg Sigurðardóttir. Haukur ólst upp í Vík og stundaði nám í Flensborgarskóla í Hafnarfirði, þar sem hann lauk gagnfræðaprófi. Haukur kvæntist árið 1949 Áslaugu Sigurðardóttur, þau eignuðust fjögur börn. ,,Haukur og Áslaug bjuggu í Vík til ársins 1972 en þá fluttu þau til Reykjavíkur þegar Haukur gerðist framkvæmdastjóri Landverndar, en því starfi gegndi hann rúman áratug. Þau fluttu norður aftur árið 1986, í hús sem þau reistu í Víkurlandi og nefndu Hávík. Nyrðra vann hann ýmis störf og var meðal annars eftirlitsmaður Náttúruverndarráðs við byggingu Blönduvirkjunar. Í Hávík bjuggu þau uns þau fluttust á Heilbrigðisstofnun Sauðárkróks árið 2004. Haukur sinnti margvíslegum félagsmálum.Hann starfaði fyrir Sósíalistaflokkinn og sat í flokksstjórn Sósíalistaflokksins og í miðstjórn Alþýðubandalagsins. Hann var í framboði fyrir Sósíalistaflokkinn og Alþýðubandalagið í Skagafirði og Norðurlandskjördæmi vestra. Sat á Alþingi sem varamaður árið 1972. Hann var formaður Karlakórsins Heimis um árabil og í stjórn Leikfélags Skagafjarðar. Þá var hann áhugamaður um skógrækt og náttúruvernd almennt og starfaði í ýmsum félögum því tengdum."

Fæddur á Ísafirði. Foreldrar: Sigurður Sigurðsson, sýslumaður Skagfirðinga og Stefanía Arnórsdóttir. Stefán stundaði ýmis störf til lands og sjós á yngri árum. Varð stúdent frá Menntaskólanum á Akureyri 1942 og cand. Juris frá Háskóla Íslands árið 1951. Að námi loknu gegndi hann stöðu fulltrúa sýslumanns Skagfirðinga og bæjarfógetans á Sauðárkróki, eða frá 1952-1961. Hann varð héraðsdómslögmaður árið 1958. Maki: Erla Gísladóttir. Þau eignuðust ekki börn. Þau fluttust á Akranes árið 1961 og starfaði Stefán um skeið sem fulltrúi bæjarfógeta þar. Stofnaði síðan lögmannsstofu sem hann rak til dánardags.

Sigurður Haukur Eiríksson fæddist á Sauðárkróki 14. desember 1922. Foreldrar hans voru hjónin Eiríkur Kristjánsson, kaupmaður á Akureyri og María Þorvarðardóttir. Sigurður kvæntist 15. júní 1950 Auði Ingvarsdóttur tannsmíðameistara, f. 1922 á Norðfirði, þau eignuðust tvö börn. ,,Sigurður ólst upp á Akureyri. Hann fór í Menntaskólann á Akureyri og síðan í verslunarskóla í Kaupmannahöfn. Að námi loknu starfaði hann fyrst í Bandaríkjunum, en eftir heimkomuna starfaði hann sem skrifstofustjóri hjá IBM og aðalbókari hjá Loftleiðum og síðar hjá Flugleiðum. Sigurður var íþróttamaður og lagði einkum stund á sund. Hann tók þátt í starfi og uppbyggingu KA og var formaður þess árið 1945."

Jóhann Pálsson, fyrrv. forstöðumaður Hvítasunnusafnaðarins á Akureyri, fæddist á Sauðárkróki 28. nóvember 1920. Foreldrar hans voru Páll I. Jóhannsson og Ágústa Runólfsdóttir. ,,Jóhann ólst upp í stórum systkinahópi á Sauðárkróki, gekk þar í barnaskóla, tvo vetur í unglingaskóla og stundaði nám í biblíuskóla hjá hvítasunnumönnum í Stokkhólmi. Flutti til Akureyrar og vann hjá Akureyrarbæ í tæp 40 ár ásamt því að vera forstöðumaður Hvítasunnuhreyfingarinnar á Akureyri í 36 ár. Að því loknu starfaði hann, ásamt konu sinni, Huldu Sigurbjörnsdóttur, á meðferðarheimilinu Hlaðgerðarkoti frá 1989 til 1997. Þá fluttu þau hjónin til Akureyrar að nýju og bjuggu þar til dauðadags."

Brynleifur Sigurjónsson fæddist á Gili í Svartárdal 20. desember 1917. Foreldrar hans voru Sigrún Tobíasdóttir húsfreyja og Sigurjón Helgason, bóndi í Geldingaholti, þar sem Brynleifur ólst upp. ,,Í lok desember 1955 giftist Brynleifur Öldu Gísladóttur en þau höfðu þá verið trúlofuð og búið saman í áratug. Þau bjuggu lengst á Laufásvegi 27 í Reykjavík en fluttu um aldamótin á Skúlagötu 40. Þau voru barnlaus. Brynleifur starfaði sem flutningabílstjóri og leigubílstjóri, m.a. á Hreyfli."

Pálmi Anton Sigurðsson fæddist 17. október 1921 að Á í Unadal. Foreldrar hans voru hjónin Sigurður Þorlákur Sveinsson frá Þrastastaðagerði, bóndi Mannskaðahóli á Höfðaströnd og víðar í Skagafirði, og Guðbjörg Þuríður Sigmundsdóttir frá Bjarnastöðum í Unadal. Eiginkona Pálma var Guðrún Lovísa Snorradóttir frá Stóru-Gröf, þau giftu sig 17. maí 1953, þau eignuðust þrjú börn, fyrir átti Pálmi eina dóttur. ,,Pálmi fluttist 10 ára með foreldrum sínum frá Á í Hólakot á Reykjaströnd þar sem þau reistu bú, en fluttist svo með þeim til Sauðárkróks 1937. Var í farskóla í sveitinni og í unglingaskóla hjá sr. Helga Konráðssyni. Stundaði almenn sveitastörf og fór ungur að vinna í Bakaríinu hjá Guðjóni bróður sínum ásamt því að stunda sjómennsku á smábátum. Var við bjargsig í úthaldi Marons bróður síns í Drangey. Tók námskeið í vélstjórn á Akureyri og fékk 250 hestafla réttindi sem vélgæslumaður. Var á síldarbátum og togurum, sigldi til Englands með Huginn í stríðinu. Stundaði almenna verkamannavinnu og sjómennsku þar til hann fór að vinna hjá Mjólkursamlagi Skagfirðinga 1954, þar sem hann vann út starfsævina í rúm 40 ár. Pálmi var virkur félagi og gengdi trúnaðarstörfum í verkamannafélaginu Fram. Hann hafði góða bassarödd og söng í Kirkjukór Sauðárkróks og Karlakór Sauðárkróks. Byggði sér fallegt heimili 1958 að Ægisstíg 3, þar sem fjölskyldan bjó. Eftir veikindi 2010 vistaðist hann á Dvalarheimili aldraðra á Sauðárkróki þar sem hann bjó við gott atlæti til hinstu stundar."

Var á Fagurhóli, Ólafsvíkursókn, Snæf. 1930. Ókvæntur og barnlaus. Drukknaði.

Þorvaldur fór til náms í Flensborgarskóla og útskrifaðist þaðan með kennarapróf árið 1904. Árið 1909 kvæntist Þorvaldur Salóme Pálmadóttur frá Ytri-Löngumýri. 1910 fluttu þau að Þverárdal á Laxárdal fremri og þaðan ári seinna að Mörk í sömu sveit. Árið 1915 fluttu þau til Sauðárkróks þar sem þau tóku við stjórnun og rekstri sjúkrahússins á staðnum. Árið 1920 keyptu þau Brennigerði í Borgarsveit, þar sem þau bjuggu til 1930 er þau fluttust á Sauðárkrók. Þegar þau bjuggu í Brennigerði stundaði Þorvaldur farkennslu í Skarðs- og Rípurhreppi meðfram búskapnum. Eftir að þau fluttu í Krókinn réðst hann til starfa við Barnaskóla Sauðárkróks þar sem hann starfaði meðan starfsævi entist. Þorvaldur var hreppstjóri Sauðárkróks um 14 ára skeið og var oftar en einu sinni settur sýslumaður í forföllum. Hann var um árabil endurskoðandi Sparisjóðs Sauðárkróks og var verkstjóri við sláturhúsið nokkur haust. Þá sat hann í hreppsnefnd Skarðshrepps og skattanefnd, árin sem hann bjó í Brennigerði.
Þorvaldur og Salóme eignuðust fjögur börn.

Hildur Þorbjörg Eiríksdóttir fæddist í Þverárdal í Austur-Húnavatnssýslu hinn 25. janúar 1920. Foreldrar hennar voru Eiríkur Björnsson frá Skeggsstöðum í Austur-Húnavatnssýslu og Margrét Reginbaldsdóttir frá Flateyri við Önundarfjörð. Hildur ólst upp hjá foreldrum sínum á Sjávarborg í Skagafirði frá 1921-1927 og á Gili í Skagafirði 1927-1937 en þá fluttist fjölskyldan til Sauðárkróks. Eftir barnaskóla stundaði Hildur nám við Unglingaskóla Sauðárkróks og Kvennaskólann í Reykjavík. Hildur giftist 1943 Snorra Dalmar Pálssyni, þau eignuðust fjögur börn. Hildur starfaði í Reykjavík í Hjúkrunarskóla Íslands og Öldrunardeild Landspítala í Hátúni.

Ólína Ragnheiður Jónsdóttir fæddist á Steinholti í Staðarhreppi. Foreldrar hennar voru Jón Jóhannesson og Guðrún Jónsdóttir. ,,Ólína ólst upp á Sauðárkróki og stundaði nám við barna- og unglingaskólann þar. 1939-40 stundaði hún framhaldsnám á Laugarvatni og 1946-47 við húsmæðraskólann á Löngumýri. 1947 giftist Ólína Gunnlaugi Magnúsi Jónassyni. 1947 hófu þau búskap í Hátúni og héldu búi þar til 2008. Ólína vann ýmis störf á lífsleiðinni, í 8 ár vann hún á símstöðinni á Sauðárkróki, einnig vann hún við símstöðina í Varmahlíð í fjölda mörg ár. Lengst af starfaði hún sem safnvörður í byggðasafninu í Glaumbæ í ein 25 ár. Ólína var virkur meðlimur í kvenfélagi Seyluhrepps allt til æviloka og söng með kirkjukór Glaumbæjarkirkju í fjölda ára." Ólína og Gunnlaugur eignuðust tvo syni.

Halldóra Sigurlaug Jónsdóttir fæddist í Þverárdal í Bólstaðarhlíðarhreppi, Austur-Húnavatnssýslu, 11. mars 1921. Foreldrar Halldóru voru Jón Björnsson bóndi á Heiði og Finney Reginbaldsdóttir. ,,Halldóra ólst upp í Skagafirði. Fram til 5 ára aldurs bjó hún á Sjávarborg í Borgarsveit og til 15 ára aldurs á Heiði í Gönguskörðum er hún flutti til Sauðárkróks. Hún hóf skólagöngu sína í farskólum til skiptis á bæjunum Heiði og Veðramóti og útskrifaðist gagnfræðingur frá Sauðárkróki. Hún stundaði síðan nám í húsmæðradeild Kvennaskólans í Reykjavík. Halldóra fór þá til starfa á Sjúkrahúsi Siglufjarðar. Á Siglufirði kynntist hún eiginmanni sínum Jóhannesi Þórðarsyni og bjuggu þau þar eftir það. Halldóra vann meðal annars við verslunarstörf, síldarsöltun og ræstingar. Halldóra starfaði mikið að félagsmálum og lét til sín taka í mörgum félagasamtökum, meðal annars í Slysavarnafélaginu, Rauða krossinum, Krabbameinsfélaginu, Hjartavernd og Framsóknarflokknum. Í mörgum félögunum á Siglufirði var hún formaður um langt skeið. Hún starfaði jafnframt í nefndum á vegum Siglufjarðarbæjar." Halldóra og Jóhannes eignuðust tvö börn.

Fæddur í Hallgerðarstaðakoti í Hörgárdal 18. janúar 1923, ólst upp á Akureyri. Kvæntist Gyðu Ólafsdóttur, þau eignuðst þrjú börn. Stefán starfaði sem vélstjóri, búsettur í Reykjavík.

Foreldrar: Guðmundur Guðni Kristjánsson og Lára Ingibjörg Magnúsdóttir. Magnús var bifreiðastjóri á Sauðárkróki.

Fæddur 7. maí 1921 á Hofdölum í Viðvikursveit, sonur Sigurðar Stefánssonar og Önnu Einarsdóttur, kennd við Rein í Hegranesi. Indriði starfaði sem stýrimaður. Kvæntist Erlu Árnadóttur Hafstað frá Vík, þau eignuðust fimm börn. Síðast bús. á Seltjarnarnesi.

Ingvar Jónsson fæddist í Steinholti í Staðarhreppi í Skagafirði 8. janúar 1917. Foreldrar hans voru Áslaug Egilsdóttir og Jón Guðmundsson. ,,Ingvar ólst upp á Sauðarkróki. Hann stundaði nám í Íþróttaskólanum í Haukadal 1937-38. Hinn 19. apríl 1942 kvæntist Ingvar Elínborgu Ásdísi Árnadóttur frá Kringlu í Torfalækjarhreppi. Bjuggu þau fyrstu árin á Sauðárkróki en fluttu til Akranes 1945 og svo til Skagastrandar 1950 og bjuggu þar allt til enda, þau eignuðust þrjú börn."

Sonur Karólínu Sigurrósar Konráðsdóttur og Halldórs Stefánssonar smiðs á Sauðárkróki. Kaupmaður í Hafnarfirði, kvæntist Guðrúnu Valdimarsdóttur.

Sonur Emilíu Sveinsdóttur og Friðriks Jónssonar. Kennari við Reykjaskóla í Hrútafirði, síðar við Vélskóla Íslands og loks fulltrúi á lögfræðiskrifstofu Útvegsbankans í Reykjavík. Síðast bús. í Reykjavík.

Búsett í Reykjavík 1930 og 1945, fór til Ameríku, kvæntist þar, barnlaus.

Lausakona á Ytri-Reykjum, Melstaðarsókn, V-Hún. 1930. Heimili: Helguhvammur. Síðast bús. í Reykjavík.

Fædd að Selárdal í Arnarfirði. Kvæntist sr. Magnúsi Jónssyni, síðar guðfræðiprófessor í Reykjavík.

Dóttir Bennie-ar Lárusdóttur (Ingveldar Benediktu) og sr. Magnúsar Jónssonar. Bankaaðstoðarmaður á Laufásvegi 63, Reykjavík 1930. Húsfreyja í Reykjavík 1945. Síðast bús. í Reykjavík.

Var á Laufásvegi 61, Reykjavík 1930. Tannlæknir.

Húsfreyja í Reykjavík.

Skrifstofumaður og framkvæmdastjóri í Reykjavík.

Sonur Hólmfríðar Guðrúnar Benediktsdóttur og Skúla Jónssonar. Sigurður mun að nokkru leyti hafa alist upp hjá Sr. Jóni Ó. Magnússyni, eða þeirri fjölskyldu, og varð síðar kaupmaður í Reykjavík. Kvæntist Helgu Einarsdóttur Markan.

Kaupmaður í R.vík

Fæddur á Páfastöðum. Foreldrar hans voru Stefán Jónasson og Guðrún Ólafsdóttir. Móðir hans giftist síðar Alberti Kristjánssyni b. og oddvita á Páfastöðum. Snorri ólst upp hjá móður sinni og stjúpa á Páfastöðum fram yfir fermingaraldur. Útskrifaðist úr Möðruvallaskóla 1896, stundaði farkennslu á árunum 1902-1907. Lengst af bóndi í Stóru-Gröf á Langholti. Kvæntist Jórunni Sigurðardóttur frá Litlu-Gröf, þau eignuðust fimm börn.

Búsett í Stykkishólmi.

Frá Kálfatjörn. Síðast búsett í Reykjavík.

Búsett í Vestmannaeyjum, seinna í Reykjavík.

dóttir Helga Helgasonar og kona Sigurðar Magnússonar

Helgi ólst upp á Steinsstöðum, sonur Daníels Sigurðsson pósts á Steinsstöðum og s.k.h. Sigríðar Sigurðardóttur. Bóndi í Flugumýrarhvammi 1913-1916, 1918-1919 og 1922-1924, á Uppsölum 1920-1922, í Enni í Viðvíkursveit 1924-1927, á Miklahóli í Viðvíkursveit 1927-1928, á Sléttu í Fljótum 1929-1938, flutti þaðan á Siglufjörð. Eftir að þangað kom starfaði Helgi hjá Síldarverksmiðjum ríkisins og annaðist einnig flutninga á varningi til fólks í heimahús, m.a. kolum og olíu.
Kvæntist 1920, Guðbjörgu Ágústu Jóhannsdóttur frá Þorsteinsstaðakoti, þau eignuðust ekki börn saman en ólu upp son Helga frá fyrra sambandi.

Búsett í Reykjavík.

Sonur Björns Sveinssonar og Guðbjargar Jónsdóttur. Ólst upp með foreldrum sínum í Húnaþingi til 11 ára aldurs. Árið 1915 keypti Jón jörðina Þverárdal í Laxárdal fremri ásamt föður sínum. Sumarið 1919 kvæntist hann Finneyju Reginbaldsdóttur frá Látrum í Aðalvík. Árið 1921 keyptu ungu hjónin og faðir hans jörðina Sjávarborg í Borgarsveit og bjuggu þar til 1926 er Jón keypti Heiði í Gönguskörðum þar sem þau bjuggu í tíu ár. Árið 1936 fluttu þau til Sauðárkróks og keyptu fljótlega Hótel Tindastól þar sem þau ráku veitinga- og gistiþjónustu fram á árið 1941 er breska setuliðið krafðist afnota af húsinu. Í Skarðshreppi gegndi Jón ýmsum trúnaðarstörfum, sat í hreppsnefnd og sýslunefnd, var formaður búnaðarfélags og virðingarmaður fasteigna. Á Sauðárkróki starfaði Jón sem sláturhússtjóri hjá Sláturfélagi Skagfirðinga í 11 ár, sá um gæðamat og vigtun á ull og gærum hjá K.S., var stöðvarstjóri hjá Vörubílastöð Skagafjarðar í 18 ár, umboðsmaður fyrir Ölgerð Egils Skallagrímssonar í 34 ár og Líftryggingafélagið Andvöku í allmörg ár. Jón var einn af stofnendum Byggingarsamvinnufélags Sauðárkróks og Stangveiðifélags Sauðárkróks og formaður beggja félaga um tíma.
Jón og Finney eignuðust tvær dætur.

Sonur Sigurðar Ellerts Gunnlaugssonar smiðs á Sauðárkróki og Önnu Guðmundsdóttur. Húsasmiður og slökkviliðsstjóri á Sauðárkróki, kvæntist Guðbjörgu Hjálmarsdóttur frá Grímsstöðum í Svartárdal.

Fóstursonur Guðmundar Sigurðssonar og Guðbjargar Hjálmarsdóttur.

Foreldrar: Sigurður Jónsson b. á Ystu-Grund og k.h. Sigurlaug Sveinsdóttir. Eftir fermingu kom Jóhann sér í daglaunavinnu á Akureyri og stundaði sjó frá Ólafsfirði eitt sumar. Árið 1904, þá 21 árs, hóf hann búskap í Hjaltastaðakoti (nú Grænamýri) þar sem hann bjó í fjögur ár. Árið 1907 keypti hann Borgargerði í Norðurárdal og flutti þangað 1908 en það sama ár kvæntist hann Ingibjörgu Gunnlaugsdóttur frá Mið-Grund. Árið 1915 keypti Jóhann Úlfsstaði í Blönduhlíð og bjó þar 1917-1943. Jóhann tók virkan þátt í félagsmálum, sat í hreppsnefnd um skeið og var mörg ár formaður Búnaðarfélags Akrahrepps. Jóhann var jafnframt heiðursfélagi Ræktunarfélags Norðurlands og sæmdur heiðurslaunum úr styrktarsjóði Kristjáns konungs IX. Jóhann og Ingibjörg eignuðust fjögur börn.

Foreldrar: Halldór Einarsson b. á Íbishóli og barnsmóðir hans Helga Sölvadóttir. Bjarni ólst upp hjá móður sinni og fylgdi henni í vinnumennsku. Árið 1917 fór hann í Hvítárbakkaskóla þar sem hann dvaldi í tvo vetur. Bóndi á Völlum í Vallhólmi 1921-1925 og á Uppsölum í Blönduhlíð 1925-1973. Bjarni tók mikinn þátt í félags- og trúnaðarstörfum; var í hreppsnefnd Akrahrepps 1937-1950, í skattanefnd hreppsins 1938-1946 og yfirskattanefnd sýslunnar 1947-1962. Formaður í fasteignamatsnefnd Skagafjarðarsýslu 1963-1970 og fulltrúi Skagfirðinga á fundum Stéttarsambandsins bænda um 30 ára skeið. Jafnframt var hann fjallskila- og gangnastjóri lengi, starfaði í ungmennafélagi Akrahrepps, sat í skólanefnd og sóknarnefnd og var í stjórn Sögufélags Skagfirðinga um árabil. Bjarni kvæntist Sigurlaugu Jónasdóttur frá Völlum í Vallhólmi, þau eignuðust átta börn.

Fæddur og uppalinn á Silfrastöðum, sonur Steingríms Jónssonar og Kristínar Árnadóttur. Jóhannes vann að búi föður síns uns hann tók að fullu við búsforráðum árið 1915, það sama ár kvæntist hann Jóhönnu Soffíu Jóhannsdóttur frá Lýtingsstöðum í Tungusveit. Varði sambúð þeirra aðeins í tæp 12 ár en hún lést úr berklum 1927, þau eignuðust tvær dætur, þær létust báðar á barnsaldri. Jóhannes sat í hreppsnefnd 1915-1922 og aftur 1928-1958, oddviti 1937-1958, hreppstjóri 1948-1961, hartnær tvo áratugi í skattanefnd og um tíma formaður búnaðarfélags Akrahrepps. Þá var hann símstöðvarstjóri og bréfhirðingamaður til fjölda ára.

Bóndi Írafelli í Kjós. Síðast búsettur í Kópavogi.

Sonur Nikódemusar Jónssonar og Valgerðar Jónsdóttur. Útgerðarmaður á Sauðárkróki. Kvæntist Pálmeyju Haraldsdóttur, þau eignuðust fimm börn.

Lára Ingibjörg Magnúsdóttir, f. 19.07.1894 á Sauðárkróki, d. 15.07.1990 í Reykjavík. Foreldrar: Hildur Margrét Pétursdóttir Eriksen og Magnús Guðmundsson verslunarmaður og verkstjóri á Sauðárkróki. Lára ólst upp í foreldrahúsum. Maki: Guðmundur Guðni Kristjánsson frá Meira Garði í Dýrafirði. Þau eignuðust átta börn. Þau hófu búskap í Súðavík en fluttust svo á Ísafjörð. Árið 1966 fluttu þau til Reykjavíkur. Lára hafði mikinn áhuga á tónlist og hannyrðum.

Sonur Magnúsar Guðmundssonar verslunarmanns á Sauðárkróki og Hildar Margrétar Pétursdóttur. Endurskoðandi í Reykjavík.

Dóttir Magnúsar Guðmundssonar verslunarmanns á Sauðárkróki og Hildar Margrétar Pétursdóttur. Tvíburasystir Kristjáns C. Magnússonar. Lést tæpra átta ára gömul.

Fædd í Gilsárvallahjáleigu í N.-Múl. Fór fjögurra ára gömul í fóstur að Úlfsstöðum í Loðmundarfirði. Trúlofaðist dönskum skipstjóra og eignaðist með honum tvö börn. Kvæntist síðan Þorvaldi Einarssyni frá Nýjabæ á Álftanesi og flutti með honum til Sauðárkróks. Lára var félagi í Hinu skagfirska kvenfélagi og í stúkunni Gleym mér ei.
Þorvaldur og Lára eignuðust tvö börn.

Frá Nýjabæ á Álftanesi, þar sem hann ólst upp með foreldrum sínum til fermingaraldurs. 23 ára gamall réðst hann sem kaupamaður að Veðramóti í Gönguskörðum. Þaðan fluttist hann til Sauðárkróks og var þar búsettur upp frá því og stundaði sjómennsku og aðra verkamannavinnu. Árið 1875 kvæntist hann Láru Sigfúsdóttur frá Gilsárvallahjáleigu í N.-Múlasýslu, þau eignuðust tvær dætur.

Dóttir Þorvaldar Einarssonar og Láru Sigfúsdóttur. Ólst upp með foreldrum sínum á Sauðárkróki og hlaut töluverða menntun bæði þar og á Akureyri. Hafði góða söngrödd og söng í kirkjukór Sauðárkróks um tíma. Kvæntist Árna Halldórssyni skósmiði, þau bjuggu lengst af á Hofsósi og eignuðust þrjár dætur.

Sonur Sölva Jónssonar járnsmiðs og vélgæslumanns á Sauðárkróki og k.h. Stefaníu Marínar Ferdinandsdóttur. Kristján ólst upp með foreldrum sínum á Sauðárkróki og naut þeirrar skólagöngu sem í boði var á Sauðárkróki, lauk barnaskóla og var einn vetur í unglingaskóla. Hann tók minna mótorvélstjórapróf á vegum Fiskifélags Íslands á Akureyri 1937 og sótti eftir það nokkur námskeið í Reykjavík. Hann var vélstjóri á mótorbátnum Baldri 1933-1937, vélstjóri við hafnargerðina á Sauðárkróki 1937-1940 og á mótorbátnum Úlfi Uggasyni til 1942. Hann var verkstjóri við hafnargerð á Hvammstanga ásamt sveini bróður sínum 1945, en frá 1942 var hann vélgæslumaður í frystihúsi Kaupfélags Skagfirðinga og Fiskiðjunnar hf. þar sem hann starfaði til 1990. Einnig var Kristján oft kallaður til lögreglustarfa. Hann hafði mikið yndi af skepnum og átti nokkrar ær sem hann hafði í fjárhúsi uppi á Nöfum. Kristján var lipur fimleikamaður á yngri árum og var oft í sýningarflokkum heima í héraði á hátíðisdögum, góður söngmaður og annálaður dansari.
Kristján var ókvæntur og barnlaus.

Sonur Sölva Sveinssonar og Stefaníu Marínar Ferdinandsdóttur. Sveinn ólst upp á Sauðárkróki hjá foreldrum sínum til níu ára aldurs þegar hann fór í fóstur að Völlum í Vallhólmi þar sem hann dvaldi til 1925. Það sama ár, þá 17 ára gamall, eignaðist Sveinn sinn fyrsta bát og notaði hann mest við svartfuglaskytterí. Árin 1929-1930 og 1932-1933 var hann á vertíð í Höskuldarkoti. Á þessum árum vann hann einnig við vöruflutninga og í vegavinnu. Frá 1933-1946 gerði Sveinn út bátinn Baldur. Sumarið 1934 var Sveinn í síld á Siglufirði og sumrin 1937-1939 var hann í hafnargerðinni á Sauðárkróki. Á þessum árum gerði Sveinn einnig út bátinn Úlf Uggason. Sveinn vann síðan við fiskvinnslu, uppskipun o.fl. hjá Kaupfélagi Skagfirðinga og árið 1945 voru þeir Kristján bróðir hans verkstjórar við hafnargerð á Hvammstanga. Sveinn var lengi tækjamaður hjá Fiskiðjunni og vann við plastgerðina Dúða á sjöunda áratugnum. Síðasti vinnustaður hans var saumastofan Ylrún þar sem hann starfaði við móttöku á vörusendingum og pökkun og sendingu á framleiðsluvörum hennar. Sveinn var virkur í verkamannfélaginu Fram og gegndi margs konar trúnaðarstörfum fyrir félagið. Einnig starfaði hann í leikfélaginu, Slysavarnarfélaginu og tók þátt í kórastarfi. Sveinn kvæntist Margréti Sigþrúði Kristinsdóttur frá Krossanesi, þau eignuðust fjögur börn.

Sonur Sölva Jónssonar járnsmiðs og vélgæslumanns á Sauðárkróki og k.h. Stefaníu Marínar Ferdinandsdóttur. Prentari í Reykjavík.

Guðjón Jósafat Einarsson fæddist 28. maí 1919 í Ási í Hegranesi. Foreldrar hans voru hjónin Valgerður Jósafatsdóttir frá Syðri-Hofdölum og Einar Guðmundsson, bóndi í Ási, Hegranesi. 1958 kvæntist Guðjón Steinunni Örnu Sigurjónsdóttur, þau eignuðust einn son og voru búsett á Sauðárkróki. ,,Guðjón starfaði lengst af við byggingar og múrverk hjá Byggingarfélaginu Hlyn hf. og síðustu starfsárin hjá Loðskinni hf. á Sauðárkróki."

Sonur Sölva Jónssonar járnsmiðs og vélgæslumanns á Sauðárkróki og k.h. Stefaníu Marínar Ferdinandsdóttur. Bátsformaður og vélamaður á Sauðárkróki 1930. Verkstjóri, vélsmiður og vélstjóri, síðast bús. á Akureyri. Kvæntur Karólínu Gísladóttur.

Sonur Láru Sigfúsdóttur frá Gilsárvallahjáleigu í Borgarfirði eystri og dansks skipstjóra, unnusta Láru, sem fórst með skipi sínu. Pétur ólst upp hjá Einari Erlendssyni og Sigríði Þorsteinsdóttur í Grjótárgerði í S-Þing., til 19 ára aldurs er hann flutti til Sauðárkróks. Á Sauðárkróki nam hann skósmíði hjá Guðmundi Vigfússyni og lauk sveinsprófi í iðninni eftir tilskilinn námstíma. Þessa iðn sína stundaði Pétur svo að mestu til æviloka. Pétur tók mikinn þátt í félags- og menningarmálum; var í stúkunni "Gleym mér ei" í yfir 40 ár og tók mikinn þátt í leik- og söngstarfi. Kvæntist Ingibjörgu Ólafsdóttur frá Harrastöðum á Skagaströnd, þau eignuðust 14 börn, aðeins fimm þeirra komust til fullorðinsaldurs. Pétur átti einnig dóttur með Halldóru Árnadóttur.

Dóttir Jóns Guðmundssonar hreppstjóra á Sauðárkróki (1907-1920) og Guðbjargar Sölvadóttur frá Skarði. Kvæntist Birni Magnússyni frá Garðakoti. Þau bjuggu á Borðeyri og Ísafirði.

Sonur Sigurgeirs Stefánssonar og s.k.h. Guðlaugar Hjálmsdóttur. Var verslunarmaður hjá Kristjáni Gíslasyni á Sauðárkróki, síðar starfsmaður við Búnaðarbanka Íslands í Reykjavík. Kvæntist Aðalbjörgu Albertsdóttur.

Var í fóstri í Hólakoti á Reykjaströnd, fiskmatsmaður í Bolungarvík og sjómaður á Sauðárkróki og í Hnífsdal. Síðast búsettur á Siglufirði.

Foreldrar: Jón Bergsson b. í Nefsstaðakoti og Þrasastöðum í Stíflu og k.h. Sigríður Eiríksdóttir. Bergur ólst upp hjá foreldrum sínum á Þrasastöðum og fermdist þaðan 1905. Sjö ára gamall varð hann næstum úti á Lágheiði, en Ingibjörg Bergsdóttir föðursystir hans bjargaði lífi hans og fórnaði sínu eigin með því að tína af sér föt til að skýla honum. Bóndi í Nefsstaðakoti 1913-1914, í Lundi 1914-1916, í Hólum í Fljótum 1916-1917. Meðfram búskap stundaði Bergur sjóinn sem flestir Fljótamenn á þeim árum, var á þilskipum, sem gengu frá Eyjafjarðarhöfnum, eða reru úr Haganesvík. Kvæntist Guðnýju Ólöfu Benediktsdóttur frá Neðra-Haganesi, þau eignuðust tvo syni. Bergur lést úr berklum aðeins 27 ára gamall.

Foreldrar: Benedikt Stefánsson og Ingibjörg Pétursdóttir í Neðra-Haganesi. Guðný ólst upp hjá foreldrum sínum á Neðra-Haganesi til 1899 er faðir hennar drukknaði. Árið 1900 fór hún að Þrasastöðum í fóstur til hjónanna Guðmundar Bergssonar og Guðnýjar Jóhannsdóttur og var þar léttastúlka og síðar vinnukona 1900-1913, er hún gekk að eiga Berg Jónsson og hófu þau búskap í Nefsstaðakoti. Bergur lést úr berklum 1917, aðeins 27 ára gamall og heimilið leystist upp. Árin 1917-1922 var Guðný í húsmennsku hér og þar í Fljótum. 1922 hóf hún sambúð með Jóni Jóakimssyni á jörðinni Hólum í Austur-Fljótum, sú sambúð varði aðeins í tvö ár. Á þessum tíma var Guðný orðin veik af berklum og var flutt á Kristneshæli þar sem hún lést 1927. Guðný eignaðist tvo syni með Bergi og einn son með Jóni.

Jóhann Jóhannesson, f. 23.07.1870, d. 04.11.1914. Móðir: Guðlaug Hannesdóttir (04.10.1845-04.07.1882).
Skósmiður og kaupmaður. Bóndi í Jóhannshúsi, Sauðárkrókssókn 1901. Húsbóndi í Reykjavík 1910.

Sonur Magnúsar Vigfússonar og Guðrúnar Stefánsdóttur sem bjuggu í Garðakoti 1878-1898. Símstjóri á Ísafirði og Borðeyri. Kvæntist Ingibjörgu Jónsdóttur.

Verkamaður á Sauðárkróki, vinnumaður hjá K.G.

Foreldrar: Sveinn Jónsson b. og oddviti á Hóli og k.h. Hallfríður Sigurðardóttir. Guðmundur ólst upp hjá foreldrum sínum á Hóli í Sæmundarhlíð. Lauk námi frá Hólaskóla tvítugur og réðst þá um haustið til verknáms við landbúnaðarháskólann að Ási í Noregi. Sneri aftur tveimur árum síðar og hafði þá einnig starfað við og kynnt sér landbúnað í Danmörku og Þýskalandi. Eftir heimkomuna 1915 vann hann um skeið við túnmælingar og kortagerð, en einnig kennslustörf. Árið 1920 réðst Guðmundur til Kaupfélags Skagfirðinga og starfaði þar í tvö ár. Hjá Kristjáni Gíslasyni kaupmanni og Sameinuðu verslunum á Sauðárkróki starfaði hann 1922-1927, en sneri þá til kaupfélagsins á ný og starfaði þar fram á lokadag eða um fjögurra áratuga skeið, lengst af sem skrifstofustjóri og aðalbókari. Hann sat í stjórnum ungmennafélaga og í stjórn UMSS um skeið, formaður skólanefndar Sauðárkróks um tíma, einnig í stjórn Rafveitu Sauðárkróks og Sparisjóðs Sauðárkróks; formaður Sjúkrasamlags Sauðárkróks og um árabil deildarstjóri Sauðárkróksdeildar K.S. Guðmundur sat í hreppsnefnd Sauðárkróks frá 1942-1947 og síðan í bæjarstjórn til ársins 1958, forseti bæjarstjórnar frá 1951-1958.
Kvæntist Dýrleifu Árnadóttur frá Utanverðunesi, þau eignuðust sjö börn. Þau bjuggu á Hóli í Sæmundarhlíð 1919-1920 en eftir það á Sauðárkróki.

Þórarinn Sigurjónsson, f. á Hafsteinsstöðum í Staðarhreppi 10.05.1891, d. 03.12.1971 á Blönduósi. Foreldrar: Sigurjón Jónsson bóndi á Bessastöðum í Sæmundarhlíð og kona hans Björg Runólfsdóttir. Þórarinn ólst upp hjá foreldrum sínum og nau þar venjulegrar barnafræðslu. Hann fór til náms við Bændaskólann á Hólum haustið 1907 en varð að hætta námi sama vetur vegna veikinda. Hann hóf búskap á Sæunnarstöðum í Hallárdal á Skagaströnd og bjó þar 1912-1914, á Geirmundarstöðum í Sæmundarhlíð 1914-1915, á Auðnum í sömu sveit 1915-1920, í Vík í Staðarhreppi 1920-1922, í Glæsibæ í Staðarhreppi 1932-1937, í Garði 1937-1945. Fluttist þá að Grund á Blönduósi, þar sem hann hafði nokkrar kindur og hross. Hann fór til Reykjavíkur um 1922 en flutti aftur norður 1932. Í Reykjavík vann hann meðal annars við miðstöðvarlagnir.
Maki 1: Hallfríður Sigríður Jónsdóttir (20.05.1893-24.10.1965) frá Auðnum í Sæmundarhlíð. Talið er að þau hjón hafa skilið um 1923, en þór er fjöldkyldan öll talin til heimilis hjá foreldrum Þórarins til 1923. Þó er vitað að Hallfríður hóf störf á sjúkrahúsinu á Sauðárkróki 1923. Hún bjó á spítalanum og varð síðar hjúkrunarkona þar. Þórarinn og Hallfríður eignuðust fimm börn og Hallfríður eignaðist einn son utan hjónabands.
Maki 2: Sigurlaug Lárusdóttir (18.11.1897-11.08.1973). Þau eignuðust ekki börn saman.

Sigurður Ólafsson, f. 29.10.1892 í Hróarsdal í Hegranesi. Foreldrar: Ólafur Ágúst Guðmundsson, f. 1865 og Sigurbjörg Anna Jónasdóttir f. 1869. Foreldrar Sigurðar voru í húsmennsku í Hróarsdal 1892-1894, bóndi á hluta af Ríp 1894-1897 og á hálfri Ytri-Vík í Staðarhreppi 1897-1898 en fékk Kárastaði til ábúðar 1898. Eftir andlát föður síns 1921 bjuggu Sigurður og bræður hans ásamt móður sinni á Kárastöðum. Sigurður lést ógiftur og barnlaus. Hann var mikill hagyrðingur og fræðimaður.

Foreldrar: Jón Guðmundsson bóndi í Teigi og kona hans Elísabet Jóhannsdóttir frá Krossi. Guðmundur fluttist með foreldrum sínum að Teigi þegar hann var tveggja ára gamall og ólst þar upp og átti þar heima allt til 1941. Nokkuð eftir fermingu naut hann um skeið kennslu í unglingaskóla og veturinn 1930-1931 stundaði hann nám í unglingadeild sem rekin var í sambandi við búnaðarskólann á Hólum. Eftir það aflaði hann sér þekkingar á bókhaldi og reikningsfærslu, vann skrifstofustörf hjá Kaupfélagi Skagfirðinga meira og minna um 10 ára skeið. Guðmundur var um árabil endurskoðandi ársreikninga Kaupfélags Austur-Skagfirðinga á Hofsósi. Hann var og skipaður fyrsti hreppstjóri Hofsóshrepps, er kauptúninu var skipt úr Hofshreppi og gegndi því embætti í fjögur ár. Maki: Jóhanna Sigmundsdóttir frá Bjarnastöðum í Unadal, þau eignuðust eina dóttur.

Búsett í Brennigerði.

Arnljótur var annar í aldurröð sex barna sem til þroska komust. Hann ólst upp hjá móður sinni en faðir hans dó þegar hann var átta ára. Arnljóur stóð síðan fyrir búi móður sinnar, þar til hann hóf sjálfstðan búskap í Efra-Lýtingsstaðakoti í Tungusveit ásamt Sigurbjörgu konu sinni. Er þau brugu búi á Hafgrímsstöðum 1921, fluttust þau til Sauðárkróks, þar sem Arnljótur stundaði daglauna vinnu í fyrstu, Hann gekk ekki heill til skógar, og mun Jónas Kristjánsson læknir hafa komið því til leiðar að Arnljótur fékk gæslu eða umsjónarstarf á við Sjúkrahúsið og starfaði hann síðan sem sjúkrahússráðsmaður til dánardags en hann lést 41 árs gamall.

Foreldrar: Magnús Benediktsson formaður á Sauðárkróki og k.h. Guðný Jónasdóttir. Þegar hún var 13 ára gömul missti hún föður sinn og ömmu úr taugaveiki. Unnur var næstelst systkina sinna og þurfti fljótlega eftir þetta að fara að vinna fyrir sér. Árið 1918 réðst hún vinnukona hjá Kristínu og Kristni Briem. Þar kynntist hún Jóni Björnssyni og kvæntust þau árið 1919. Árið 1920 keyptu þau sér eigið hús á Sauðárkróki og bjuggu þar næstu 60 árin, þau eignuðust fimm börn.

Foreldrar: Árni Jónsson b. og snikkari í Borgarey og k.h. Guðrún Þorvaldsdóttir. Faðir Árna lést sama ár og hann fæddist, móðir hann kvæntist tveimur árum síðar Pétri Gunnarssyni b. á Stóra-Vatnsskarði. Árni fluttist með móður sinni og stjúpa að Stóra Vatnsskarði 1899 og átti þar heim upp frá því, fyrst sem fyrirvinna hjá stjúpa sínum síðan sem lausamaður. Þá vann hann nokkur vor við jarðabótavinnu. Árið 1924 hóf hann búskap á hálflendunni á Vatnsskarði á móti Benedikt bróður sínum og bjó þar þangað til Þorvaldur sonur hans tók við búsforráðum. Árið 1931 kvæntist hann Sólveigu Einarsdóttur frá Varmalandi í Sæmundarhlíð, þau bjuggu á Vatnsskarði alla sína búskapartíð, þau eignuðust tvö börn.

Foreldrar: Einar Jónsson b. á Varmalandi, og k.h. Rósa Gísladóttir. Sólveig ólst upp í foreldrahúsum á Varmalandi en þegar faðir hennar lést árið 1922 fór hún að vinna fyrir sér á ýmsum bæjum var m.a. vinnukona á Stóra Vatnsskarði 1925-1926. Sólveig var einstaklega nærfærin við skepnur og bráðlagin hestakona. Kvæntist Árna Árnasyni frá Stóra-Vatnsskarði og þar bjó hún til dauðadags. Sólveig og Árni eignuðust tvö börn.

Foreldrar: Árni Magnússon og Baldvina Ásgrímsdóttir á Syðra-Mallandi á Skaga. Ásmundur ólst upp á heimili foreldra sinna á ýmsum stöðum en hóf ungur sjóróðra frá Hofsósi og Drangey, var auk þess sigmaður í Drangey laust uppúr aldamótunum. Eina vertíð réri hann frá Klöpp í Sandgerði, líklega árið 1905, en uppfrá því með Sveini Jónatanssyni á Hrauni á Skaga og Steini syni hans, bæði fisk og hákarl. Sjálfur átti hann tvo báta, skektu og fjögurra manna far. Ásmundur kvæntist árið 1906 Steinunni Sveinsdóttur og voru þau í vinnumennsku í Víkum á Skaga 1906-1907, en síðan í húsmennsku til 1909 að hann hóf búskap á Ytra-Mallandi. Tveimur árum síðar tóku þau við ábúð í Ásbúðum og bjuggu þar til dauðadags. Ásmundur og Steinunn eignuðust fimm börn. Ásmundur átti einnig dóttur með Sigurlaugu Skúladóttur vinnukonu í Ásbúðum.

Foreldrar: Sveinn Ólafsson og Þórunn Tómasdóttir. Steinunn ólst upp hjá foreldrum sínum á Syðra Mallandi við venjuleg sveitastöf og fiskvinnslu. Áður en hún giftist var hún vinnukona á Skaga, m.a. í Ketu og Höfnum. Kvæntist Ásmundi Árnasyni og bjuggu þau á Ytra-Mallandi og í Ásbúðum. Þau tóku að sér mörg börn í fóstur um skemmri og lengri tíma.
Árið 1965 flutti Steinunn með dóttur sinni til Kópavogs og var síðast búsett á höfuðborgarsvæðinu. Steinunn og Ásmundur eignuðust fimm börn, Ásmundur átti einnig dóttur með Sigurlaugu Skúladóttur.

Foreldrar: Jóhann Oddsson og Jóhanna Friðrika Friðbjarnardóttir. Fæddur á Siglunesi en eftir að hafa misst móður sína fjögurra ára gamall flutti hann með föður sínum til Skagafjarðar og var þar á ýmsum bæjum, ýmist búandi eða í húsmennsku. Fljótlega uppúr fermingu fór Baldvin í vinnumennsku lengst á Reynistað. Baldvin kvæntist Láru Pálínu Jónsdóttur, þau voru fyrstu árin í húsmennsku; á Reynistað 1930-1931, í Glæsibæ 1931-1932 og á Eiríksstöðum 1932-1935. Þau keyptu Dæli 1935 og voru bændur þar til 1950, eftir það á hluta jarðarinnar á móti syni sínum. Meðfram búskap var Baldvin um langt árabil póstur í Sæmundarhlíð. Síðast búsettur á Sauðárkróki.
Baldvin og Lára eignuðust þrjú börn saman, fyrir átti Lára tvö börn.

Frá Ólafsfirði, faðir Láru dó þegar hún var á þriðja ári og fór hún þá í fóstur til vandalausa en dvaldi lengst á Gullbrekku í Eyjafirði. Síðar var hún í vistum og vinnumennsku í Eyjafirði og Skagafirði. Hún hóf sambúð árið 1925 með Ólafi Guðmundssyni bónda í Leyningi í Eyjafirði og eignaðist með honum tvö börn. Þau Ólafur slitu samvistum árið 1930. Það sama ár kynntist hún Baldvini Jóhannssyni, þau voru fyrstu hjúskaparár sín í húsmennsku; á Reynistað (1930-1931), í Glæsibæ (1931-1932) og á Eiríksstöðum (1932-1935). Árið 1935 keyptu þau Dæli í Sæmundarhlíð þar sem Lára átti eftir að búa til æviloka. Lára og Baldvin eignuðust þrjú börn saman.

Foreldrar: Pétur Gunnarsson og Guðrún Þorvaldsdóttir. Benedikt fluttist með foreldrum sínum að Vatnsskarði 1899 og átti þar heimili uppfrá því, fyrst í umsjá foreldra sinna og síðar bóndi þar 1918-1964, síðast í félagi við Benedikt son sinn. Benedikt bjó með Kristínu systur sinni til 1938 er hann kvæntist Margréti Benediktsdóttur, en hjónaband þeirra var skammvinnt, Margrét andaðist eftir fjögurra ára sambúð. Þá tók Kristín aftur við ráðskonustöðu hjá Benedikt og bjó með honum til hans síðasta. Tvo vetur var Benedikt við nám í Flensborgarskóla. Benedikt var lengi í hreppsnefnd Seyluhrepps, í stjórn Búnaðarfélags Seyluhrepps og í sóknarnefnd Víðmýrarsóknar. Benedikt var mikill hestamaður og átti gott hrossakyn. Benedikt og Margrét eignuðust tvo syni saman, fyrir átti Benedikt eina dóttur.

Foreldrar: Benedikt Sigurðsson og Sigurlaug Sigurðardóttir. Margrét ólst upp á Fjalli í Sæmundarhlíð hjá foreldrum sínum til fullorðinsára. Liðlega tvítug að aldri dvaldi Margrét einn vetur í húsmæðradeild Kvennaskólans í Reykjavík þar sem hún lærði fatasaum. Hjá föður sínum lærði Margrét að leika á orgel, hafði næmt tóneyra og var mjög söngelsk. Kvæntist Benedikti Péturssyni, þau bjuggu að Stóra-Vatnsskarði, þau eignuðust tvo syni, fyrir átti Benedikt dóttur. Margrét lést úr berklum aðeins 28 ára gömul.

Foreldrar: Sigurður Benediktsson b. og söðlasmiður og k.h. Margrét Valgerður Klemensdóttir. Benedikt var fæddur á Stóra-Vatnsskarði en fjögurra ára gamall flutti hann með foreldrum sínum að Auðólfsstöðum í Langadal þar sem þau bjuggu til 1874 er þau fluttu að Botnastöðum. Benedikt lærði söðlasmíði af föður sínum og stundaði þá iðn frá barnæsku til efri ára. Benedikt færði bú sitt að Fjalli í Sæmundarhlíð árið 1887 og stóð móðir hans fyrir búi hjá honum þar til hann kvæntist árið 1906, Sigurlaugu Sigurðardóttur frá Stóra-Vatnsskarði. Benedikt lærði ungur að leika á orgel og kenndi fjölda manns bæði söng og orgelleik. Eins tók hann virkan þátt í félagslífi sveitar sinnar, sat í hreppsnefnd í 30 ár, í skattanefnd, sóknarnefndarformaður lengi og safnaðarfulltrúi. Þá sat hann í stjórn Lestrarfélags Seyluhrepps og Búnaðarfélags Seyluhrepps. Benedikt var um árabil organisti við Víðimýrar- og Glaumbæjarkirkju og einn af stofnendum Bændakórsins 1917.
Benedikt og Sigurlaug eignuðust þrjú börn. Benedikt og móðir hans, síðar Benedikt og Sigurlaug, tóku allavega sjö börn í varanlegt fóstur.

Magnús Guðmundsson, f. 21.02.1869 á Hafsteinsstöðum í Staðarhreppi, d. 19.12.1939 á Sauðárkróki. Foreldrar: Guðmundur Guðmundsson bóndi á Yzta gili í Langadal og Ingibjörg Sölvadóttir frá Steini á Reykjaströnd. Magnús fluttist frá Hafsteinsstöðum með móður sinni að Veðramóti og voru þau þar í 1-2 ár. Þaðan fór hann á Reykjum á Reykjaströnd og ólst upp til tvítugsaldurs hjá Þorleifi Jónssyni bónda þar. Um 1890 réðst hann sem verslunarmaður að Poppsverslun á Sauðárkróki. Vann þar við afgreiðslu- og skrifstofustörf til 1910, er hann fluttist ásamt fjölskyldu sinni til Þingeyrar. Þar gerðist hann verkstjóri við fiskverslun hjá svokölluðu Milljónafélagi og starfaði þar til 1914. Þá fluttist hann ásamt fjölskyldu sinni til Sauðárkróks og setti þar á stofn verslun sem hann rak til 1919. Eftir það gerðist hann verslunar- og skipafgreiðslumaður hjá Kristjáni Gíslasyni kaupmanni. Vann þar til 1931 en eftir það við verkstjórn og fleira. Tók þátt í ýmsum félagsmálum, sat m.a. í hreppsnefnd Sauðárkróks eitt kjörtímabil og tók þátt í að eindurreisa Verkmannafélagið Fram.
Maki: Hildur Margrét Pétursdóttir Eriksen, f. 27.05.1872. Þau eignuðust 4 börn og ólu auk þess upp Pálu Sveinsdóttur og Magnús Guðmundsson, dótturson sinn.

Foreldrar: Frímann Björnsson og f.k.h. Solveig Jónsdóttir. Ingibjörg ólst upp í Hamrakoti m. foreldrum sínum og fluttist svo með þeim að Hvammi í Langadal árið 1877. Hún fór til náms í Kvennaskólann á Ytri-Ey og var skráð þar veturna 1895, 1897 og 1898. Eftir það hélt hún til Reykjavíkur, fyrst naut hún tilsagnar í saumaskap en fór síðan til náms í ljósmóðurfræðum hjá Jónasen landlækni þaðan sem hún lauk prófi árið 1900. Strax að loknu námi réðst hún til starfa sem ljósmóðir í Bólstaðarhlíðarumdæmi, A-Hún., og starfaði þar fram á mitt ár 1904, er hún var skipuð ljósmóðir á Sauðárkróki, þar sem hún starfaði óslitið í 32 ár eða til ársins 1936. Ekki einskorðaðist starfsumdæmi hennar þó við Sauðárkrók; Hún var sett ljósmóðir í Seylu- og Staðarhreppi 1930-1931, auk þess fylgdi Skarðshreppur starfsskyldu hennar. Á Sauðárkróki starfaði Ingibjörg einnig mjög að bindindismálum og var kjörin heiðursfélagi góðtemplarastúkunnar á Sauðárkróki. ,,Ingibjörg gat sér frábært orð sem ljósmóðir, elskuð og dáð af öllum sem henni kynntust. Hjálpsemi hennar og umhyggja náði langt útfyrir starfsskylduna og sköpuðu henni þær vinsældir, að einstakt var."
Ingibjörg var ókvænt og barnlaus.

Dóttir Unnar Magnúsdóttur og Jóns Björnssonar. Húsfreyja í Reykjavík. Kona Þórðar Jörundssonar frá Skálholti.

Fædd á Skottastöðum í Svartárdal, Au-Hún. Guðný vann mikið og merkilegt starf fyrir Góðtemplararegluna á Sauðárkróki. Kvæntist Magnúsi Benediktssyni, þau bjuggu á Sauðárkróki og eignuðust sex börn.